ابو سلطان 6
2005, 11:51 AM
من قصائد المبدع دائماً الأستاذ علي المفضي
إهداء إلى أعضاء منتدى الأصالة
باب الروح
هلا بك كل ما هب الكلام وجابك الطاري = هلا بك ترسم الدرب الطويل احلام وردية
هلا بك يا بعيدٍ عن هناي ونشوة اشعاري = هلا بك لو طواك الصمت في صمتك شفافية
عرفتك واقفت ركابك عن دروبي ومشواري = وفز الك الغلا كل الغلا في كل عفوية
وصلت لباب روحي قبل ما ادري وآخراخباري = وشفت جروحي اللي عند غيرك حيل عادية
حكت لك عن هناي وعبرتي والعثرة اسراري = وسافرت بحياتي لاول الونات والكية
انا كنت انت لكنك قضيت العمر متواري = عن افراحي عن جراحي ودنياي الرمادية
انا يا ما قطعت العمر يمك بالمدى ساري = أدور بالملامح والمحاجر منك مارية
تعبت وملت ايامي وطالت سكة اسفاري = دليلي قلبي الضامي وصدق الهم والنية
تمنيتك تكون اول ربيع وعيّت اقداري = وسرت روحي بدونك وحشة الغربة خلاوية
كتبتك ما عرفتك وانتثر ريحك مع الذاري = على نبت الفياض وقالتك ريحٍ هواوية
حكيتك للنجوم وللقمر يا شاعر اسحاري = ونادمتك خيال وهمسةٍ عذبة وسرية
نثرتك في قصيدي والخبر من صحتك عاري = وقالتك القصايد صورة عندي ومنفية
عشقتك سر ما يحكي ونا ما كنت بك داري = ويوم اني عرفتك كنت صفحة عمر مطوية
وش اكتب لك وش احكي لك وش اخفي عنك واداري = رحلت ومنك في كل المشاعر صورة حية
إهداء إلى أعضاء منتدى الأصالة
باب الروح
هلا بك كل ما هب الكلام وجابك الطاري = هلا بك ترسم الدرب الطويل احلام وردية
هلا بك يا بعيدٍ عن هناي ونشوة اشعاري = هلا بك لو طواك الصمت في صمتك شفافية
عرفتك واقفت ركابك عن دروبي ومشواري = وفز الك الغلا كل الغلا في كل عفوية
وصلت لباب روحي قبل ما ادري وآخراخباري = وشفت جروحي اللي عند غيرك حيل عادية
حكت لك عن هناي وعبرتي والعثرة اسراري = وسافرت بحياتي لاول الونات والكية
انا كنت انت لكنك قضيت العمر متواري = عن افراحي عن جراحي ودنياي الرمادية
انا يا ما قطعت العمر يمك بالمدى ساري = أدور بالملامح والمحاجر منك مارية
تعبت وملت ايامي وطالت سكة اسفاري = دليلي قلبي الضامي وصدق الهم والنية
تمنيتك تكون اول ربيع وعيّت اقداري = وسرت روحي بدونك وحشة الغربة خلاوية
كتبتك ما عرفتك وانتثر ريحك مع الذاري = على نبت الفياض وقالتك ريحٍ هواوية
حكيتك للنجوم وللقمر يا شاعر اسحاري = ونادمتك خيال وهمسةٍ عذبة وسرية
نثرتك في قصيدي والخبر من صحتك عاري = وقالتك القصايد صورة عندي ومنفية
عشقتك سر ما يحكي ونا ما كنت بك داري = ويوم اني عرفتك كنت صفحة عمر مطوية
وش اكتب لك وش احكي لك وش اخفي عنك واداري = رحلت ومنك في كل المشاعر صورة حية