هلا بك

[ابو سعد]

الف مبروك افتتاح هذا القسم ..

للشاعر الكبير .. علي المفضي ..

من روائع شاعرنا .. هذه القصيدة



هلابك كل ماهب الكلام وجابك الطاري=هلابك ترسم الدرب الطويل احلام ورديه
هلا بك يابعيد عن هناي ونشوة اشعاري=هلا بك لو طواك الصمت في صمتك شفافيه
عرفتك واقفت ركابك عن دروبي ومشواري=وفز إلك الغلا كل الغلا في كل عفويه
وصلت لباب روحي قبل ما ادري واخر اخباري=وشفت جروحي اللي عند غيرك حيل عاديه
حكت لك عن هناي وعبرتي والعثره اسراري=ةسافرت بحياتي لاول الونات والكيه
انا كنت انت .. لكنك قضيت العمر متواري=عن افراحي عن جراحي ودنياي الرماديه
انا ياما قطعت العمر يمك بالمدى ساري=ادور بالملامح والمحاجر منك ماريه
تعبت وملت ايامي وطالت سكة اسفاري=دليلي قلبي الضامي وصدق الهم والنيه
تمنيتك تكون اول ربيع وعيت اقداااري=وسرت روحي بدونك وحشة الغربه خلاويه
كتبتك ماعرفتك وانتثر ريحك مع الذاري=على نبت الفياض وقالتك ريح هواويه
حكيتك للنجوم وللقمر ياشاعر اسحاري=ونادمتك خيال وهمسة عذبه وسريه
نثرتك في قصيدي والخبر عن صحتك عاري=وقالتك القصايد صورة عندي ومنفيه
هشقتك سر مايحكي وانا ماكنت بك داري=ويوم اني عرفتك كنت صفحة عمر مطويه
وش اكتب لك وش احكي لك وش اخفي عنك واداري=رحلت ومنك في كل المشاعر صورة حيه

[الخاطوف]

الله الله

الله يعافيك يابو سحر دائما مميز بقصائدك

[ابو سعد]

تسلم يالخاطوف على مرورك

وانا وابو سحر كلنا لخدمة منتدى ابو ناصر

[عطاشا]

ابو سعد يالخاطوف ماهو ابو سحر 00 انت الله يخلف عليك قمت تهذري ببو سحر ( الكبر شين )

صح لسانك يا أبو عادل وشكرا لك يا ابو سعد على هالقصيدة الجميلة

[أبو عبدالله 100]

مشكور يابو سعد رائعه من رائع الله يعطيك ألف عافية .

[ريان]

انا ياما قطعت العمر يمك بالمدى ساري
ادور بالملامح والمحاجر منك ماريه
تسلم يمناك يابو سعد,,,

[سيد العذارى]

لله درك ياعلي المفضي


تسلم والله على المشاركه المميزه

[ابو سعد]

كل الشكر لكم ..

تشرفت بمروركم

تحياتي للجميع ..

[دمعه]

شكرا لك يابو سعد وهذا ماتعودنا عليه من موسوعتك الشعريه .....

[ابو سعد]

تسلم يادمعه ..

والشكر لك على مرورك

ودي وتقديري

[ابوسحر]

قصيده رائعه بالفعل

كل الشكر للشاعر على المفضي

وكل الشكر لك ابو سعد لطرحك المميّز

ونحن جميعاً لخدمة المملكة الطيارية





محبكم
ابوسحر