ليتك تفكر ياحبيبي بحـالي .....

[TAREQ]

مرحبتين ....

من القصائد القويه والتي تغنى بها ابو ناصر وتلبية لطب اخوي النادر اتمنى تعجبكم
وللمعلوميه كتبتها من نفس الاغنيه يعني يمكن يكون فيه اغلاط بسيطه او تغيير من نفس المغنى ...

ليتك تفكر ياحبيبي بحالي
تمدي صوابي قبل قصاف الاعمار

اخاف اموت القهر ياهملالي
مسكين مالحق مع الزين مشوار

لاطرو هلي ذكره وحل المجالي
اصد خاف الدمع يفضح لي اسرار

سالي مع العالم ولانيب سالي
اضحك واخفي داخل القلب مجمار

عفت النصايح من عزيز وغالي
يقول حاول تعتبرذاك ماصار

الحب سلطانه يضيم الرجالي
راعيه مايقوى ولو كان جبار

الشاعر / احمد الفهيد

[العين]

الله يعطيك العافيه ياطارق

وكلمات جميله جدا واغنيه وفق به حمد الطيار

[TAREQ]

العين شكرا لمرورك وشرفت

[يزيد]

ياجماعه الفهيد ذا مهوب طبيعي

وابو ناصر عاد .. بدون تعليق أزين

[TAREQ]

شرفت يايزيد ....
بس وينك يالنادر ؟؟

شكرا

[السمسار]

مشكور طارق

بس فيه تعديل بسيط لآخر بيت :

ـــــــــــــــــــــــــــــ
هذي كتابتك للبيت :
الحب سلطان يضيم الرجالي
راعيه مايقوى ولو كان جبار
ـــــــــــــــــــــــــــــ
وهذا التعديل :
الحب سلطانه يضيم الرجالي
راعيه مايقواهـ ولو كان جبار
ـــــــــــــــــــــــــــــ

تحياتي لك ..

[TAREQ]

السمسار شكرا على مرورك
وشكرا على التعديل ...

[سعد الخرج]

بسم الله الرحمن الرحيم
السلام عليكم ورحمة الله وبركاته
شكراً لك اخي الكريم طارق فعلا قصيده رائعه