تحيه طيبه لكم اعزائي
اتمنى ان تعذرونا لعدم كمال القصيده وهيا بصوت الشاعر
نهار ثالث عقب عيد رمضاني=ناس عطاها الله وناس محرومه
احد قضى عيده سلام وتهاني=واحد توصله الكواكب همومه
صادفت صدفه من صدوف الزماني=منها قوي الحيل تفتر عزومه
هذا زمان الهم والامتحاني=وقت على قلبي تعاقب سهومه
الاوله كامل جميع المعاني=مزبن المضيوم شرع الخصومه
محمد اللي بالقسى واللياني=عقبه سمايه غايبات نجومه
والثانيه با اقرب قريب وداني=خامس عيالي يوم جتني علومه
قالوا مابين الخاصره وحلباني=ولدك مات اللي ترجى قدومه
جاء يومه الموعود باربع ثواني=قلت السبب قالوا دنا منه يومه
علم على الكبد الصخيفه كواني=كية عطب ما تنشكى للحكومه
تهشمت كل الضلوع المحاني=مفجوع والمفجوع ما احد يلومه
اخذت لي ساعه وانا في مكاني=حسبت لي عشرين طيحه وقومه
اليا بغيت الهرج ييبس لساني=والذاكره عندي تقول امعدومه
قمت اتلفت واتسمع باذاني=من شاف حالي ما تهنى بنومه
مما بقلبي رحت بالليل عاني=للموتر اللي ما بقى الا رسومه
عن روحتي ياليت ربي نهاني=ولا شفت دمه سايح في هدومه
قمت ودفنته والله المستعاني=في خرقة بيضاء عليه محزومه
يم القويعيه بلاد اقحطاني=والحر غير لون وجهي سمومه
واقفيت من عنده وعشري ثماني=مثل المصبح والبلاد امحكومه
والله لولا اني وسيع البطاني=لا صكها مثل اشقر الريش حومه
طاوعت نفسي مير عقلي قواني=عن الخطأما فيه نفس امعصومه
شكر للأخ مزاجي
لكتابه القصيــــده
محبكم
ابوسحر
مرثيـــــــــه (( صوتيه ))
العرض العادي
