التسجيل متاح الان

 
العودة   الطيار كوم > الموقع الرسمي للأستاذ حمد الطيار > ملتقى اعضاء طيار كوم
ملتقى اعضاء طيار كوم المواضيع التي لا تحمل اي من الأقسام الأخرى

رد
 
LinkBack أدوات الموضوع طرق مشاهدة الموضوع
معلومات العضو
سود الأهداب
عاشقة لصوت الطيار
 
الصورة الرمزية سود الأهداب
 








سود الأهداب غير متواجد حالياً

#1
قديم 2009, 10:30 AM

Talking ايام طفولتي



في يوم من الايام منول ووقت الصباح بالتحديد . قاعده تحت في الغرفة ... احتري اخواني يقومون من النوم ونقعد نسولف ونفقش على بعض والا نناظر المملكة هذا الصباح ... واسمع صوت امي محولة من الدرج تبي تصلح لنا الفطوروقالت لي خلي ابوتس يجيب خبز قلت ابشري ...

والمهم جبنا خبز وفرشنا السماط حولوا اخواني كلهم من السطح يشمون شم مهوب صاحي ... والفطور مكون من ( طحينية + مرقه قرع + طماط له اسبوع في الثلاجه كل يوم نصخنة وناكل منه ولا ضرنا )
ولحسنا السماط ورحنا نكمل القعده في الغرفة وسواليف وهياط وواحد من اخواني الكبار توه طايح في العربجه قاعد في السطح يشمع العجرا حقته .
وجابت امي صينية معدن مدورة وفيها شاهي وبساكيت وكليجا واقط .. وباقي خبز التميس ( الحوايف حقته نغطها مع الشاهي ) << لو تلاحظون ان أي شي في البيت قابل للاكل ... كننا سعالوه .

ونقعد ناكل من جديد كننا ماقمنا من الفطور قبل شوي . واخوي اللي اصغر مني يروح لم الثلاجه وياخذ عود من البصل الاخضر ويشرب فية الشاهي وع :(
واذا جت الساعه 10 الصبح ناظرنا ***** كرتون . واذا خلصت نتطارح والا نلعب قواطي في الحوش .
واذا اذن الظهر نروح ونرجع ندور على الغداء <<< ماقلتلكم سعالوه . المشكلة اننا معصقلين كلنا
ونتغدى ونروح للغرفة مره ثانية وناكل فواكه برتقال موز وتفاح وامي تقول كلوا الموزة اللي لونها اسود تراه عسل << تلعب علينا على شانها مخورة ومتحسفة ننطلها في الزبالة .. واحن مانقول لا ناكلها .
واذا جاء العصر نناظر التلفزيون بعض المرات يجيبون عدنان ولينا وانا اخق مع صديقي عبسي حتى من زود الشي صرت اقلده يعني لو اشوف ضفدع في الشارع كلتة وهو حي<<ولد مو بنت . ودايم اذا ناظرتة اصير منهبله واروح البس صروال(سروال)هع ضيييييق زي عبسي وافصخ الفنيلة والف جلال امي لونة احمر واطلع في الشارع بكل ثقة ولاهمني احد واقعد مع العيال عند البقالة ونسولف واذا شفت بنات مصريات رايحات لم البقالة اتميدح عندهم .. واروح لاخر الشارع واجي اركض ركض علشان الجلال يطير شوي . واذا ماناظرنا التلفزيون يعني ابوي حاط الاخبار طلعنا في الشارع مع عيال وبنات الجيران اما نلعب قواطي والا مصاقيل والا نلاحق سيارة الفليت ( البخاخ حق الذبان) ونبتل نلاحقة من شارع العطايف الين يوصل كبري عتيقة يعني انواع الجراثيم والمواد الكيماوية في بطونا وواحد حوطي معنا يقول افتحوا خششكم على شان يموت الحشرات اللي في بطونكم .ونبتل نراكض واحن فاقين خششنا لين تدمع عيوننا ويجينا شد عضلي في الفك السفلي .

واذا جاء المغرب نرجع للبيت نناظر التمثلية البدوية والامعنا من البقالة حلاو وعلك السيارات .. وناكل العلك ونلصق رسمات السيارة على الثلاجه ... وللمعلومية ثلاجتنا على كهرب 110 ومن كثر رسمات السيارات اللي فيها احس لو نشبكها على 220 تمشي ... وبعد صلاة العشاء يجي ابوي واخواني ونتعشى باقي مرقه القرع مع خبيزات واذا صار لنا شهوة في العشاء طلعنا الطماط واصخناه وقلنابه.... وهذا البرنامج اليومي لي منول.

ومن اول ماسكنوا جمبنا ناس من اليمن وانا منقلبه مره .. عندهم ولد شين وطمل ومعصقل واسنانه مكسرة لكني حبيته لانه رومانسي مره ... اول ماشافني عطاني غصن شجرة البرسوبس حق الشوارع هديه .. ومن بعدها ماصرت العب قواطي ولا الاحق راعي الفليت .. صرت اكشخ واطق الزين وشرت لي امي شراب ابيض وكنادر سود لماع <<< كني طاهر الاحسائي منول . وصرت اوزي فلوسي علشان اجمع واشتري له هديه << تسمع بشي اسمه الاعتماد على النفس .. اشوا اني كل ماجمعت 10 ريال رحت لم البقالة وشريتبها حلاو وكاكاوات وكلتها لحالي لين يوجعني بطني :83:

حتى ذاك اليوم طلعت للشارع وانا كاشخه وربعي <<حشى ولد سلموا علي وحبوا كتفي يحسبوني سعاد حسني شوي ويصورون معي .
والمهم هاليمني صرت اسولف معه في البراحه بعد المغرب وكل الناس لاهين بالتمثلية البدوية المهم جاء يوم ولاشفته ولا شفت اخوانه الجحلط واليوم الثاني والثالث يوم جاني الخبر زي السيف على قلبي الصغير انهم سافروا لم اليمن :shutup:


ويضيق صدري وتتدهور حالتي الصحية والنفسية وماصرت اتروش ولا شي رجعت زي اول واشين بعد .

وبغيت اصير شاعره لكن اشوا سكنوا بدالهم ناس من الاردن وتعرفت على ولدهم
لكنه وش كبره كنه باكستاني . وابوه شديييييييييييييد واخاف منه . حتى انه صار يحل لي الواجبات منول .

ويوم من الايام درا ابوه عني شاف اسمي على الدفتر ويمسكني العصر ويقول باللغة الاردنية ( لو شفتك تحاكي ابني اكسم بالله العزيم راح اكتلك كتل ) وضاق صدري زود وعرفت ان مالي حظ بالدنيا ولا الحياة الرومانسية .

وقلت يابنت ثوب مهوب قدك خليه في الدولاب << هذا المثل من اختراعي
ورجعت زي اول طمله وعشت حياة سعادة لاتوصف مع اخواني والحوطي ولد جيرانا اللي يقول فوق خششكم عند راعي الفليت


مايستفاد من قصتي ان اللي تتربى مع عيال تصير كنها ولد :flex:


 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
الطيار120
طياري مشارك







الطيار120 غير متواجد حالياً

#2
قديم 2009, 12:00 PM

افتراضي


هههههههه
زين اللي ماسجلتي بنادي النصر بعد .
الله يعين اللي بياخذك

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
ناصر العبادي
السفير الطياري
 
الصورة الرمزية ناصر العبادي
 








ناصر العبادي غير متواجد حالياً

#3
قديم 2009, 02:34 PM

افتراضي


وين هالغيبه يا سود لاهداب

قسما بالله اشتقنا لخرابيطك يا ليتني جاركم الاردني


الحلو بقصتك انه اذا قريت سطر تكملها غصب

مشكوره يا النشميه
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
برهوم
طياري محترف
 
الصورة الرمزية برهوم
 







برهوم غير متواجد حالياً

#4
قديم 2009, 03:01 PM

افتراضي


ههههههههههههههههههه

يعطيك العافيه
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
عطاشا
عضو شرف
 
الصورة الرمزية عطاشا
 







عطاشا غير متواجد حالياً

#5
قديم 2009, 03:59 PM

افتراضي


احمدي ربك لحقتي على التلفزيون

يزيد ماشاف التلفزيون الا يوم وصل عمره 15 سنه

واحمدي ربك بعد عندكم جيران


يزيد طول عمره فلاح بالمزرعة لا جار ولا مجرور

واحمدي ربك تاكلين طحينية وطماط ومرقة قرع

يزيد يوم طفولته يوم ياكل قفر ويوم برسيم مع الغنم

واحمدي ربك اليماني عطاتس غصن شجرة البرسوبس

يزيد يوم صار عندهم جيران بغى يتميلح عند بنتهم وتروح وتجيب عسيب

النخل وتمحطه لين دخل بيتهم

تراك انتي بخير لكن يزيد اللي ماعاش طفولته مثل الناس

واللي يبغى يتأكد يقرأ ردوده

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
رد

مواقع النشر (المفضلة)


جديد مواضيع قسم ملتقى اعضاء طيار كوم
أدوات الموضوع
طرق مشاهدة الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
مابين ايام شرقي سعد الفن العام 1 2015 03:20 PM
مابين ايام شرقي سعد الشعر والشعراء 0 2014 11:50 AM
ايام زمان ..... abdun44 ملتقى اعضاء طيار كوم 4 2010 02:01 PM
مضالي عنك ايام وليــــــــــــــالي .............. TAREQ اغاني حمد الطيار 15 2010 12:44 AM
عطاشا ايام المراهقه..!!! فيصل2007 ملتقى اعضاء طيار كوم 12 2009 10:26 PM


الساعة الآن: 11:34 AM


Powered by vBulletin® Version 4.2.0
Copyright ©2000 - 2011, Jelsoft Enterprises Ltd
Tranz , Design and Development By YsOrI
SEO by vBSEO

RSS RSS 2.0 XML XML2 SiteMap SiteMap2 ARCHIVE HTML HTML2 EXTERNAL JS URLLIST

  Ysori
1 2 3 4 5 6 7 8 9 10 11 12 13 14 15 16


1 2 3 4 5 6 7 8 9 10 11 12 13 14