عطني عهد

[روح التميمي]

من أجمل القصائد التي غرد بها أبوناصر وبلحن يوحش على راي حترش في بعض التعليقات . . وأنا أدعو كل الأعضاء للاستمتاع بالشعر الأصيل العذب , كما أدعو الإخوة إلى تعريفنا بالشاعر , ونسيت أقول إن القصيدة إهداء لجميع الأعضاء وخصوصا بلدياتي المشرف السنع (طارق) . . إليكم القصيدة :
عطني عهد وأعطيك كل المواثيق . . . عطني الغلا وأعطيك كل المودة
عطني حنانك والوفا دون تفريق . . . واكسب رضى روح لروحك موده
روحي صفت لك واخلصت دون تبريق . . . تتبع رضاك ومن يودك توده
أرجوك رجوى ياعذاب العشاشيق . . . شي فقدته منك حاول ترده
بادلني الإخلاص قبل التفاريق . . . مادام حبل الوصل تقدر تمده
اعطف وذوقني من الحب تذويق . . . واصرف دوا لجروحك المستجدة
شربة هنا من مبسم ما يعد ذيق . . . أحيا بذكراها مع البعد مدة
لحظة معك تفرج عن عيوني الضيق . . . يا من كما نور القمر نور خده
عمري بلا لاماك مابه توافيق . . . ضو القمر مع نوركم ما نعده

[دمعه]

مشكوووووووور اخوي التميمي على القصيده التي غرد بها الفنان حمد الطيااااار بأحد جلساته

ولاتحرمنا من اللي عندك ترانا كلنا من قبيلة وحده ....

[عطاشا]

ماقصرت يالتميمي

قصيدة رائعة فعلا من ناحية الكلمات واللحن والآداء ما يحتاج

اليا لعلع ابو ناصر بصوته الرخيم كل الأصوات تسمع له

لكن صاحب القصيدة ماهو معروف لدينا

منهو يادمعه يا 00000000000

الله يعطيك العافية يالتميمي

[دمعه]

سئلت عن قائل القصيده وسئلة الطيار بنفسه ولكن بلا جدوى وقال انه لشاعر من مدينة بريده قديم ولكن لايحضرة اسمه ..

[روح التميمي]

تسلم والله يا دمعة وتسلم ياعطاشا وشكرا لكما على المرور والتعليق . ولولاي أخاف من لازم الكلام وهو خوف التعريض بالآخرين كان أقول : زاد أقول يادمعة منين لك هالمرجلة والسنع والذوق . . أثرك تميمي ! تشرفني قرابتك والله . وتحياتي للجميع
أخوكم / التميمي

[TAREQ]

اخوي التميمي تسلم والله وعوافي والله ني ابحث عن القصيده من زمان وسألت عنها الكثير ولكن دون فائده ....

(وخصوصا بلدياتي المشرف السنع طارق) تراي مافهمت وش تقصد بلدياتي ؟؟؟!!!!

[روح التميمي]

الشكر لك والله يامشرفنا الغالي , وزين إننا قدرنا نجيب شي مهوب عندك , وبعدين أنت راع الأولة وراع الأولة ـ مثل ما يقولون ـ ما يلحق . أما مصطلح ( بلدياتي ) فهو يعني : ولد ديرتي , بتعبير إخواننا المصريين .

[TAREQ]

الله يسلمك ويخيك وحنا اللي نتشرف بوجود واحد مثلك بيننا ...
تقبل تحياتي وشكري

[الطيار وبس]

مشكوووووووووووووووور أخوي التميمي بس ياليت نعرف من هو قايل القصيده بس

[روح التميمي]

اخوي الطيار وبس . . مشكور على مرورك وأضم صوتي لصوتك وأقول : ياليت . وأتصور إن بعضهم لو يبي كان جاب العلم , لأني أشوف إن بعض الأعضاء ماشاء الله عليهم تعوذ منهم الجن !!

[ابوسحر]

التميمي كل الشكر لك


محبكم
ابوسحر

[اللورد]

شكر كبير لك صراحة اول مرة تمر علي هذي القصيدة

تسلم ولا تحرمنا من الجديد

[ريان]

مشكوووووووووووووووور أخوي التميمي

[روح التميمي]

الإخوة الأكارم / أبو سحر ـ اللورد ـ ريان
أشكر لكم مروركم وتشجيعكم , ولكم تحياتي

[نوووره]

روحي صفت لك واخلصت دون تبريق . . . تتبع رضاك ومن يودك توده

الله عليك
وربي ذووق يا تمووم
يعطيك مليون عافيه
بصراحه روعة الكلمات
واكيد ذوقك رفيع عشان كذا اخترت لنا الكلمات الحلوه هذي
يسلمووو

سيي يوو

[روح التميمي]

نووورة . . شكرا لمرورك وشكرا لتعليقك . . أما الذوق فلا يقدر الذوق الجميل إلا ذو الذوق الجميل وأنت كذلك . تحياتي وتقديري

[alazrag]

قصيده رائعه ومشكووور بس ...

دورت على الاغنيه وعجزت القاه وانا سمعته مره مع واحد من الشباب وجازلي اللحن

ياشباب تكفووون ابي الاغنيه من تحت الارض