عضو جديد .......... والسبب فيصل 2007

[ABO NASSER]

السلام عليكم ورحمة الله وبركاتة


كل عام وانتم بخير


أنا عضو جديد بالمنتدى الرائع ,,,,,


بصراحة انا اول كنت اعرف ان فيه فنان اسمه حمد الطيار واتصل علي صديق وقالي نبي نروح لمه بجلسة بالخرج تخاويني قلت معك

المهم رحنا لمه وجلسنا وطربنا,,,, هذا قبل 4 سنوات

بعدها نسيت حمد الطيار لاني انقطعت عن خويي

وبعدها طحت بفيصل 2007 وكل سواليفة ( راح حمد,, جاء حمد,,,كل شي حمد )


لا وبعد سمعني ( تدل الكلمة هذي اني منب قصمنجي لان القصمان يقولون سمعن:) ) كل أغانية وتراي والله احب القصمان خاصة أهل عنيزة

والظاهر فيصل مخاويني عشاني اسمي ابو ناصر :icon26:

ولالكم بالطويلة وسجلت بالمنتدى وهذاني معكم

وابشروا بالمشاركات والمواضيع



( أسال الله ان يشفي ابو ناصر ويرده سالم غانم الى السعودية )


أبونــــــــــــــــــــــــــــــاصــــــــــــــ ــــر

[فيصل2007]

هههههههههههههههه

اجل قصمان يابو ناصر
مير ياهلابك بيننا وياهلا ومسهلا

ولكن بمى اني صديقك واعزك
انتبه من عطاشا والقويد988 اكيد
تبي تتواجه انت ووياهم
هذولا لا يقربونك
وقريبا ان شاء الله زوالهم نهائيا
خخخخخخخخخخخ

وياهلا ومسهلا

[TAREQ]

حياك الله .

ووجودك يكفي لنا فخرا وشرفاً

فيصل 2007 من ابناء هذا الموقع ومن المخلصين والوفيين لابو ناصر اطال الله بعمره وشفاه

اتمنى ان تقضي معنا اسعد الاوقات

اخوك طارق

[سعد الخرج]

بسم الله الرحمن الرحيم
السلام عليكم ورحمة الله وبركاته
هلا وسهلا بك اخوي العزيز ابو ناصر انت فيك من ابوناصر الاسم
ومن فيصل الصدااقه يعني على شارعين مير الله يحيك بيننا ونتمنى أن
تسعد معنا في المنتدى والعلوم الطيبه وزي مال قالك فيصل حذاري من
القويد وعطاشا انتبه لا يقربونك

[دمعه]

أسفرت يامرحبا بك ... فيصل 2007 هو اللي جابك ""

كلنا شرف لحضورك وتسجيلك معنا في هذا المنتدى ""
وفيصل راع الأوله صح انه بعيد عنا لكن قريب بالقلب معنا ..

أرجو أن تفيد وتستفيد .. ومثل ماقالوا الإخوان الحذر الحذر من الأعضاء المشبوهين اللي ماوراهم الا البهرجه والدعدعه ""
شكري لك >>

[هتلر عنيزة]

هلالالالالالالالالا وغلا باللي يحب العنيزاويين
هلا بابو ناصر

[القـــويد 988]

مرحباااااااااااا ألف بحظورك أنت شمعة تضئ لتشعل لنا طريقنا ..

أنت وهـ بس ماأقدر أحتسي .. ( وجه خجول )

إسمع تبي نصيحة أخو لأخو ..

إسمع وماتندم عندك أحزاب بالمنتدى وأتمنى من رب العالمين أن ينجيك منهم ..
لأن إذا سيطروووو عليك إكتب على نفسك السلاااااااااااام ...

الأعضاااء بالترتيب الأبجدي ..
1-z
2- يزيد
3- سعد الخرج
4- طارق
5- دمعه
...

بس أتمنى إنك تقتدي بالأساتذه الكباااار وتصير بصفهم ..

الكبير العالمي الزعيم الشبح الأسد الذيب الأستاذ ((( عطــــاشا ))) طول الله بعمره ..


وفيصل والقويد والعتيبي سماعي طيار وبااااااااااقي الأعضاااء ..

دمت بخالص الموده والإحترام

[يزيد]

حياك الله في محلك يابو ناصر

وهذي تراها ليلةٍ فنيه اللي شفناك فيها وعرفناك

ومثل ماقال اخوي دمعه الأعضاء حقين الدعدعه والزبرقه والطهبله والمهايط ابعد عنهم

وعلى رأسهم التسذوب القويد وخراط المشمش عطاشا والخبل سعد الخرج وصديقك فيصل تراه لك عليه شوي لكن ان شاء الله ان الكنديين يضبطونه

حياك الله مره ثانيه

واحرص على الاعضاء الذيابه

يزيد ، الخاطوف ، مفتون الفن ، واحياناً المشرف طارق لان تخمه شوي ام الهكي ويقلب

[[العتيبي]]

السلام عليكم ورحمة الله وبركاته
حياك الله ياأبوناصر
وهذي والله الساعه المباركه

[عطاشا]

شوف حبيبي انا راح ارحب فيك رغم تحفظي على صداقتك مع اللوح فيصل

وراح اقول لك ياهلا ويامرحبا فيك ويشرفنا وجودك معنا

مثل ماقال لك المشرف البطران 00 قاهر فيصل وسعيدان

وهنا احذرك من الانظمام الى حزب الليكود ( فيصل وسعيدان ويزيد ) لأنك ماتعرف القويد

حق المعرفه

(القويد هذا هو البطل هو ابو عجرا اللي قلبه زي الصخر وعيونه حمر زي القشطه )

هذا الترحيب جديد ومن نوع مختلف هههههههههه

[ميسور الحال]

يـآهـلآ وآللـه ومرحبـآ ومسهـلآ

حيـآك آللـه بيـن آخـوآنـك

شرفتنـآ بحـظورك

نتمنـىآ لـك آلـمتـ ع ـه وآلفـآئـده في هـذ1 آلـصـرح آلـشـآمخ