التسجيل متاح الان

 
العودة   الطيار كوم > الموقع الرسمي للأستاذ حمد الطيار > ملتقى اعضاء طيار كوم
ملتقى اعضاء طيار كوم المواضيع التي لا تحمل اي من الأقسام الأخرى

رد
 
LinkBack أدوات الموضوع طرق مشاهدة الموضوع
معلومات العضو
TAREQ
المراقب العام لمنتدى حمد الطيار
 
الصورة الرمزية TAREQ
 







TAREQ غير متواجد حالياً

#1
قديم 2009, 08:39 PM

افتراضي قصائد مميزة (بدون شاعر) ...


هذا الموضوع يحمل قصائد مميزه ولايعرف من قائلها وهو رداً على موضوع عطاشا (قصائد متعوب عليها )

رداً على تلك التفاهات اللي وضعها في موضوعه هداه الله واصلحه الى الطريق السليم ,,




يـغـنـيـك عـــن كـثــر الـحـكـي مـجـمـل ابـيــات

ومــن يـاخـــذ الـمـضـمــون يـلـــقــى الادلـــــه



تـــدري وش الـلـي يــقـتـل الـحــب بسـكـــات

لاصــرت فــي بـــوحــك تـــحـــس بـمــــذلـــــه



وتـــدري وش الـلـي يـكـسـر الـظـــهـر حـزات

لامـن عـطـيت احــســـاس مــاهـــو مـــحــلــه



وتـــدري مـتـى تـستــاهـل الـطــعـن مـــــرات

لا مــن خــطـيـت الــدرب وانــتـه تــدلــــــــــه


لا تـتـبـــع المـقـــفـي عـلـــى كــل حــــــــالات

بــعــض الـوجــيـه اللـي تـقـابـلـك عـلـــــــــه



ولا تـسـال الـغـالـي عــن الــــجـرح لا فـــات

نــبــش الــحـكـي يـــزود الـطــيــــــن بــلـــــه






طــالــع فـي مــن حولــك وتاخـــــذ شــهــــادات

مـــانــلـتــها لــو تـــدرس الـدهــــــر كـــلــــه



ناس تجر من ســـــــوود الضيق ونـــــات

ونـــاس تـقــضــيها ونـــــاســــه وفـلــــه



هـــذاك شــال هـــــمــــوم غــيــره ولا بـــات

وهـــذاك مــايــدري عــن احســـــــاس خلــه



احــدن يهيــن اصــلـــــه عــــــلى كـــل زلات

واحـــــدن تـــرومه شـيـمــتـه مـــــــاتـــزلــه



لا تـــقــول حـــظي من عـنا الـوقـت قـد مـات

قــل مـــات حــــظ اللـي عــــنـاه اســتــــحلــه




ولا ضـــاقــــت الدنيـا وعلى الكيف ما جــات

اطـلـق احـجاجـك ثــــــم تـــــوكـل عـلى الله


:32:

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
TAREQ
المراقب العام لمنتدى حمد الطيار
 
الصورة الرمزية TAREQ
 







TAREQ غير متواجد حالياً

#2
قديم 2009, 08:47 PM

افتراضي


قصيدة لشاب فقير خطب بنت عمه المليونير‏

يقول فيها


سبحان من يرزق بتوع الملاييـن

الرازق اللي ما يخيب الرجـا بـه

لي عم عنده معـرضٍ للصواليـن

أموت واعرف بس من وين جابـه

وإذا سألته قـال بعـت الدكاكيـن

ما يدري إني ما هضمت الإجابـة

الشاهد إني رحت له قبـل يوميـن

في قصره العامـر ودقيـت بابـه

قال أرحب أرحب عدّد ورد البساتين

يا مرحبا باللـي لفـا يـا هلا بـه

قلت البقا عـدّ النفـل والرياحيـن

يا شيخ شمل أهل الكرم والذرابـه

قال اسلم الله يحفظك لي من العين


وآمر أوامر حضرتـك مستجابـة

قلت الصراحة طالبٍ قرب غاليـن

ودي تزوجنـي كريمتـك يـابـه

ثنّى وقال أهليـن والله وسهليـن

والكون ترخص لجل عينك رقابـه

لكن ترا عندي شـروط وقوانيـن

قلت اشرط اشرط يا حبيب الغلابـة

قال أولاً مهر العروسـة ثمانيـن

غير الرسوم وغير حق العصابـة

والثانية عمك يبي منـك سبعيـن

رسم الأبـوّة والنسـب والقرابـة

وأم العروسة حقها منـك ستيـن

عشانها ست الحسـن والمهابـة

وإخوانها كلن يبي منـك خمسيـن

عداً ونقـداً تنـدرج فـي حسابـه

وخواتها الخمس عطهن من ثلاثين

عشان تتوثـق عـروق النسابـة

وتجيب طقم عيار واحد وعشرين

وخاتم من الماس المصفى ترابـه

وأكياس متروسة كعوب وفساتيـن

ألوانهـا وأشكالهـا مـا تشابـه

وموتر بسواقـه وفيـلا بدوريـن

أثاثهـا مـن بطرتـه ينحكـى بـه

واحجز لنا قاعة بقصر السلاطيـن

واحجز بهـا رقاصتيـن وربابـه

هذي الشروط اللي على بالي الحين

وذكرني اللي ما حسبنـا حسابـه

قلت اذكر الله يا عـدو المساكيـن

واستغفـره لا يبتلـيـك بعـذابـه

الظاهر إنك منت عارف أنا ميـن

أنا لو أرقى فـوق متـن السحابـه

ما جبت حتى نص درزن مواعيـن

واضحك بكيفك واعتبرهـا دعابـة

شروطكم هذي شـروط المجانيـن

شروطكم شغـل ابتـزاز ونهابـه

شروطكم تقصم ظهـور البعاريـن

شروطكـم همّـن وغـم وكآبـه

شروطكم والله سيوف وسكاكيـن

تذبح بنات المجتمع مـع شبابـه

وين الرضا والعطف واليسر والليـن

اللي ذكرهـا الله بمحكـم كتابـه

وين الصفات اللي أمرنا بها الديـن

وين اختفى نهج النبي والصحابـة

يا عم جعل اللي خلقنا من الطيـن

يرد عقلك مـن خطـاه لصوابـه

ويجعل نصيبي عند غيرك قل آمين

ويحسن عزا الصابر ويجزل ثوابه

قال أنت لو فكرت تفكير صاحيـن

ما شفت في مجمل شروطي غرابه

حنا بعصـر العولمـة والمزاييـن

ماهوب عصر الفلسفة والخطابـة

الناس تسعى للرتـب والنياشيـن

وأنت اهتمامك بالشعـر والكتابـة


والشعر ما ينفعك لو هو دواويـن

ما دام جيبك مثـل بيـت الخرابـة

يا بوك لا تسمع كلام المصاخيـن

واسأل مجرب عاش في وسط غابه

قلت الله أكبر يا محـرر فلسطيـن

من يسمعك يحسبك ذيـب الذيابـه

تراك شايب رأس مالـك رياليـن

والبنت ما تسوى جنـاح الذبابـة<<< خربت الأخلاق :d

قال انقلع مالت على وجهك الشين

لا عاد أشوفـك عندنـا يالزلابـه

قلت ابشر أبشر لكن الباب من وين

وأقفيت من عنده على صوت بابـه



قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعنا السعودي

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
TAREQ
المراقب العام لمنتدى حمد الطيار
 
الصورة الرمزية TAREQ
 







TAREQ غير متواجد حالياً

#3
قديم 2009, 08:58 PM

افتراضي


صحيح القصيدة قويّة شوي



بس ما ينلام.... :d


القصيدة تعبر عن راي صاحبها وليس ناقلها


طز في العروبه وطز في كل عربنا

وطز في شعوبٍ عايشه هم واذلال

طز في حسبنا ... والف طز بــ نسبنا

مدام ما فـــينا ولا نص رجال

نـرتاح لا منّا كـلينا وشـــربنا

ما همنا مســــلم شكى كثر الاهوال

حنا لـهينا في خمـــرنا وطربنا

لهينا مع هيفا و نانسي و باسكال

عربـ نقول اقوال ما نفعل افعال

نــطوّل اللحية ونحــلق شنبنا

كـــن أمـة الاسلام هي بس أشكال

عربـ حنينا الراس وكلٍ غصبنا

ما كننا احفــاد الصــحابة والابطال



و ما كننا لقيصر وكسرى غلبنا

يوم أن فرنسا اسمها بلدة الغال

والـــيوم كلن ذلنا واغــتصبنا

وصـرنا عبيد لــ بوش وحكامٍ أنذال

مدام كل سافل ومجرم غصبنا

وبأرض العراق تموت نسوان واطفال

و غزه معا بيروت نادت شعبنا

وشعوبنا متصلبه مثل تمثال

سمونا أهل إرهاب ومحدن رهبنا

وصار الجهاد ارهاب في عين الانذال

نزرع نخلنا وبوش يحصد رطبنا

الله يلعن من عطى بوش الاموال

مدامنــــــا كل الذنوب ارتكبنا

و بعنا أصول الدين بجنيه وريال

ومدامــــــــنا مثل البقر انحلبنا

و يبوق خيــــر ديارنا كل محتال

خل نلبس البرقع ونحلق شنبنا

ونلبس عباية ما نبي ثوب وعقال

إسلامنا هو عزنا يا عربنا

يبقى لنا عزٍ على مر الاجيال

تعبنا من ذل العروبه تعبنا

طز في عروبة ما بها نص رجال


 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
TAREQ
المراقب العام لمنتدى حمد الطيار
 
الصورة الرمزية TAREQ
 







TAREQ غير متواجد حالياً

#4
قديم 2009, 09:01 PM

افتراضي


قصيدة الشيب




الشيب شفته في المرايه وصــديت
ماكنت أصدق إن ذا الشيب فيه

أثر الزمان يطوي رحاله ووليـــت
وراحت سنين العمر وش هي البقيّة

من بعد شفت الشيب في الرأس حنيت
حنيت لسنين(ن) توالــــــت عليه

سنين ذقنا المــــر فيها تجنيت
ويااا كم تكبــــدنا صنوف البليّه

ذقت الحلا في بعض منها وتهنيــت
مرت عليّ مر الصبح والعشيــَه

وسنين يا كم تهت فيها وتماديت
ما بيــن سب وظلم ولا قفيّه

ويا كم تحملت المعاصي وجـــريّت
جريتها ومثيل جر المطيـــــّه


وسعيت في الدنيا وكم صبت واخطيت
واللي مضى ع النــاس يمضي عليه

ودارت بــــي الدنيا ولا يوم ونيت
وقضيّتهـــا مابين شمسٍ وفيّه

يــا مرحبا بالشيب من يوم حليّت
تظـهر على نفسي أمور غبيّه

يالشيب ما خوفت قلبي ولا أحديت
إلا مواريــــــــــد(ن) بتقبل جليّه

إنــــــت النذير إلي على الباب طليت
ووصلـــــــت حد الباب وش عاد ليّه

ما عاد لي إلا التوبة إن كاني أزكيت
وسألـــــت أنا المولى ورب البريّه

وقلت توبــــي يا نفس قبل ياليت
ماعـــــاد ينفع ياليت وقت المنيّه

صـومي وصلي ثم حجي إلى البيت
وروحي إلــى طيبه ومسجد نبيّه

وتزودي بالخير من بعد ما أشقيت
نفس(ن) تعاندني ونفــسٍ عطيّه

وإن عشت يا نفسي من الخير جنيت
جنيت لي مجنـــــى الثمار الهنيّه

يــــــارب تغفر زلتي يوم زليت
و إنــــــــــك تجنبني الزلل والخطيه

وعلـــى الرسول ازكى سلام وصليت
اعداد مـــــــا هلت نزول النجيـــــــه

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
عطاشا
عضو شرف
 
الصورة الرمزية عطاشا
 







عطاشا غير متواجد حالياً

#5
قديم 2009, 09:04 PM

افتراضي


لا تـتـبـــع المـقـــفـي عـلـــى كــل حــــــــالات


بــعــض الـوجــيـه اللـي تـقـابـلـك عـلـــــــــه


هذا البيت هدية لسعيدان اللي يتبعك وانت مقفي عنه شكله يمشي على الريحة هههههههه


اما القصيدة قبل الاخيرة فهذي تبي توديك بداهية

ياخي مالك ومال السياسة وعوار الراس خلك بسعيدان والعبادي تراهم حليلين ومايقولون شي


اما القصيدة الاخيرة فهي هدية لسعيدان وابو عبدالله شياب المنتدى وهم آخر الجيل

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
رد

مواقع النشر (المفضلة)

الكلمات الدليلية (Tags - تاق )
مميزة , بدون , شاعر , قصائد


جديد مواضيع قسم ملتقى اعضاء طيار كوم
أدوات الموضوع
طرق مشاهدة الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رمضانيات شاعر أحمد السكران الشعر والشعراء 1 2012 07:22 PM
حصريا لمحبي ابونايف.. يقول وش زودي ( القاء بصوت شاعره مميزة ) + الاغنية على العود الفتى المفقود الفن العام 9 2009 07:49 AM
& نبض شاعر& وحيد عنيزة ملتقى اعضاء طيار كوم 4 2009 10:59 AM
حصريا لمحبي ابونايف.. مادفعني ( القاء بصوت شاعره مميزة ) + الاغنية على العود والكمان الفتى المفقود الفن العام 12 2008 10:25 PM
شاعر كفيف كيف يصف ((قف هنا)) الخاطر الارشيف 2 2005 05:07 AM


الساعة الآن: 04:28 PM


Powered by vBulletin® Version 4.2.0
Copyright ©2000 - 2011, Jelsoft Enterprises Ltd
Tranz , Design and Development By YsOrI
SEO by vBSEO

RSS RSS 2.0 XML XML2 SiteMap SiteMap2 ARCHIVE HTML HTML2 EXTERNAL JS URLLIST

  Ysori
1 2 3 4 5 6 7 8 9 10 11 12 13 14 15 16


1 2 3 4 5 6 7 8 9 10 11 12 13 14