التسجيل متاح الان

 
العودة   الطيار كوم > الموقع الرسمي للأستاذ حمد الطيار > ملتقى اعضاء طيار كوم
ملتقى اعضاء طيار كوم المواضيع التي لا تحمل اي من الأقسام الأخرى

رد
 
LinkBack أدوات الموضوع طرق مشاهدة الموضوع
معلومات العضو
TAREQ
المراقب العام لمنتدى حمد الطيار
 
الصورة الرمزية TAREQ
 







TAREQ غير متواجد حالياً

#1
قديم 2008, 01:32 PM

افتراضي شاب فقير خطب بنت عمه !!




شاب فقير خطب بنت عمه المليونير
ورد عمه طلباته عليه فقال القصيدة:



سبحان من يرزق بتـوع الملاييـن
الرازق اللي ما يخيـب الرجـا بـه

لي عم عنـده معـرضٍ للصواليـن
أموت واعرف بس من ويـن جابـه

وإذا سألتـه قـال بعـت الدكاكيـن
ما يدري إني ما هضمـت الإجابـه

الشاهد إني رحت له قبـل يوميـن
في قصـره العامـر ودقيـت بابـه

قال أرحب ارحب عدّ ورد البساتيـن
يا مرحبـا باللـي لفـا يـا هلابـه

قلت البقا عـدّ النفـل والرياحيـن
يا شيخ شمل اهل الكـرم والذرابـه

قال أسلم الله يحفظك لي من العيـن
وآمر أوامـر حضرتـك مستجابـة

قلت الصراحة طالبٍ قـرب غاليـن
ودي تزوجنـي كريمـتـك يـابـه

ثنّى وقـال أهليـن والله وسهليـن
والكون ترخص لجل عينـك رقابـه

لكن ترا عنـدي شـروط وقوانيـن
قلت اشرط أشرط يا حبيب الغلابـة

قال أولاً مهـر العروسـة ثمانيـن
غير الرسوم وغير حـق العصابـة

والثانية عمك يبـي منـك سبعيـن
رسـم الأبـوّة والنسـب والقرابـة

وأم العروسة حقهـا منـك ستيـن

عشانها سـت الحسـن والمهابـة

واخوانها كلن يبي منـك خمسيـن
عداً ونقـداً تنـدرج فـي حسابـة

وخواتها الخمس أعطهن من ثلاثين
عشـان تتوثـق عـروق النسابـة

وتجيب طقم عيار واحـد وعشريـن
وخاتم من الماس المصفـى ترابـه

وأكياس متروسة كعـوب وفساتيـن
ألوانهـا وأشكالهـا مـا تشـابـه

وموتـر بسواقـه وفيـلا بدوريـن
أثاثهـا مـن بطرتـه ينحكـا بـه

واحجز لنا قاعة بقصـر السلاطيـن
واحجـز بهـا رقاصتيـن وربابـه

وامنع دخول اهل اللحى والبزاريـن
واعـزم أميـر المنطقـة بالنيابـه

هذي الشروط اللي على بالي الحين
وذكرني اللي مـا حسبنـا حسابـه

قلت اذكر الله يـا عـدو المساكيـن
واستغفـره لا يبتلـيـك بعـذابـه

الظاهر إنك منت عارف أنـا ميـن
أنا لو أرقى فـوق متـن السحابـة

ما جبت حتى نـص درزن مواعيـن
واضحك بكيفـك واعتبرهـا دعابـه

شروطكم هـذي شـروط المجانيـن
شروطكـم شغـل ابتـزاز ونهابـه

شروطكم تقصـم ظهـور البعاريـن
شروطكـم همّـن وغـم وكـآبـة

شروطكم والله سيـوف وسكاكيـن
تذبح بنات المجتمـع مـع شبابـه

وين الرضا والعطف واليسر والليـن
اللـي ذكرهـا الله بمحكـم كتابـه

وين الصفات اللي أمرنا بها الديـن
وين اختفى نهج النبـي والصحابـه

يا عم جعل اللي خلقنا مـن الطيـن
يرد عقلـك مـن خطـاه لصوابـه

ويجعل نصيبي عند غيرك قل آميـن
ويحسن عزا الصابر ويجزل ثوابـه

قال انت لو فكرت تفكيـر صاحيـن
ما شفت في مجمل شروطي غرابـه

حنـا بعصـر العولمـة والمزاييـن
ماهو بعصـر الفلسفـة والخطابـه

الناس تسعـى للرتـب والنياشيـن
وأنت اهتمامـك بالشعـر والكتابـة

والشعر ما ينفعك لو هـو دواويـن
ما دام جيبك مثـل بيـت الخرابـه

يا بوك لا تسمع كـلام المصاخيـن

واسأل مجرب عاش في وسط غابه

قلت الله اكبر يـا محـرر فلسطيـن
من يسمعك يحسبك ذيـب الذيابـه

تراك شايـب رأس مالـك رياليـن
والبنت ما تسـوى جنـاح الذبابـة

قال انقلع مالت على وجهك الشيـن
لا عـاد أشوفـك عندنـا يالزلابـه

قلت ابشر ابشر لكن الباب من ويـن
واقفيت من عنده على صوت بابـه



تحياتي

أعان الله الجميع فى ظل الظروف القاسية


التعديل الأخير تم بواسطة : TAREQ بتاريخ 2008 الساعة 01:37 PM
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
 
الصورة الرمزية اسرار الظلام
 







اسرار الظلام غير متواجد حالياً

#2
قديم 2008, 02:55 PM

افتراضي


قلت الله اكبر يـا محـرر فلسطيـن
من يسمعك يحسبك ذيـب الذيابـه


تراك شايـب رأس مالـك رياليـن
والبنت ما تسـوى جنـاح الذبابـة

والله الرد المظبوط
شكراً لك اخي الكريم طارق
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
عطاشا
عضو شرف
 
الصورة الرمزية عطاشا
 







عطاشا غير متواجد حالياً

#3
قديم 2008, 02:58 PM

افتراضي


لاصار طفران وماعنده الا الفقر ليه يروح يخطب بنات الناس الاغنياء

وشلون يبي يعيشها مثل عيشة اهلها والا يبيها تصرف عليه


يروح يدور له فقرية مثله

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
يزيد
عضو شرف







يزيد غير متواجد حالياً

#4
قديم 2008, 05:08 PM

افتراضي


على قولة حسينوه


والله مشكله الفقارا ( الفغارا ) ههههههههه

الله يعين كل مسلم

والزواج تالي صار يروع

لو تشتغل بإيديك ورجليك ماتقدر تجيب المهر لحالك كود يساعدونك الجماعه

غير المصاريف الثانيه
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
TAREQ
المراقب العام لمنتدى حمد الطيار
 
الصورة الرمزية TAREQ
 







TAREQ غير متواجد حالياً

#5
قديم 2008, 09:19 PM

افتراضي


ياهلا سعد وشرفت حبيب قلبي


خالي عطاشا : اول كانو ماياخذون الا بنات عمهم وهذا ماعنده الا العم هذا الغني وش يسوي ؟

يزيد : الله يعيننا وياك

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
رد

مواقع النشر (المفضلة)

الكلمات الدليلية (Tags - تاق )
بنت , شاب , عمه , فقير


جديد مواضيع قسم ملتقى اعضاء طيار كوم
أدوات الموضوع
طرق مشاهدة الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصيـده لشـآب فقير خطـب بنت عمـه آلمـليونير . ! ميسور الحال ملتقى اعضاء طيار كوم 13 2010 04:49 AM


الساعة الآن: 11:53 PM


Powered by vBulletin® Version 4.2.0
Copyright ©2000 - 2011, Jelsoft Enterprises Ltd
Tranz , Design and Development By YsOrI
SEO by vBSEO

RSS RSS 2.0 XML XML2 SiteMap SiteMap2 ARCHIVE HTML HTML2 EXTERNAL JS URLLIST

  Ysori
1 2 3 4 5 6 7 8 9 10 11 12 13 14 15 16


1 2 3 4 5 6 7 8 9 10 11 12 13 14