قصيده للشاعر هل اجدها لديكم ؟

[بريماكس]

السلام عليكم

فيه قصيده لشاعرنا احمد الناصر يصف فيها فتاة قابلها بالسوق

قصيده رائعه فقدتها

ارجو من لديه القصيده ان يضعها


وله شكري مقدما

[عطاشا]

نهار سبعة عشر سبعة بتالي رجب

يا ليتني ما دخلت السوق و انا اجنبي



العصر مريت يوم السبت سوق الذهب

لقيت مخلوق لا هندي و لا مغربي



من شوفته ما لقيت الا السهر و التعب

صار السهر و التعب من شوفته مكسبي



اللبس لبس اجنبي و الدم دم العرب

زولٍ ليا شافه الشايب يعود صبي



مكملٍ بالجمال و بالحسب و النسب

قلت : السلام و تبسم قال: لي وش تبي



و ليا تقربت من زين الحلايا هرب

و اقول : عطني الصراحة و انت ابو ما تبي



بغيت اعرفه وش اسمه مير ما الله كتب

يقول : ابي سمعتي و اخشى على مذهبي



تبين النور من خده على و احتجب

يالله عليك الخلف تخلف علي تعبي



انا قتيل العيون النجل سود الهدب

ذقت العنا و العذاب و لاحصل مطلبي



قلت : ارحم اللي طواه الهم و انت السبب

قالت : لعله يطاولك السهر بسببي



قلت : الظليمة حرام بكل حشمة و أدب

قالت : معي عين وصانا عليه النبي



انشد و لا يلحق النشاد لوم و عتب

انا غريب و قضى مايي و قضى مزهبي



انت من اهل الكرك و الدير و لا حلب

قالت : يشيب الولد ماحصل اللي يبي



قلت : انتي من السويد اهل الفرح و الطرب

قالت : بلاد العروبة رغبتي و طلبي



انتي من اهل الخليج مخلصين النشب

قالت : من المسلمين و جد ابوي عربي



و اللي يقول الهوى كله خطر ما كذب

قلت : اوعديني وعد بس اذكره و اكذبي



قامت تعجّب و قالت : يا زمان العجب

يا لايم اهل الغرام انا اشهد انك غبي



عليك رسم البداوة و الزمان انقلب

قالت : عظامي و دمي و اللحم و العصب



انا من البدو كان الدم وصْل الركب

يوم السلاح المفتل و الرصاص حلبي



أحمد الناصر الشايع

[بريماكس]

مشكووووووووور وما قصرت

[بريماكس]

بعد لو عندك شيلتها بصوته >>> طماع

جميلك يغمرني

[عطاشا]

قوقل مايقصر

اكتب احمد الناصر وحمل كل شيلاته اللي تبي