الان تطبيق الطياركوم متاح لأجهزة الجوال


 
العودة   الطيار كوم > الموقع الرسمي للأستاذ حمد الطيار > الفن العام
الفن العام قسم لطرح كل اعمال الفنانين

فكرت والمكتوب فـكرت والمكتوب مافـيه حـيله ** ليـت الليالي عـلمتـني بالاقـدار عـودت نفسي للعلـوم الجمـيله ** وانـا على جـور المحبـين
موضوع مغلق
 
LinkBack أدوات الموضوع طرق مشاهدة الموضوع
معلومات العضو
سعـود
عشق الصبا ..
 
الصورة الرمزية سعـود
 








سعـود غير متواجد حالياً

#6
قديم 2010, 03:32 PM

افتراضي


فكرت والمكتوب

فـكرت والمكتوب مافـيه حـيله ** ليـت الليالي عـلمتـني بالاقـدار
عـودت نفسي للعلـوم الجمـيله ** وانـا على جـور المحبـين صـبـّار
يازين روحي من فراقـك علـيله ** وانا اتحـرى منك يازيـن الاخبـار
انت الحبيب وعشرتي لك طويـله ** بيني وبينك خافي العلـم واسـرار
ياليت مرسـولك يجـي كل ليـله ** واقـول خبرني عـن الزين وش صـار
اما عـنالي صـعبـهٍ جـيّتي لـه ** راعي الهوى ما ينفعه كثر الاعذار

**********************************
قالت فمان الله

قالت فمان الله واقفت وانا اقول .. متى علي يا زين تنوي الرجوعي
قالت وهي تبكي فراقٍ على طول .. واهتز قلبي هزتينٍ تروعي
واقفت وانا حاير ما ادري وش اقول ..حاولت اجامل وافضحنّي دموعي
ونيت ونه واحدٍ طاح مقتول .. منها خفق قلبي وحطّم ضلوعي
من شاف حالي عقبهم قال لاحول .. اسهر وحدي والخلايق هجوعي

**********************************
قالو اصبر

قالوا اصبر وقلت الصبر ذا مستحيل .. عجّلوا قربوا مني القلم والدواة
بالهوى شلت حملٍ يا جماعه ثقيل .. طحت من سبته يا ناس ويش السوات
آه دمعي عجب وان مستحته يسيل .. قرّب الموت مني ما هقيت النجاة
عقب ما هو بعندي في نهارٍ وليل .. اتمنى ولو من رجى فيه الوصاة
يوم عزّم على هجري بليّا دليل .. اتصبر وكن العين فيها حصاة
لو رحمني بكلمه كود مابي يزيل .. او وداعاً يريح القلب قبل الممات
ودعوا صاحبي عنّي وداعٍ جميل .. بلغوها وصاةٍ ما وراها وصاة
قولوا انه طلبك الحل يا احسن خليل .. دام حبم تعثّر ما اريد الحياة

**********************************
قالو علامك

قالت علامك ما تزوج وترتاح .. وتترك طريق الحب للي يبونه
حلفت ما اسمع هرج عاذل ونصاح .. ما بغا زواجٍ والقضي حيل دونه
حبه مكن بالقلب ماهو بمنزاح .. مالي بغيره شف لو يعرضونه
انا برجوى الترف ابو خد وضّاخ .. ومبيسمٍ يا زين صفّه سنونه
الجادل اللي للعشاشيق ذباح .. زين العذارى كلها في عيونه
كم واحدٍ قلبي من الحب قد صاح .. مجنون ليلى قبلنا يذكرونه
لولا الامل حالي قضت والعزى باح .. وكان احترق قلبي ولا تتركونه

**********************************
قررت اسيب الدار

قررت اسيب الدار وارحل واخليك .. يكفيني اللي من سببكم جرالي
خلاص انا ما عاد ليّه نظر فيك .. دوّر وتلقى لك حبيبٍ بدالي
إمن اولٍ يومني ابيك واغليك .. شانك بوسط القلب يا زين عالي
واليوم يا م**** خاب الجرا فيك .. اترك طريقي روح مالك ومالي
وان كان تتحدى فقابل تحديك .. ابشرك قلبي من الحب خالي
اقولها من قلب مابيك مابيك .. افهم وفهمها لمنهو يسالي

**********************************
قريت مستقبل هوانا

قريت مستقبل هوانا بعينيك .. ومن قبل ما تحكي عرفت النهايه
فكرت قبل انهى علاقاتي اعطيك .. فرصه اخيره من بقايا عطايه
اصغيت لاقوالك وكان الامل فيك .. في صمت وآهاتي تترجم ندايه
حتى بدأ منك التنكّر لماضيك .. رد الصدى نبرات صوتي سمايه
واعلن خفوق الشوق رفضه تماديك .. في رحمه اللي صار بعده شقايه
واجبرني الواقع على قول مابيك .. من قبل ما تجهر بها يا عنايه
والله اعز النفس عنك وماضيك .. لو همت في بحر الهوى جيت تايه

**********************************
قصة غرام

قصه غرامٍ عذّب القلب مخلوق .. مكسين انا زاد حبه عليّه
حرّج على قلبي وداه للسوق .. وين العهود اللي مضت القويه
نسيتني من الحب كالعبد معتوق .. وانا بصفّك ما ارتكبت الخطيّه
طوّحت قلبي ما بقى فيه معلوق .. سم الهوى عيني وحالي شقيّه
يا سعد حظي يا فهد من عنا الشوق .. هذا زمان الكل ينسى خويّه
ارفع بصوتك يم ابو شعر مفروق .. يا كود حبل الوصل يمده عليّه
يا وردةٍ له من فوق حدّه لها ذوق .. يا ليت من يقطف ثمرها شويّه
يالله تنصف لي من الزين بحقوق .. وانك تساعدني بحل القضـيّه
يالله ترفع حظنا دايما فوق .. واسعد انا والزين بأرضٍ خليه

**********************************
قطعت حبل الود

قطعت حبل الود ما تلتفت لي .. الله على هجرك وصدّك يجازيك
احسب عيونك يوم تبكي صفت لي .. وامسح دموعك بالاصابع واهديّك
نفسي على فرقاك ما سوّلت لي .. لو طالت الايام مانبي بناسيك
خدعتني بدموع عينٍ بكت لي .. ورديت قلبٍ ودّع الحب يغليك
واليوم يا المجمول ناوي بقتلي .. راجع ضميرك واردعه عن تماديك
بدلت حبلك بالمواصل فتلي .. ونقضت في ايدين الجفاء حبل مغليك
كان الليالي اللى علي الكيف جت لي .. في مقبل الايام ترجع لماضيك
تليت قلبي تل سيرٍ بنتلي .. تل الفراق وتل ذكرى لياليك
وبقيت في ذكرى ليالٍ مضت لي .. مالي جدى غير اتزفّر واراعيك

**********************************
قلبي سمح ياحبيبي

قلبي سمح يا حبيبي من مودتكم .. خل الذي كبروا راسك يسرونك
بان الجفاء منك وانهيتوا علاقتكم .. غرّوك بالهرج ناسٍ ما يسرونك
من إولٍ احبكم وافرح بجيتكم .. واليوم اعاف الذي عندي يطرونك
مفهوم يا زين هذي اخر صداقتكم .. الله يهنيك تلقى اللي يحبونك
جاملت وياك ابعرف وش نهايتكم .. والحمد لله بيّن كل مضمونك
لنا ارجوك لا تكرر زيارتكم .. دوّر علي اللي انت ***اهم ويبغونك
لو كان حاولتوا تخفون عداوتكم .. خل اللكاعه على اللي ما يعرفونك
درست غيب ونظر واعرف طرايكم .. ما خفاه قلبك يبيّن ليه بعيونك

**********************************
قلبي معك

قلبي معك لو شفت جـسمي مع الناس ** مـاغـاب طـيفك عن خـيالي دقيقـه
ودعـتك اللي ما خـلق مثلك اجناس ** حـيل الله اقوى لو دموعي غريقـه
والله ما ارخـصتك ولا طـعـت جـلاس ** بـس النصـيب يصـيب هذي الحقيقـه
اظـلم سماي وحـال من دونك الياس ** وتحـسـرجت عـبرات قـلبي بـضيقـه
هـمي عـقب فـرقـاك ماهـو بينقاس ** وجـروح قـلبي يـا طـبيبه عميقـه
اجلس بوسط الناس واسرح بالهوجاس ** ما بـيـدي حـيلـه ولا لي طـريقـه
حـبك بوسـط القلب مبنـي على ساس ** عنك العزى يا روح روحي ما اطيقه

**********************************
كتمت الحب

كتمت الحب واثري الحب ما ينفع به التكمان .. ولا ينفع به الشكوى على من لا يشكيني
انا حبيت لي واحد عريب الخال والجدان .. على غيري وعرفه عندي اكثر من محبيني
حكمني وانحكمت وصرت له عبدٍ وهو سلطه .. ولجل الحب واهل الحب رضيت الحكم واطيني
الا عزي لقلبٍ مثل قلبي بالهوى غرقان .. غريق الحب دايم ساهرٍ والناس ممسيني
وليمن جيت ابدله مر طريا سيد خلاني .. طوال الليل والايام طيف الزين في عيني
انا محتار في وصله واداري هرجه العدوان .. عسى حبل الوصل ما ينقطعه ما بينه وبيني
بعد عرف الحبيّب شفت حالي صار به نقضان .. تمكّن بي صواب الزين وغيره ما يداويني
ولو يجلب حبيب الروح انا بشريه بالاثمان .. يصير الزين ملكٍ لي ولا احدٍ فيه يداعيني

**********************************
كفا ماجرا والله

كفى ما جرى والله يجازيك بالهجران .. طريحٍ جريحٍ منكم تسهر عيونه
انا في حياتي كلها ما اتبع الحقران .. على اللي طرالي تقصر الرجل من دونه
حكم الغلا والحب يا اهل الهوى سلطان .. عسى اللي يلومون المولّع يذوقونه
متى بنشوفك يا شقى واحدٍ حيران .. يذوق التعب وانتم بنومٍ تهنونه

انا ما ذكرني يوم كان الوفاء ميدان .. لقى لذه الدنيا وربعٍ يسلونه
تنكّر على الصاحب وصافى الذي عدوان .. وشوف الخطأ منهم حشى ما يسوّنه

**********************************
كل ساعه من حياتك

كـل ساعـه مـن حياتك رايحه ** ما يرجعها لـك المال الكثير
ويش جاب اليوم مثل البارحه ** الزمـن يمشي على سلك الحرير
ليلـهٍ تخسـر وليلـه رابـحه ** والهنا لا يخدعـك عـهده قصير
وانت يا شايـل هـمومٍ فادحه ** خـل في صدرك سعد وابشر بخير
صـفحـه الايـام ماهي واضـحه ** بقدره الله ما توريك المصير
ليتني مثل الطيور السـابحه ** في سمـاها وين ما ***ى تطير

**********************************
كلنا لك ياحبيبي

كلنا لك يا حـبيبـي كلنا لك *** بيعـنا لا ضـاق خـاطـرك وتصرف
مـن يـردك لاتـصـرف في حـلالك *** في حـلالك ما لحـد غـيرك تصرف

لااتشكى وانت معنا * يا سـعك دربٍ يسعنا
مانـبيك تهين نفسك للردي اللي ماتعرفه

يا حبيبي وش يهوجس فيه بالك *** الرضا نشـريه لك مهما تكـلـف
لااتشكى هذا انا جـالس قبالك *** خـاضـعٍ لامـرك ولانـي بمـتحـسف

لجل المحـبه خضعنا * ولجلك سمعنا وطعنا
طالما اني غـايتك غـيرنا وش لك بعـرفـه

لولا حـبك ماخـضعنا روسنا لك *** وانا امرت امرٍ نطيعه وانتشرف
نفسي الزم ما على وهنتها لك *** لجـل حـبك لوعـتي ما تـنتوصف

وحـياه ربٍ جـمـعنا * انـا بـحبـك وقعنا
جعـل عيـن الله تحرسك يامنى قلبي وطـبه

**********************************
كهربتني بالعيون السود

كهربتني بالعيون السود .. كهربك زايد على خيرك
كنّك على هزّتي محدود .. يا شين تأثير تخديرك
ابكي بكى والدموع شهود .. بلاي هجرك وتقصيرك
يا غايه القلب والمقصود .. ما قنّعتني معاذيرك
لولالي اداري من المنقود .. لأبيّن اسمك وتقريرك
خل الكبر عنك هو والزود .. وقعّتني في دواويرك

**********************************
كيف احبك

كيف احبك وانت عن حبي بعيد .. كيف كيف اسوى كيف والحاجز حديد
كم عطيتك من حناني وانتظرتك .. من حنانك لو عباره ما تزيد
وا عذابي كم تفشل خطه وخطه .. كنّي الزارع على قاع الجليد
استمد الصبر من فايق جمالك .. وانت يا غدار وصلي ما تريد
انت اول من يبي يعذر وآخر .. من يلومه لي هجر قلبي اكيد
يشهد الله كم تولع بك وحبك .. ولكن الاقدار تحسم ما تريد

**********************************
كيف بسلى عن هواك

يا حـبيبي كيف بسلى عن هواك ** ان هذا يـا حـياتي مـستحيـل
بعـدكم عـني ترى فيه الهـلاك ** خـذ حياتي كلها لك يا جميـل
مانـوى قـلبي على شخصٍ سـواك ** شـف انا من سبتك جسمي نحيـل
اترك اللي يزعلك واتبع رضاك ** من سببكم اسهر الليل الطويل
اتحمـل منك هـجـرك مع جـفاك ** انظـر دموعي على خـدي تسيـل
يا حـبيبي ليتني دايم معـاك ** وحـدنا ما بين هذيك النخيـل

**********************************
لا تتصل حول التلفون

لا تتصل حول التلفون تشويش .. عندي قريبٍ لي يراقب كلامي
ذبحتني يا اسمر الليل بشويش .. يومك تذكّرني ليالي الغرامي
غديت كنّي عسكري حك بالجيش .. صبحٍ خفاراته وعصر استلامي

**********************************
لا تجرح اللي خاطره منك مكسور

لا تجرح اللي خاطره منك مكسور .. حاول تخفف من أساه بحنانك
غط الخدود البيض لا تكسر النور .. ذا ورد في مبسمك والا لسانك
قلبي معك يا مشغل البال مجبور .. من حبكم حاولت ارافق خوانك
افهم ترى قبري من الحب محفور .. وان كان ما جيته بجيك بمكانك
وجرحٍ بقلبي ما نفع فيه دكتور .. لاشك ابصبر يا عشيري عشانك

**********************************
لاتجي يمي

لا تجي يمي بعد خنت العهد .. مالي بقربك ولا شوفك لزوم
ابتعد عنّي وانا عنك ابتعد .. خاين العشره من الود محروم
من وصالك ما استفدنا الا النكد .. في مسائي وفي صباحي كل يوم
كم تواعدنا وضيّعت الوعد .. احتملت وخافقي كله هموم
لكن اليوم اكتمل كل السعد .. زاح عن قلبي جميعٍ الهموم
واكتشفتك ما تعرف الحب ابد .. والمخادع ينكشف مهما يدوم
رح فمان الله في دربك بعد .. ما نقضت العهد واخلفت السلوم
ما تهز الارض لو يرعد رعد .. بقدرة الله ما يضرن النجوم

**********************************

مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
سعـود
عشق الصبا ..
 
الصورة الرمزية سعـود
 








سعـود غير متواجد حالياً

#7
قديم 2010, 03:33 PM

افتراضي


لا تحدى

لا تحدى وانت ما تسوى التحدي .. لا جميل ولا صريح ويش ابي بك
رح لعلك من غيابك ما تردي .. موترٍ وداك عني ما يجيبك
احسبك تصدق معي واصبحت ضدي .. خنتني خانك مع الدنيا نصيبك
يا قليل الخاتمه لو كنت قدي .. ما جفيتك لين حتى بان عيبك
كنت اجامل واختبر سدك وسدي .. وانت يا المغرور تحسبني حبيبك
ان كان مرواحك زعل مرواح جدي .. تزعل وترضى محدٍ دري بك

**********************************
لا تحسبوني كل ماغنيت طربان

لا تحسوبي كل ما غنيت طربان .. انا بحالٍ يعلم الله سببها
ازعج بعالي الصوت من دون حسبان .. والناس ما تدري عن اللي حرقها
ليت دمعي اللي سال ما جاه ما جان .. يقول شادي بالطرب وكتبها
الناس ما تدري عن كان ما كان .. ماتعرف الا ما ظهر في جسدها
كواني الم**** من غير نيران .. حرّق معاليق الحشا ثم سلبها
يا ويل جسمٍ بالهوى طاح مرضان .. ماله مقيمٍ غير ربٍ خلقها
وراني الحرمان اشكال والوان .. واصبر واقول الله علينا كتبها

**********************************
لا تخبره عني

لا تـخبره عني تـرى ما بي خـلاف ** شيٍ بسيـط ولا على الحـال خوف
مابيه يتكدر بال مـجمول الاوصـاف ** ولا بيه لاحـزان الضماير يشوف
قـلبي عـليه اذا حصـل شي يـنلاف ** لو بالسماء مخـضرات الجـروف
يا رايحٍ يمـه تـرى القلـب ميلاف ** عـطه الصحيح بصادقات الحلوف
واذا سألك وقال وش به ما ينشاف ** قـل دون وصـلك امنعنه ظـروف
ماهو على كيفـه له الـوقت وقّاف ** حداه عن شوفك الزمان الكسوف

**********************************
لاتسئ الظن مالي عن هواك

لا تسئ الظن مالي عن هواك .. مستحيل انساك وانسى اللسي جرى
صحح الغطات من سيره غلاك .. الهوى ماهو يباع ويشترى
وقلبي المخطور ما يقوى جفاك .. ذكريات الحب ترجع به ورى
انت الغالي وكم لي في رجاك .. طالت المده وجرحي ما برى
اسال العينين وش زد عناك .. جسمي الناحل حاله ما برى
لو ردع قلبك وصفّق في حشاك .. مثل قلبي كان يا خلي ترى
حادي الاشواق لو مثلي حداك .. طاري الفرقا بقلبك ما طرى

**********************************
لاتسبق الأحداث

لا تسبق الاحداث ما فيــه داعي .. اني مـعاك ابـدأ حـياهٍ جديده
طويت من بحر الرجاء بك شراعي .. النفس طابت وافعل اللى تريده
اخلصـت في حبك جـميع المساعي .. خايف آسى الماضي لنا يستعيده
يـوم اني احبك حـكمـت بضياعي .. لقيـت في بعـدك حياهٍ سـعيـده
وشلون تجـرحني وعيني تراعــي .. وان صحت جرحي من عذابك تزيده
ما هـان حتى يا مقـفـي وداعي .. دموع الشره من فوق خدي بديده
فيما ما مضى خله يفيدك خداعي .. جفاك في نفـسي تـزايد رصـيده


**********************************
لا تعاتبني

لا تحسب اني على هجرك بكيت .. لو يطوف الوقت ما همني جفاك
رح مع الايام حقق ما نويت .. ما حسبت حساب صدك من رداك
لا تعاتبني بلا ذنبٍ جنيت .. لوعة المشتاق للعاشق هلاك
دام انا محروم ما يوم اهتنيت .. جدد الحرمان جرحك ما كفاك
خلني محروم رح مع من هويت .. ضاع عمري ضاع كله في رجاك
والنهايه منك والله ما هقيت .. يوم طاوعت الواشي وخلتني وراك

**********************************
لا تكابر غلطتي

لاتكابر غـلطتي يانـور عيني ** انظر دموع الندم تغفر خطايه
مالها داعي تـروح وماتجـيني ** غـلطتي زلـّت وعذري لك كفايه
غـير عذري عزه النفس تحديني ** نفسي اللي ماتجي يوم بهوايه
ماتطيع اكتب خضوعي في جبيني ** ياهـوى بالي لو طـوّل عـنايه
قـلت لك آسف وما بينك وبيني ** حسبك الله بوستك تسوى حكايه
ان وفـيت بمطلبي حيثك ضنيني ** وان جـفيت ربنا يجـبر عزايه

**********************************
لا تكلمني

لا تـكـلمـني ولا تـسـأل عـلى ** انسـني وانساك يـومٍ بعـد يوم
من صـدودك يا حـبيبي ما على ** خـلّنـي من عالم العطـف محروم
كنت غالي عندي اغلى من اهلي ** ويوم خنت العهد مالي بك لزوم
عايـشٍ يازيـن مابين شمسٍ وفي ** ما بـقى الا ذكـرياتٍ مـاتـدوم
انـسـني وانسـاك ما دمـت حي ** واعتبر ما صار حلمٍ من الحلوم
ما خبـر قـصـرت في شـيٍ تـبي ** الوصـال ابعد عليك من النجوم

**********************************
لا تنشدوني

لا تنشدوني وش بلاي اتعبر .. محدٍ بكى الا فيه شيٍ يبكيه
طوّل علي الوقت وانا اتصبر .. حسبي على ذا الوقت زايد تحديه
يا ناس كل شي في حياتي تغير .. الا الطرب ما قدرت اهده واخليه
واقول خلوني مع الحب الاقشر .. لا خير في شخصٍ تكنر لماضيه
يا بو محمد خاطرك وان تكدر .. يضيق صدري والسبب لا تخفيه
اطلب تدلل حالفٍ ما تعذر .. لو هي حياتي قلت والله تفديه

**********************************
لا توصفوني

لا توصفوني وصفكم زاد بلواي .. لا صار ما تدرون وش هو بلايه
وصف الدواء للي بخيصٍ بشكواي .. يعرف سبب جرحي ويعرف دوايه
جيت الطبيب وقال وش لون وازاي .. ازاي ما قدمت فيني شكايه
قلت اسعفن هذا ادعّاي ودعواي .. وهذي قصه بدايتي والنهايه
قال المرض كايد ولا ادري وش الرأي .. وايضا ولاني به كثير الدرايه
واقفيت من عنده على الهون بخطاي .. اسوق رجلي يمّ نيه هوايه
هواي همّي وبلاي ومناي .. شوفه دواء روحي وبعده عنايه
افرح بشوفه فرحه الكبد بالماي .. واحلامي الحلوه بطيفه هنايه
عثوجهٍ شقره تنثنّي تثنّاي .. علي الردوف اللي زهن العبايه
كلامه احلى من نغم صافي الناي .. مع عازفٍ يطرب على عزف نايه
ما اظن قلبي له مدى العمر نسّاي .. الله هداني في غرامه هدايه

**********************************
لا سلى خاطر

لا سلى خاطــر ولا دنيا صـفـت ** كل ما ضاقـت تمنيت الرحيـل
لـعـت بالفرقا عيونٍ ما بغـت ** غير شوف اللي رجوعه مستحيل
عـبرتي تـرسل دمـوعٍ لو شكـت ** هـونت هـمٍ على قـلبي ثقيـل
عـزّت الفرصـه عـقبك وابعـدت ** منوتي شوفتك لو بحلوم ليـل
دوك حـالي يا بعد حالي قضـت ** الرجاء مقطوع والعاشق ذليل
ليت عيني عن شقى المقبل درت ** الزمان احكام والفرقا دليل

**********************************
لا لا تظلم

لا لا تظلم كم على الارض مظلوم .. انسى الهموم وخل نفسك رضيّه
وصلني المكتوب في ظروف واختوم .. واسمك وعنوانك رموزٍ خفيّه
حللتها في جمله احروف وارقوم .. ورتّبتها بالاحرف الابجديّه
كان اول اسمك نون واخره معلوم .. شرّفتنا يا راعي السالميّه
جتني وانا فالبيت حاير ومهموم .. فرحت فيها كانت احسن هديّه
خل امس واشرحلي عن احوالك اليوم .. وبكره على الله يا رهيف الثنيّه
مشتني الدنيا على خط مرسوم .. امشي بدون ارضاي غصبٍ عليّه
اصبر عسى لك بالصبر خير مقسوم .. يحلها يا زين رب البريّه

**********************************
لا لا تقول

لا لا تقـول انـك مـعـذب ومـحـروم ** ترى المعذب قلبي اللى كويتـه
انت عـيونـك دايماُ تـعـرف النـوم ** قـلبك مع غيري قـطوعك عطيتـه
مـالك بنـا رغــبه ولا انت ملـزوم ** الله واكبـر ويش ذنـبٍ جنيتـه
يا ما زعمت انـك لنا دايم الـدوم ** لكن طـبوعـك نقّـضن ما حكيتـه
الـعـام تـغليني وترخـصني الـيوم ** ذا مستحيل انساه كانك نسيتـه
نـقضـت عـهـدٍ بـيننا كـان مبـروم ** عهـدٍ على نفسـك بنفسك خذيتـه
تلعـب على الحـبلين وتقول مظلـوم ** هذي نهايه دربـك اللى مشيتـه
ظـلمك على نـفسـك وتلحقني اللـوم ** يا حسـرتي وقـتٍ بحبـك قضيتـه
خـلاص لاتـرجـع تـرى الـحـب معـدوم ** خلك مع اللى بعتنا واشتريتـه

**********************************
لالا تكدر

لا لا تكدر ما غاب عنك لو يوم .. وشلون ابسلى عنك يا نور عيني
مابيك تشكي من عنى الوقت مظلوم .. ما دمت حي لو تطول السنيني
ما اطيع مسمع بك اهل الغدل واللوم .. لو طالت الايام بينك وبيني
لي غبت ساعه ما يجي عيني النوم .. واجحد عن الغدال جرحي يبيني
ابادلك حبي ودا شي مفهوم .. مالك شريك ولا اسمع العاذليني
محدٍ يردك لا حشى منت مليوم .. افعل على ما جاد لك يا ضنيني
حبك سكن يا غايتي دايم الدوم .. وسط الضماير وسط قلبي مكيني

**********************************
لوا عذابك يافهد

لا واعذابك يا فهد .. خلك نوى الصد وابتعد
خلّي فؤادك يحترق .. من حر لوعات الفراق

الدمع من عيني ذرف .. والقلب من بعده تلف
والسر اصبح منكسف .. من حر لوعات الفراق

يا ليت ما كان الهوى .. او ما عرفنا ما نوى
الامر من شان قوى .. من حر لوعات الفراق

يا سعد منهو مستريح .. ولا تولّع بالمليح
ماهو بمثل اللي جريح .. من حر لوعات الفراق

يا ناس شيروا على الحبيب .. يطب حال المستطيب
انا علي شانه عطيب .. من حر لوعات الفراق

**********************************
لوا هني طيورها

لا وا هني طيورها في عششها .. ما قسّمت رزقه على الدين والكاس
تتبع هوى نفسه على كل مشها .. ما تشوف ما تكره وتغضي بالارماش
محدٍ يرد النفس حزّه عطشها .. لو طال عمره بعزّه النفس ما عاش
نصيحني من زرع قلبي حششها .. للي بصدره من هموم الدهر حاش
النفس لي منّه بهمٍ نهشها .. لي جا لها من جاير الوقت نهّاش
خله بصدرك لو ضلوعك عرشها .. لا تشتك اوجاع الضماير على اللاش
الايام تمضي بيدنها في ريشها .. تمضي وحنّا بين نافخ وخشّاش
ناسٍ على ناسٍ تنفّخ خششها .. واشوف شيبانٍ تزّعل علي ماش
الشر له ناسٍ تمشّط شوشها .. يلولشون بطاري الشر لولاش

**********************************
لا يغرك لو مع الناس ابتسم

لا يغرك لو مع الناس ابتسـم ** وسـط قـلبي يافهد جـرحٍ عطيب
بـس اجامل لا يبين بي الألـم ** اظهر الفرحه وانا قلبي صويب
من هوى اللى حطت بقلبي وسم ** شـيّبت بي يافهد قـبل المشيب
كـل ما حـاولت معها بنسـجم ** حـظي ابعـدها بعد ماهي قريب
ول ياحـظ التعـاسه والـندم ** تحرم المشتاق من شوف الحبيب
وكـل شيٍ عـقبهـا ماله طـعم ** عايــشٍ بين العـرب كني غريب
ليمتى برتاح مع تـرف القدم ** واهـتني وياه وجـروحي تـطيب

**********************************
لاجل الله

لجـل اللـه .. لجـل الحـب .. لجل الماضي .. والـحـاضــر
تشوف الحال .. عـذابي طال .. مضـت ايـام .. وانـا صـابر
يمـر اليوم .. وانا مهموم .. يمـر الليل .. وانـا سـاهر
انـا زلـيت .. ومـا ضـنيت .. ذي كـلـمـه .. تكسر الخاطر
طلبت ارضاك .. وابتـرجـاك .. تــرد لــي .. سـامح وعاذر

**********************************
للناس طبع يفرقون الولايف

للناس طبعٍ يفرقون الولايف .. وش في يدي منك افرقونا غصيبه
عز الله اني لو تصبرت خايف .. الناي ما خلّوا حبيب وحبيبه
خلّوا دموعي فوق خدي ذرايف .. والهم في قلبي يجي ويغدي به
وش انت يا المجمول بالوضع شايف .. فرقاك لو اجحد علينا صعيبه
حذّرت قلبي بالبكى والحسايف .. وجروح قلبي من فراقك عطيبه
عرّضت عيني للشقا والكلايف .. حتى المنام العين ما تهتني به

**********************************
لمن ترفع الشكوى

لم ترفع الشكوى لمن تشكي النوى .. لم تبدي الاسرار بين الخلايقي
عرفت الهوى جاهل وعذبني الهوى .. وجد الهوى حسره لنار المفاريقي
كرهت الهوى ما شفت لاهل الهوى داواء .. جو واشتكوا في غربها والمشاريقي
الا يا عنى حالي من الضيق والجوى .. انا شب في قلبي لهيب الحراييقي
مسكين من مثلي على الصبر ما قوى .. تحملت انا حملٍ ما تشيله عواتيقي

**********************************
لوان قلبك حس بي وافتكرني

لو ان قلبك حس بي وافتكرني .. ما طاوعتك تغلي علي حبّه العيد
وش غيرك ياللي جمالك سحرتني .. حتى سلام العيد صار بمواعيد
ما هقوتي تبطي علي وتهجرني .. ولا تصدق بي كلام المقاريد
لو شفت دمع العين كان تعذرني .. كنّي فطيمٍ حارمينه من الديد
شف حالتي يشفق علي من نظرني .. عقب اللقاء صرنا من بعيد لبعيد
إمن اولٍ لبطيت انا قلت زرني .. واليوم تتركني بهمي وتنكيد
ارحم رحمك اللي بحبك امرني .. لا يهندم حبٍ على غير ماريد

**********************************
لوكل من صاح

لو كل من صاح حصّل ما يريد .. بكيت انا الليل كله والنهار
بس البكى للمولع ما يفيد .. لو صاح من دون فكرٍ واختيار
قريب عندي ولكنه بعيد .. قريب في ناظري وبعيد دار
احب اقول لاهل الهوى شيٍ اكيد .. احب اقول ان الهوى جنه ونار

**********************************
لو يودك

لو يودك ود مثل اللي اودك .. خالك وعمك وابوك وجد جدك
كان في يسارك حطوا عرش كسرى .. وفي يمينك حطوا الدينا بيدك
ويش ذنبي كل ما قد ضاع قلبي .. والتفت وقلت وين يصير عندك
انت ياللي ما رعيت احساس روحي .. وما عرفت الحب لو لحظه بودك
جرّب النيّه واعرف بالتجارب .. كيف ودي كان وفاء وكيف ودك
ليه ياللي عشت في دنيا خيالك .. لا حشى وصلك طريقه غير صدك
كنت احبك غصب عني كنت احبك .. وافدى حياتي على شان خطوط ردك
لكن اني عقب هذيك الليالي .. عارفك بالحيل وشهو هزلك وجدك

**********************************
لي ضوى الليل

لي ضوى الليل عيني تنظر لك صباح .. ولي بدأ النور ضاعت حيلتي وين اروح
ما اخبر يوم قلبي من عناه استراح .. منشغل خاطري والقلب كله جروح
اشتكى الجار منّي من ونين ونياح .. نوح قلبي كما طير الموده ينوح
لو درى وش جرالي كان مثلي وباح .. خالي القلب ما فارق حبيبٍ مزوح
طار قلبي والعبت به هبوب الريح .. طار في ساقه اللي راح عني طموح
آه انا واعذابي من زعيم الملاح .. نيّته بيعذبني وانا له نصوح
يا عذولي ترى مالك بعذلي صلاح .. اترك اللي تولع في سبيله يروح
لو تعذلون ما اسمع لو تصيّح صياح .. اسهم الحب تقتل وين عنها بروح

**********************************
لي عاب عن عينك حبيب

لي غاب عن عينك حبيبٍ تودّه .. تحسب نجوم الليل وتمرح خلاوي
هذا وانا لي عنه يا ناس مدّه .. ما شفته عيني وقلبي شقاوي
عن جيتي ما ادري من اللي يرده .. والا بهجري ناعم العود ناوي
مسكين قلبٍ عوّد الحب ضدّه .. ما هو علي قدر القهر به قاوي
هجري تعدّى مع هوى البال حدّه .. وبعده على قلبي كثير البلاوي
حبل الوصل ترخيه والا تشدّه .. انا على درب المحبه رقاوي

**********************************
لياك تبكي ياحبيبي

ليّاك تبكي يا حبيبي وانا اشوف .. ولا ينكسر خاطرك مادمت انا حي
عنك ابعدتني من ردى خظي ظروف .. والا حشى من بيننا ما حصل شي
مالي بغيرك شف والقصد معروف .. هاك الفؤاد وهاك ما تملك ايدي
عليّ لا يلعب بك الشك والخوف .. وتصير مثل الشمس تبعد عن الفي
الشوق يرعى الصبابه من الجوف .. والبعد عن روض الوصل يقطع المي
اجي لكم مشتاق واروح مكسوف .. كسر الخواطر يكوي المبتلي كي

**********************************
ليه ياحبيب الروح

ليه يا حبيب الروح .. ما ترحم المحزون
في حبكم مجروح .. والناس ما يدرون

يا غايتي ومناي .. اشقيتني وشلون
وانت سبب بلواي .. وانت الدواء المضمون

غيرك فلا لي طب .. ولا دواء بيكون
هذي سوات الحب .. اهله فلا يسلون

لو للهوى حاكم .. يمشي على القانون
ما كنت لي ظالم .. بالهجر يا مضنون

في حبكم راضي .. وانتم علي تخطون
يا ليت بك قاضي .. في ما حكم ترضون

**********************************
ليه يانور عيني بالجفا والصدود

ليه يا نور عيني بالجفا والصدود ** منك يا كبرها يا كيف سويتها
احسب انك تعرف الحق والا العهود **تجرح القلب ذكرياك لطريتها
المحبه لها بالضماير وقود ** ليتها ماجرت يا ناس ليتها
دوك دمعي تحدّر منك فوق الخدود ** دوك حالي براها الجفاء شف لونها
يا هوى الروح حبك بالضماير يزود ** اشهد انك تكرت الحال واشقيتها
يا وجودي على شوفتك كل الوجود ** ساعهٍ في وصالك كم تمنيتها
لا تبيّين غرامك عندي لجلك حسود .. تحسب انك تداوي العين واعميتها

**********************************
ما تبكي عيون المشقى

ما تبكي عيون المشقّى هوايه .. الا على بعد المواليف عنّا
قربٍ بلا وصل جدد عنايه .. اضحك وقلبي بالعنى ما تهنّى
الله لا يقطع بخلّي رجايه .. عيني تهل دموعها ما تونّا
يا عاذلي للقلب يكفي كفايه .. العذل ما يوحيه قلبٍ تعنّى
بصبر الين الله يحقق منايه .. وينول قلبٍ مشتقي ما تمنّى
يمكن شموع الحب تملى سمايه .. الوقت يخلف يا فهد كل ظنّا
عسى الزمان الجاي يمحى شقايه .. طال الشقى بالحب يالله عنّا
اخاف من اللى يعذلون الدعايه .. يبلونا بالهجر مع وين كنّا

**********************************
مادام انا مبلي

ما دام انا مبلي بحبك ومجبور .. اللي تولع فيك قدر ظروفه
قدر سعور مولعٍ فيك مخطور .. يضحجك لسانه والبلا وسط جوفه
ومن جالسه يحسبه داله ومسرور .. والجرح في كبده ولا احدٍ يشوفه
يرجي وصالك قد له ايام وشهور .. جد له بوصلك كان عندك مروفه
ارحم حزينٍ من سبايبك مقهور .. يسهر من اسبابك يفرّك كفوفه
منك الحسى كنّه على حر دافور .. اللي اليا قفّى تتله ردوفه
حبك على امرٍ مقدّر ومامور .. وعيني بصافي الدمع لجلك ذروفه
قلبي تسرّع لين حبك على الفور .. ما فات مالت ولا تفيد الحسوفه

**********************************
مادامني في خير

ما دامني في خير واحبابي بخير .. كل الامور تهون مهما تعسرت
خل القوافل في مراحلها تسير .. ان بكرّت بدروبها والا سرت
شفي معك يا لابس الثوب الحرير .. لكن ظروفي يا حياتي قصرت
يا صداق الاحساس يا صافي الضمير .. القاك بكره والليالي نوّرت
صبرك على الايام قد راح الكثير .. والشمس طلعت والامور تيسرت
والموعد القادم على جال الغدير .. والجو هادي والعواذل ما درت
والله لو ان الدرب يا سيدي قصير .. لجيك ما اقول الظروف تعذرت

**********************************
ماعلى الدنيا ومافيها حسوفه

ما على الدنيا وما فيها حسوفه .. كل شيٍ فانى ووجه الله باقي
الحبيب اللي رحل ودي اشوفه .. عيدي الثالث ترى يوم التلاقي
كان نفسه قاسيه نفسي عطوفه .. ابتعد عنّي وانا زايد اشتياقي
قطـّعت شريان قلبي من سيوفه .. من بعد شريان قلبي ويش باقي
مع غيوب الشمس ودّع في كفوفه .. وانتهى اللي بيننا صار الفراقي
ابتعد مني وانا قلبي يلوفه .. العشير اللي فراقه ما يطاقي
ليت ذاك الخل وضّح لي ظروفه .. كان قلبي ما احترق منه احتراقي

**********************************
ماعندي اعصاب تتحمل

ما عندي اعصاب تتحمل .. اكثر من اللي تحملته
ان كان برضاك قد كمل .. وان كان برضاك كملته
ان قلت مرخوص تتجمل .. وانا قلت ممنوع كبلته
اعمل على ما تريد اعمل .. غيرك ترى ما توسلته
خدامك اللي يطيعك مل .. يا سيدي كيف عاملته

**********************************
ماغيرك احد كوى قلبي

ما غيرك احدٍ كوى قلبي .. واصبر واخليك تكويني
لو قالوا الناس تلعب بي .. لعبك بلا شك مرضيني
وافاني الصبح في دربي .. وسلّم علي داعج العيني
ميزان رجواك يرجح بي .. يا سيد كل المزاييني
الله يسامحك تضحك بي .. وشوفك صعيبٍ على عيني
من الشرقي والا من الغربي .. ما اظن احدٍ يسليني
الميم والنون هو طبي .. ودواي ليته يداويني

**********************************
ماكان هذا العشم فيك

يا عزوتي ما كان هذا العشم فيك .. غيّرت رايك بعد الاخلاص وش جاك
والله لو تنسى فلاني بناسيك .. يا كيف بنسى عشره العمر وياك
اصحى الغضب يا قّره العين يعميك .. لا تحسب اني بالبطى قصدي اجفاك
لو بعتني فأنا على على الناس شاريك .. واسوق رجلي لو تعنّي لمسعاك
الحب بلوه لا تقولون وش فيك .. حكمه ولو جار ما منه فكّاك
يا زين لي مريت بالخير امسيك .. ويطيب للنفس الجفا من جفاياك

**********************************
ماكنت اضنك

ما كنت اضـنك يا بعد روحـي تخـون ** تـنسى غـرامٍ دام يـازيـن عاميـن
عـطـيتك الـسـد الذي كـان مـخزون ** غرت ليالي ما ضيه يا داعج العين
ماتـرحـم اللي في مـحبتك مـجنـون ** يـرخص حياته لجل خاطـرك يا زيـن
لاتـدّعي بالـحـب وتـقـول مـفـتـون ** حـنّا بما تخـفيه يازيـن داريــن
ممـشـاى لك عـجلٍ وممـشاك بالهـون ** تزداد بالقسوه وانا ازدادباللين
تـقـسى للي مـن سـبايبـك مـحـزون ** تقـسى حـياته والخلايـق مريحيــن
ضاع الوفاء وانا احسب الود مصيون ** حـتى سمعـت بهـرجتك عند الأدنيـن
بعت الغلى واصـبحـت يازين مديـون ** وارخـصـت نفسك عند نـاسٍ عـزيزين
في لخظـهٍ ضـاع الأمل وسـط هالكـون ** راح الوفـاء ما باقـي إلا عناوين
كنت احسب ان الحب يا شـوق مضمـون ** وسـلمـت لك نفسي وعـندي براهيـن
لو كان قـلبي بأول الوقت مـطعـون ** تبـرى جـروح القلب لو تنزف سنين
بنسـاك يا خـايـن لو كنت مـزيـون ** مـن باعنا بعناه مـن دون تثميـن

**********************************
ماللهوى عندك

ما للهولى عندك وشرواك قيمه .. يومٍ معي واليوم الآخر مع فلان
خسران منهو بالموده نديمه .. مثلك يا ابو وجهين شرواك خسران
حسبك ولي العرش فعلك ظليمه .. تستاهل نسميك ونقول خوان
فرقا الولايف والمفارق جريمه .. يا اهل الهوى سوّبي ارجوكم احسان

**********************************
ما للود عندك معزه

يا زين ما للود عندك معزّه ايضا ولا للصد عندك تفاسير
مسكينٍ قلبي بالمود تلزّه .. دمرن حالي يا هوى بالبال تدمير
حرام مثلي بالهوى تسنفزّه .. قدٍّ هوانا اريس العين تقدير
يا غايتي ومناي في كل حزّه .. يا سيدي يا سيد كل الغنادير
قلبي فراقك يا ضنيني يحزّه .. واصبر على فرقاك وارصى المخاسير
ما جا من الله يا الحبيّب نعزّه .. راضي بما جاني ولا فيه تقصير

**********************************

 

 

 

 

 

 

 

 

 

 

 

مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
سعـود
عشق الصبا ..
 
الصورة الرمزية سعـود
 








سعـود غير متواجد حالياً

#8
قديم 2010, 03:34 PM

افتراضي


مانويتك بالجفا

ما نويتك بالجفاء بس الضروره .. توجب النسيان في بعض الظروف
ليمتى بصبرك على ظلمك وجوره . ليمنى تغلط وانا عيني تشوف
دام من يهواك ما تدري شعوره .. ويش ابي بك وانت ناوي بالنكوف
ويش ابي باللي تمادى في غروره .. مطرد المقفين ماني بمخفوف
غرّتك دنياك والعاذل بشوره .. وانخدعتي في جمالك يا هنوف
يا خساره حبنا طفيت نوره .. وبن ذاك الحب والقلب العطوف

**********************************
مايفيد التوجد

ما يفيد التوجّد والبكى والقصايد .. يا فهد صرت مثلك بالجزيره وحيد
يا هوى البال قلبي ما بقى له شرايد .. من عذابك تقطّع بين نار وحديد
ضاع وقتي معاهم بين ناقص وزايد .. بين ناقص وزايد يافهد بي لهيد
مابي العشره اللي بس هم ولهايد .. عشره الهم ذلي يا فهد ما تفيد
ليش لي جيت اشوفك قلت ذا شي كايد .. ليش ذا شي كايد يا غضيض النهيد
وش يفيد المراسل بالحف والجرايد .. وش يفيد المراسك وانت عني بعيد

**********************************
مابعتك ولاهو بمعقول

والله ما بعتك ولا هو بمعقول .. ابيع ماضينا على شان كلمه
متّر هواك القلب بالعرض والطول .. وعدّاني حدود المحبخ بسلمه
حلال يومينٍ ثلانين مرسلو .. ارسلتها لك لاشك مافيك رحمه
والقلب غيرك ماتولع بمجمول .. حبك على يا زين مقسوم قسمه
انت امام الله لي مت مسؤول .. من يظلم الوالي يحمله ظلمه
عزي لقلبٍ ما بين عاذل ومعذول .. عزي لجسمٍ ناحل نسف دمّه
انا معك بالحب امشي على أصول .. في نو بدرٍ باديٍ في وسط ظلمه
اعاشرك ما اسمع اهل القيل والقول .. اكذب الواشي اليا جاب علمه

**********************************
ماعندي اعصاب لي شفتك

ماعندي اعـصاب لا شفتك ** امسـك شعوري امام الناس
يا باهي الخـد والفتك ** اصـغي لهـرجك بكل احساس
على هوى البال بايعتك ** اشـريك يابو عـيون نعاس
مـلكت قـلبي ووادعـتك ** راعي الهوى لو صبر حساس
مـكتوب واليوم فارقتك ** اخـاف مـن حـبنا ينحـاس
ان كان لي حظ نادمـتك ** لو ساعـهٍ بالعمـر لا باس

**********************************
مالك حق

يا زين مالك حـق تزعل علـيّه ** مشـكلـتني مـشكـله مالـها حـل
تـزعل وانا ماجاك مني خطيـّه ** وش جـاك مني ياهوي البال تزعل
يازين خف من والي العرش فيّه ** وصلك دواء لي وانت يازين تبخل
ابغا الوفاء منك وحـقك عليّـه ** ابغـاك مـهما يا حـبيبي تـدلل
حـبك مكن بالقلب غصبٍ عـليّـه ** اكـثر من اللى في خـيالك تخيّل
انت الذي من بدّت الناس ليـّه ** اغلى حـبيب ولا على غـيرك اسأل
مـفروض من يغليك تطلب مجيـّه ** لو ما عنا لك تمد حبل المواصل

**********************************
مانويتك بالجفا

مـانويتك بالجـفا بـس الضروره ** تـوجب النسيان في بعض الظروف
ليمتى بصبـر على ظـلمـك وجوره ** ليمتى تغـلط وانا عـيني تشوف
دام من يهـواك ما تـدري شعوره ** ويش ابيبك وانت ناوي بالنكوف
ويش ابي باللي تمادى في غروره ** مـطـرد المقـفين ماني بمخفوف
غـرتك دنـياك والعـاذل بـشوره ** وانخـدعتي في جـمالك يا هنوف
يا خـسـاره حـبنا طـفيت نـوره ** ويـن ذاك الحب والقلب العطوف

**********************************
محبه من طرف واحد

محبه من طرف واحد نسمّيها .. محبة اللي فرض حبه وهو سالي
لو المحبه تباع لمن وقع فيها .. لعوّض الهجر والحرمان بالمالي
واصير انا فارس احلامها وامانيها .. واجي على بالها يوم اشغلت بالي
روحي ورحه بروح الحب نحييهت .. والقلب واحد وله حاله ولي حالي
الهجر يا اهل المحبه موت راعيها .. والحب ما يموت بالحرمان لو طاللي
خمايل الحب بالاحلام نسقيها .. احلامي اللي تجسّد بطيفه الغالي

**********************************
مخطور رد النظر لي

مخطور رد النظر لي .. قلبي كثيره جراحه
صبرت ولا قرّبت لي .. ما شفت بالصبر راحه
قلبي على نار مصلي .. ميه بميه نجاحه
الصبر ماله محلي .. والصدر مابه مساحه
مجبور انا فيك مبلي .. الحب ما اقدر كفاحه
هويت غيري فقلي .. ارجوك قول الصراحه
والا تبارد بوصلي .. اسيرك اطلق سراحه
لا يا بعد كل من لي .. اخطيت ومنك السماحه

**********************************
مخطين يالعذال

اهلاً هلا يا قرّه العيت .. شوفك ربيع القلب ومناه
اتلى الخبر به يوم الاثنين .. هو الرجا عزاه عزاه
يا صاحبي يا كامل الزين .. عنك الغزى والصبر مقواه
ضحكة غلا تسوى ملايين .. والقلب له ربه ومنشاه
من حب مكقرون الحجاجين .. يشيل قلبه داه في رداه
ياللي تلومون المحبين .. يا ويلكم يا ناس ويلاه
مخطين يا العذال مخطين .. حتى هوى قلبي بدنياه
يا رب تجمع شمل غالين .. بعض العرب يا شين فرقاه
ناسٍ على قلبي عزيزين .. القرب عقب البعد محلاه
الناس كل الناس دارين .. ان الهوى هذي سواياه
اما اهتنيت بداعج العين .. والا طريق مقيط ورشاه

**********************************
مشينا بدنيانا

مشينا بدنيانا خذنا وخلينا .. طويله عريضه مالها اول ولا تالي
نسافر لمستقبل جهولٍ يمنّينا .. وماضٍ تشد القلب ذكراه بحبالي
ولا يندرى يدر القدر وين ترمينا .. على رجم قصير والا من النايف العالي
ولا فيه يا عالم بشر واحدٍ فينا .. طول العمر كله مهتني دالهٍ سالي
ولا يعرف اولنا عن اخبار تالينا .. كلٍ يقول اللهم اسالك عن حالي
ولا بر يشبعنا ولا بحر يروينا .. لكن سماء الله بيننا والسماء خالي
سافر بدنيا مبحره مالها مينا .. من اوفي حسابه طوّت به على الجالي
نبي ننهني الدنيا والاقدار تنهينا .. الاعمار رهن الموت قطّاف الانجالي

**********************************
مظالي عنك

مضالي عنك ايام وليالي .. اعد مواصلك ساعه بساعه
حزين الطرف ما يرتاح بالي .. عليل القلب من جور الولاعه
عليك الدمع فوق الخد سالي .. يغطي جفن عيني باندفاعه
وانا ما اسمع لو طال الجفا لي .. ولا لي غير م****ي طماعه
الا يا عاذلي مالك ومالي .. انا قلبي فراقه ما استطاعه
متى تسمح وتسرع في وصالي .. تفّرح خاطري لو ربع ساعه

**********************************
مع الاسف

مع الاسف عشرتك طارت مع الريح .. بايع ضميره مثل شرواك اعافه
لولا الحياء لا اشقق الجيب واصيح .. وافضحك عند الله وخلقه كشافه
ما شفت من حبك لنفسي مصاليح .. الا العنا والهم وزود الكسافه
لو ان حبك جرّح القلب تجريح .. عفتك ودور لك عشيرٍ وصافه
لمحت لك في بادي الامر تلميح .. واثبت لي من تصرفك تافه

**********************************
من هل السالميه

من هل السالميه واعرفه يا فهد .. جابه الله عظيم الشأن يا مسندي
ليتني يوم الاحد ما دخلت البلد .. سمّر اقدام رجلي وطاح ما في يدي
ابتسم وكن بين اشفاه برق ورعد .. وكن جعده على المتنين ليل اسودي
لو سحر شافته يوم التفت لي ولد .. كان صارت على ابن سعيد تتوجدي
شات قلبي بنظره قدة القلب قد .. واعتبرني عليه الجاني المعتدي
ذاك ما انسي جماله لين يوم الابد .. اتصوره لوني في حلى مارقدي

**********************************
من ردى الحظ

من ردى الحظ قلبي طول الايام خايف ** خايـفٍ والليالي ما تـجي لـه بكـيفـه
ما تجي له بكيفه مثل ما كان شايف ** غـيب الايام جاله بالحـياه الكسـيفـه
الحياه الكسـيفه والعـنا والكلايف ** عـقب عـزه تعرقل بالظـروف الكـليفـه
الظروف الكليفه والدمـوع الذرايف ** والسهـر والترجـي بعـد فـرقا وليفـه
بعـد فـرقا وليفـه مالقا له ولايف ** غيّـم الجـو واظـلم بالهموم العنيفـه
الهموم العنيفـه بالظـلوع النحايف ** خلّـت القلب يرجـف بالظـلوع النحيفـه
بالظلوع النحيفه عـقب يـأس وحسايف ** وش تفيـد الحـسـايف والقدر حط سيفـه
القـدر حـط سـيفه دون زين الوصايف ** حـال من دون شـوفه ما بقى غير طيفـه
ما بقى غـير طيفه داخل القلب طايف ** طـيف زين الوصـايف والخدود النظيفـه
الخدود النظـيفه والثمـان الرهايف ** يوم جـيته وجـاني بالعـبات الرهيفـه
العبات الرهيفه فـوق ذيك الـردايف ** وا عنا قلبي اللي ما اهتني في مصيفه

**********************************
من عنى الوقت ذايب

عزّي لقلبٍ من عنى الوقت ذايب .. من جور مابه ما يطفي لهيبه
دمعي كما وبلٍ تهل السحايب .. ابكي خفا ما جابت الورق اجيبه
يا قلبي ماهي بالحيل والنهايب .. ماهي بريره من قريب لقريبه
لو تشتكي خطوك وما قيل صايب .. مصيبتك يا قلب ماهي غريبه
الحب مثل السهم مخطي وصايب .. احدٍ عداه السهم واحدٍ يصيبه
شف ذا شباب وراسه اليوم شايب .. وهذا في وقت الشيب ما فيه شيبه
نرجي الذي بامره نهب الهبايب .. جزل العطايا من خلق يعتني به

**********************************
من منطلق حبي

من منـطلق حبي لك العـام واليوم ** لاتحـرق اوراق الغـلى وانت غالي
إحـفظ بقايا ما بقى واترك اللوم ** واصبر وابصبر والله اعلم بحالي
امـرٍ مـدبر يا حـبيبي ومـقـسـوم ** شـربـت كاسـه بـيـن مـرٍ وحـالي
حـبك سـرق من ناظري لـذّه النـوم ** سـرق الخـجل عـينٍ هدبها حكى لي
خـليتـني مـكسور خاطـر ومـهمـوم ** خـسارتـي بالحـب مـن راس مـالي
عـليك يا ظالم شـكى الظلم مظلوم ** منك اشـتكي لك بالهوى ما جرالي
عساى ما اقـضي تالي العمر محروم ** من شوفـتي لك عقب ذاك الغلى لي

**********************************
نفسي عزيزه

نفسي عزيزه ومن تعزّز عليّه .. عزيت نفسي عنه والقلب اعزيّه
والله ما اهين النفس انا لا وزيّه .. ومن زعل وما ازعلته فلا والله ارضيه
من عاذلي ماجاه مني خطيّه .. والله لعافه مهما بغى الله يسويه
الصاحب اللي طاوع الناس فيّه .. وانا ما طاوعتهم علي قولهم فيه
طاوع بي العذّال وانحى نحيّه .. وراى ما اسوي سواته وجازيه
غيره من اهل الزين والجاذبيّه .. لغتّر بزينه فزينه نخليه
ما دام حب قلوبنا بالسويه .. هذي حلاه الحب والا فلا ابيه
يحلّها الحلاّل رب البريّه .. سلطان في ملكه ولا احدٍ يماريه
يرغب مجيّي مثل ما ارغب مجيّه .. هرجه يسّليني وهرجي يسلّيه
يالله لا تحرم هوي من هويّه .. وانك تهنّي كل غالي بغاليه
واعطيه رمز الحب قلبي هديه .. ما دام قلبه بالمحبه عطانيه

**********************************
نهاية عذاب الحب

نهايه عذاب الحب واتلى حكاياته ** وضـعنا الحدود الفاصله يا معذبنـا
وقـلبٍ جـرحـته الين كـثرت علاته ** ترى الله على تعذيب الانفس يحاسبنا
صبـرنا كثير وكـل شي في دكـاته ** ترى اللى تجيبه قـوه اليد يعجبنـا
انا حـبك المـغـشوش بحرق ملفاته ** الايام تثـبت لك لـو انـك مـكذبنـا
حـبك نـزل عـندي ونـزلت راياته ** ولاني خـايـف من جـنابـك تحـاسبنـا
ولو عندك الاسطول وتملك معاداته ** ونـزلت قـواتـك وتـبغا تـحـاربنـا
بقـول انا اتحـدث والنفس مواته ** حـياه الشـرف والا على عـز تذبحنـا

**********************************
نور عيني يذكر بالبديعه

نور عيني يذكّر بالبديعه .. ليتني ماعرفته كان سالي
صافي اللون وعيونه وسيعه .. صابني يا هلي عزي لحالي
جيت احاكيه ليه نفسه رفيعه .. يفتخر ويتحدى ما يبالي
ليته اليوم يامرني واطيعه .. مستوى صاحبي يا ناس عالي

**********************************
هذا الدهر

هذا الدهر ما فيه وافي وصاحب ** حتى الصديق اللي تعزه يخونك
وعزيزك اللي قلت له يا مراحب ** ضحـّيت له وارخصت لجله عيونك
امـسٍ معـك يعرف جميع المذاهب ** يوم السعه تلقاه مثلك ولونك
واذا بغيته قالوا الناس غايب ** في ساعه الشـّده يخيـّب ضنونك

**********************************
صديقي اللي

صديقي اللي يوم اضيق يتضايـق ** اللي يـشاركني هـمـومي وضـيقـي
يحاول اسعـادي بشتى الطرايـق ** يـشـيل كـل شي واقـفٍ في طريقـي
يبذل جهوده ماتعـيقـه عوايـق ** مهما حـصـل له في سبيلي يـطيقي
هذا الصديق اللي له الاسم لايق ** رمز الوفاء من معدن اصلي حقيقي
اما صديقي بـس لي صـرت رايـق ** ما يسـتـحـق انه يسـمـى صـديقي

**********************************
هذي مفاتيح حبي

هذي ما فتبح حبي واحكم ما طارى لك .. ومن خضع لك وسلم ما نويت الوفاء له
احرقني القيد فقكه يا عشيري دخيلك .. ومن بلاع الولي في حبكم عزتي له
مرهٍ في حياتي عقبها النفس هي لك .. افعل الخير فيني وانت راعي الجميله
تتعب النفس رجلي في هواكم واجي لك .. وكل شهر اترقب واتحرى هلاله
ليت منهو على الموتر يمل ويشيلك .. وقبلنا قيس خله من بلاده عناله
يا دلع ارحم اللي بالهوى يستميلك .. حبنا صافيٍ ماهو بحب الجهال
لولا الغلا والمحبه كان اخلّي سبيلك .. واعزي القلب ينسى من الغلا ما جراله

**********************************
هنيكم ياهل القلوب المريحه

هنيكم يا اهل القلوب المريحه .. وانا اجحد العبرات واصبر على الجور
امشي مع العالم بروحٍ جريحه .. والناس تحسبني هادي ومسرور
قلبي عنيد وما يطيع النصيحه .. والزين ناسيني وانا فيه مجبور
اركت على قلبي وهي مستريحه .. تسعد بدنياها وانا مثل مسحور
عطتني عهود المحبه صريحه .. ومن دون سبّه تنقض العهد وتبور
خاب الامل فيها وبانت شحيحه .. مسكين يا قلبٍ ما كان مغرور

**********************************
هنيكم ياللي تنامون

هنيكم ياللي تنامون بالليل .. اكيد ما تطري عليكم طواري
وانا من الايام شفت الغرابيك .. عفت المنام وصار ليلي نهاري
لولا الرجى واتني ليالٍ مقابيل .. والله ما يجري من الهم جاري
انا اشهد ان الهم سم الرجاجيل .. يعمي العيون ويودع الجسم باري
واقول ياللي تعذلوني مهابيل .. ما فيكم اللي عن شقى الحال داري

**********************************
واعذابي من هوى خل

وا عذابي من هوى خلٍ عنيد .. قاسيٍ قلبه وقلبي ما نساه
صد عني وابتعد عني بعيد .. وا عنى قلبٍ يحبه وا عناه
طالت الفرقا ونيراني تزيد .. ليت منهو يدري حبيبه وش بلاه
ما جداي الا اتوجد والنهيد .. كاسيٍ قلبي غرامه عزتاه
تايهٍ فكري والرأي السديد .. والهوى مذكور من قبلي شقاه
من وطاه الحب ما حظه سعيد .. ما سمعنا واحدٍ تهنى في هواه
اتحسر والحساير ما تفيد .. عزتي للي طريقي قد مشاه

**********************************
واثق من نور عيني

والله اني واثقٍ من نور عيني .. من عذلني عنه والله ما اسمعه
خافيٍ حبه بقلبي ما يبيني .. ذكريات الحب عندي ترفعه
ما يصير ارخص حبيبٍ مشتريني .. حافظٍ عهد الهوى ما ضيّعه
ادري انه غاب لكن ما نسيني .. يا عواذل حجّه الغايب معه
حالوا الحساد ما بينه وبيني .. عن وصالي في شيٍ يمنعه
انتظر واصبر وعسى ربي يعيني .. شملنا يا ليت ربي يجمعه
ما يخفف شوق قلبي والحنيني .. غير منهو له عيون مبرقعه

**********************************
واعديني

واعـديـنـي كـان ودك نـلتـقي ** الهـوى مـحـلاه لا صـار اجـتمـاع
عـوضـي مافـاتنـا باللي بـقي ** لا يـروح العمـر كـله فـي ضيـاع
شوفتي لك هي منى القلب الشقي ** يشهد الله ما احتمل عنك انقطاع
ارحـميني يـا حـياتـي وافـقي ** انقذي المخطـور قـدر المستطـاع
قـلي متي شـمسـك علينا تشرقي ** ونجتمـع ويـاك يا زيـن الطبـاع

**********************************
والله اني عارف

والله اني عارفٍ ويش النهايه .. مير اكذّب هاجسي والظن فيك
ماحكوا لي عنك قلت انه دعايه .. وادري انه صح ما قالوه فييك
بعت من يشريك والمشقي عنايه .. بالجفاء جازيت منهو يشتريك
عفتني ما قلت لي سبّه خاطيه .. جيّتك لي مجامله حسبي عليك
يا حياة الروح يا غايه منايه .. اشتكي مظلوم انا منك اليك
خف من الله لا تعذبني كفايه .. جعل ما جاني على شانك يجيك
وش يفيدك يا حبيبي من جفايه .. كيف تجفى واحدٍ يشفق عليك
لا تهدم اللي بنينا فالبدايه .. والعدو بالقول لا يضحك عليك

**********************************
والله مادري ويش اقول

والله ما ادري ويش اقول .. ومن ابدأ بالعتاب
خايف من الهرجه تطول .. بين الخطأ وبين الصواب
واضيع في درب الصواب .. ويضيع عمري والشباب
ابي اتوصل للحلول .. انتا على القرب العذاب
خلفت ما اطيع العذول .. ولا يحصل له جواب
وما ارسل لم****ي رسول .. اخاف يقرأ ذا الكتاب
واقفله بقوى القفول واقول طاب الجرح طاب

**********************************
والله مابرت بك

والله ما برت بك بس انت يا الغالي .. نويت بالصد تجرحني وتشقيني
ماهو بحقٍ منك تصدق هرج عذالي .. صدقت كذبه عدولٍ قالها فيني
نتم اتعذب وقلبك دالهٍ سالي .. الله حسيبك جرحت القلب جرحيني
ما ادري عن العيس بعدك كيف يهنالي .. ما دام صوره خيالك دايمه بعيني

**********************************
والله ياكثر همي

والله يا كثر همي .. من شانك يا عود القنا
ودي تلتفت يمي .. لجل انه يزول العنا
ورد الخد ينشمي .. واسمح لي بقطف الجنا
من فمك الي فمي .. والمطلوب هو قصدنا
يا سيدي ويا عمي .. وش ذنبي وش سويت انا
يا زين قل تمي .. ما للقلب عنكم غنا
واهل المدح والذمي .. ما يدرون وش عندنا

**********************************
ودعتكم يوم تروح

ودعتك يوم تروح عيني ذواريف .. يا ليتني ما جيت يوم الوداعي
الله خلق قلبي وقلبك مواليف .. ما للامل ما باقيٍ لي متاعي
متى على الله تنتهي هالتكاليف .. واسعد بيومٍ فيه معك اجتماعي
على الامل باقي ذكرى السواليف .. مير البلا كان الامل منك ضاعي
والله لو حطوّا على راسي السيف .. ما انساك يا راعي العيون الوساعي
لا بد من يومٍ يجي لي على الكيف .. وافل في بحر المودّه شراعي

**********************************
ورنا هجرك

ورنـا هـجـرح وخـلينا نـشــوف ** رح وانا بروح واعـد الزمـن
يـوم تصـرّفني على حـكم الظروف ** جاهـلٍ واليوم عيوني فتحـن
شـفـتني صابر وثـنـّيت الكتـوف ** تحـسب اني ما قريت بكل فـن
قـاريٍ قـلبك عـلى رمـز الحـروف ** وافـهم عـيونك بحبي سلهمـن
الهـوي ما هـو بـطعـنٍ بالسيـوف ** بعيـون الحـور سهـمٍ يطعنـن
من اولٍ اقـدامي على حـيّك تطـوف ** وكل ما ابطيت من يـمك عنـن
من يـسوى خـير ويـجـزى بمعـروف ** لي سكنت الشام بسكن باليمن
ليـن ما تـحـول ضـلعـان وجـروف ** ولو تجي شـديت خليت الوطـن
لين اشوف الشمس تسطع من الكسوف ** مثل عـصـرٍ فـات وايامٍ مضـن
تلعـب الشطـرنـج هـزات الـردوف ** قـرر الاشعار قامـن يـوزنـن

**********************************
وش الذي غير مزاجك

وش الذي غير مزاجك وخلاك .. تسرح مع الهاجوس يا نور عيني
مزعلك يزعلني ويرضيني ارضاك .. وانحاس اليمن شفت خاطرك شيني
ما غير انا يا قرّه العين وياك .. لا تخفي اللي بخاطرك يا ضنيني
حالي ومالي لك كله فداياك .. مملوك لك وامشي على ما تبيني
ما دام انا مملوك لك والله اعطاك .. لي بعتني من يبي يداعيك فيني
من يبي يردك عن حلالك وينهاك .. من يبي يمنعك لي تصرفت شيني
بعني ولا تقعد تفكّر بدنياك .. خذ حاجتك نقدٍ ولاهي بديني
من شان ما تحتاج هذا ولا ذاك .. وتفرح عليك اعداك والحاسديني

**********************************
وش الراي

وش الرأي في شخصٍ اذا اعتاز جاني .. وان كان ماله عازهٍ جنّب الباب
ما الوم من والف مع الناس سالي .. يلعب على الحبلين مع كل الاحباب
والله لولا العمر ماهو بفاني .. ما ارد لي سلّم سلامه لو طاب
لا يحسب الناسي غيابه كواني .. يصبر عينا الحي لي سافر وغاب
ما عاد له بوسط قلبي مكاني .. الغادر الخدّاع ما احسب له حساب
عزّاه من حظٍ بحبه رماني .. اعتب على حظٍ جمعني بكذاب
انا كان يا حظي تريد امتحاني .. فلا النجاح بخاطري ماني بطلاّب
واندم على تصريف حكم الزماني .. اللي رماني به وكل شي له اسباب
واندم علي اللحظات هي والثواني .. معه انتقظت بالحب والحب غلاّب

**********************************
وش تقول الناس

وش تقول الناس فينا وش تقول ** عـشرتي يازين لك عشره شرف
دام انا وياك نمـشي بالاصـول ** مالنا في هرجة الواشي طرف
الثقـه بيني وبينك ما تـزول ** ثابـتٍ حبي وحـبك ما انحرف
يا بعد عمري عسى عمـرك يطول ** ما اخبر قلبي لغيرك اعترف
انت لي يا راعي الطرف الخجول ** لامني في عـشرتك مـن لا عرف

**********************************
وش جابني يمكم

وش جابني لك يمكم وداني .. وش جابني لولا غلاك الداعي
لولا الغلا ما جيت انا لك عاني .. ولا هز قلبي من غلاك اضلاعي
لو تعلم ان الهجر منك اشقاني .. ما عاد لك نومك وانا اسهر واعي
درت ومشيت وكم شفت الواني .. ما شفت مثلك بالهوى خداعي
وش غيرك تنسى زمانٍ كاني .. تومي بعينك عنّـنا ما تراعي
هديت قصر الحب وةانت الباني .. وصرت لكلام عداينا مطواعي
اهديت لك قلبي وصرت الجاني .. وعاهدكم بالله يا خداعي

**********************************
وش صار يازين الحلايا

وش صـار يـازيـن الحـلايـا تـغلـيت ** ان كان الخطأ مني بقول اعتذاري
وانا كان الخطأ منكم تراني تناسيت ** بطـوي سجـل الحـب واصـدر قراري
وان كـان من عـاذلي بالهـرج حـنيت ** إعـرف تـرى درب المهـالك شعاري
عـلى صـدودك ياهـوى البـال هـديـت ** جـسـرٍ على سـاس المحبـه جـداري
من صـدك وجـورك يامنى الـروح ونيت ** ونـة حـزين الشوق بطول انتظاري
ابـكي عـلى فـرقـاك دمـعـات هـليت ** وانت السـبب لاشك ماهو باختياري

**********************************
وش يمنع اني عفت حبك

وش يمنع اني عفت حبك وطاريك .. ذ**** ما تنفع وانا خاطري طاب

من عقب ما قلبي يحبك ويغليك .. لكن غلاك بين الزعل والرضا ذاب
مانبي بلعبه في يدينك تسليك .. عرفت دمعك يوم تبكيه كذاب
جتني همومٍ عساها تجي فيك .. وانت الذي لهموم قلبي الاسباب
خلاص عقب اليوم ما والله ارجيك .. ياللي تبيع وتشتري بملك الاحباب
اول عيوني من ولها تناجيك .. واليوم عفت الحب يا ظبي الاهداب
حاسب على نفسك والله يهنيك .. يا خالي الوجدان تلقى لي اصحاب
الغدر مثل الضل لازم يباريك .. فيك الامل بالحب يا مضيّعه خاب

**********************************
وقفت اودعه

وقفت اودعه والعين تدمع .. ذرايف مثل هطّال السحابه
وبعد العصر حوالي الساعه اربع .. بسرعه بلأ الغالي ثيابه
واشر لي مثل قوله مودّع .. دنا وقت الرحيل احسب حسابه
وقلت ارجوك لعد اسبوع ترجع .. محبك يشتكي لك من عذابه
تمزّع قلب من تهوى تمزّع .. طواه الوجد وحطم شبابه
فراق اهل الهوى يا حلو يفجع ..ترى الفرقا من انواع الغلابه

**********************************
ول يالهاجس

ول يا هاجسٍ يم الحبيّب سرابي .. لين وداني للمجمول في ظرف ساعه
نقّض الجرح هاجوسٍ وجدّد صوابي .. واحسب اني على فرقاه عندي شجاعه
عقب فرقاه اجامل لين بان الشقى بي .. واتصبر وقلبي زايد الشوق لاعه
الدهر لاعني وابعد حسين الشبابي .. ابعد الصاحب اللي ما نوى لي قطاعه
الدهر دايماً ضدّي مع كل بابي .. كل ماجيت مع بابٍ سعى في ضياعه
يا حبيبي فراقك زادني في عذابي .. دمع عيني عقب فرقاك زاد اندفاعه
جاك مني رساله واحتري منك جوابي .. خطكم لي وصلني عندي اغلى بضاعه
سو بي خير واكسب يا حبيبي ثوابي .. من يراعي هواكم يا اريش العين راعه

**********************************
ويلاه من قلب عليل

آه وا ويلاه من قلبٍ عليك .. انكشف سده وبيّح ما خافاه
من سبايب واحدٍ ماله مثيل .. يسحر العشاق لي قط العباه
وان بغيت الصبر دونه مستحيل .. نور عيني بالحشا مكّن غلاه
تاه فكري تاه دربي والدليل .. ليت منهو يدري حبيبه وش بلاه
بالهوى حملي على قلبي ثقيل .. وان نهيت القلب عنّه ما سلاه
ساريٍ بالليل في دربٍ طوبل .. حايرٍ ما ادري وش آخر مداه
يعطي الشاق من كفٍ بخيل .. ومن زرع طيبٍ ما عمره جناه
آه من درب الهوى ماله عميل .. كل من يخلص يزوّد في عناه

**********************************
ويلاه من هم قضت منه حالي

ويلاه من همٍ قضت من حالي .. صابر على جور الليالي والايام
همٍ يزحزح راسيات الجبالي .. لو حل في غيري قعد منه ما قام
عليك يا منهو شبيه الغزالي .. لاني بمديونٍ ولاني بمنظام
انوح نوح الورق مما جرالي .. واسهر اليما الصبح يازين ما نام
ليته تكرم به علينا الليالي .. ساعه ولو ما طاب للخلق مادام
يا ليت منهو شاف زوله قبالي .. من قبل ما تزور الجسد خرقه الخام
يا زين والله عنك ماني بسالي .. لا والذي نزّل تبارك والانعام
ما فيه يومٍ غبت والله عن خيالي .. كنّك بوسط العين راسمك رسّام

**********************************
وين ابلقى لي صديق

ويـن ابلقى لى صديـقٍ على حالي شـفيق ** ما يعاتبني واذا اخطيت يدمح زلتي
انقطـع بي حبـل الاصحاب في نص الطريق ** وان شكيـت الحال للناس زادت علتي
ويش خان الصاحب ان مانفع وقت المضيق ** ويش خان الصاحب ان ما يحس بلوعتي
يوم كـان المال عـندي وكـلٍ لى رفـيق ** ويوم راح المال منـّي تلاشـت شـلتي

**********************************
وين ربي جابني لك

وين ربي جابني لك وانت لي .. جاد حظٍ ما هقيت انه يجود
جاب غالي عندي اغلى من هلي .. عشت انا وياه في دنيا الوجود
كنت قبل اليوم في برٍ خلي .. وسط صحراء ما نبت فيها ورود
قال ربي للظروف تعدلي .. احمد الله حمد وافي يا سعود
ينشدوني ويش حالك يا علي .. قلت مثل الناس والزايد يزود
انتهى ذاك الزمان الاوّلي .. ذاك وقتٍ راح لايمكن يعود
كل ما دنياك ضاقت نجلي .. عقب صبرٍ طال وتعدى الحدود

**********************************
يابو بدر

يا ابو بدر مالي من الزين مصلوح .. اشقيت حالي والقضي ما دري بي
عز الله انه منه يا اخوك مجروح .. مجروح والغالي يزوّد عذابي
ابكي على شوف المحبين وانوح .. يا ليت مضنوني يرد الجوابي

**********************************
يابو علي

يا ابو علي اسهر نهاري مع الليل .. جالس افكر طول ليلي ولا انام
اكتب شعر واكتب لخلّي مراسيل .. من شافني يقول عايش بالاوهام
يا ابو علي قضيت ما عاد بي حيل .. وغديت من ضمن اهل الهوى بس بعظام
من كثر ما اسهر عرفت النجمه سهيل .. معرفةٍ ما تنسى عدّه اعوام
لي جيت ابنسى صاحبي جاني الويل .. مسكين انا حظّي تعثّر ولا قام

**********************************
يالله اني دخيلك

يا الله اني دخيلك حالتي سيئه .. والهموم احرقتني واشغلت بالي
كمل الحال مني وش بقي ليه .. ما بقى غير قلبٍ فيه ولوالي
الجرح بي جرح والكيّه على الكيّه .. والشباب انتهى كله على الخالي
انتهى الصبر يا الاجواد موليه .. من حياه الندامه موتي اشوالي
علّتي عن جميع الناس مخفيّه ..شفت انا من زماني كل الاهوالي

**********************************
يالله يا جاعل الدنيا

يالله يا جاعل الدنيا فساح .. وباسط الارض وارسيت الجبال
واجريت بمرك عواصيف الرياح .. مقلبه للهواء في كل حال
قال ابن قحطان ريح المسك فاح .. شافت عيوني بذا الشارع غزال
الموت في معشر العشاق صاح .. يا طالب الموت من عينك تعال
اللي من اهل الهوى شافه وطاح .. واللي من اهل الهوى صابه اهبال
شعشع جبينه مثل نور الصباح .. يوم النهار ابتدأ الليل زال
اخذ من الحسن تاجه والوشاح .. واعلن على اهل الهوى حربٍ نضال
**** الاعيان ما بعده **** .. يسبب الموت باسباب الدلال

**********************************
يالله ياللي من ترجالك

يالله ياللى مـن تـرجـاك ماخـاب ** يامن عـليه اشـكي مـشاكل حياتي
افرج لمن هو من الغرابيل ما طاب ** دايـم عـيونه بالخـفى ساهـراتي
البارحـه مـمسـيت والدمـع سـكّاب ** يحـرم على عـيني لـذيذ المباتي
عـزّي لمـن مثلي عن حـبيـّبه غـاب ** مالـوم من يشـكي حـبيبه سـواتي
انا وان شكيته عند ربعي والاصحاب ** وان جيت ابسكت ما قويت السكاتي
شعـلٍ عـيونه تطـلق سهـوم وحـراب ** وسنه ما غيـر اربع وعشر سنواتي
له مبسـمٍ كـن العـسل داخـله ذاب ** وريـقه دواء لجـروحي الخافياتي
حبه مكـن بالقـلب مانـي بـكـذاب ** واعـز الله اني منه قربت وفاتي
انا جـريح القـلب والزين الاسباب ** وارجي عـسى المعبود يحسن مماتي

**********************************
ياللي سكنتوا

ياللي سكنتوا جنوب الوادي الشرقي .. اللي عليكم عيوني تروي العطشان
الوقت غدار والايام ما تمدي .. الله من نار فرقا الاهل والاوطان
اشوف الايام ما اعطتني ربع حقي .. يا ويلها يا محمد من عظيم الشأن
يا ويل الايام كم تسعد وكم تشقي .. دنيا الورى مسرح الافراح والاحزان
رزقي على الله ما عند البشر رزقي .. يا طالب الرزق من يد البشر خسران
واللي مشوا بالحيل ما قدروا صدقي .. الامر لله خلوا خاطري حزنان

**********************************
ياهل الخير والمعروف

يا اهل الخير والمعروف .. سلموا لي على الغالي
سلموا ضامر السرجوف .. واصدقوا للقضي حالي
قوالوا اني بها مشغوف .. كن قلبي على الصالي
يمكن انه يجي ويشوف .. ويتجمل هوى بالي
ينقذ العاشق الملهوف .. من طعم ريقه الحالي
اسمها من ثلاث حروف .. يا عذابي وغربالي

**********************************
يابو فهد

يابو فهـد قلبي من الحب مجروح ** والجرح وسط القلب ماله مداوي
بـسبـاب خـلٍ ناعم العود مملوح ** ما يـرحم العاشق ولا هو بياوي
اجي لها واروح من غـير مـصلوح ** وانا على بعـده فـلاني بـقاوي
ما غيرك احـدٍ من الناس با يوح ** من الغـضي ياخوك للبعد نـاوي
الهم والحرمـان والسهر والنوح ** لازم يقسـم بـيننا بالـتسـاوي

**********************************
ياحبيبي كيف بسلى عن هواك

يا حبيبي كيف بسلى عن هواك .. ان هذا يا حياتي مستحيل
بعدكم على قلبي ترى فيه الهلاك .. خذ حياتي كلها لك يا جميل
مانوى قلبي على شخصٍ سواك .. شف انا من سبتك جسمي نحيل
اترك اللي يزعلك واتبع رضاك ..من سببكم اسهر الليل الطويل
اتحمل منك هجرك مع جفاك .. انظر دموعي على حدي تسيل
يا حبيبي ليتني دايم معاك .. وحدنا ما بين هذيك النخيل

**********************************
ياحرق حالي

يا حرق حالي من عذاب الدهر حرقلا .. والكبد من غدر الزمان محروقه
اربع ليالٍ ما اعرف الشرق والغرب .. والجسم ناحل ساكناتٍ عروقه
كيف المطر يمطر ولا اشوف له برق .. محروم والعالم تخايل بروقه
ماني سجينٍ بالمخازي ولا سرق .. باسباب هرج ما عرفنا طروقه
وش عاد لوني نحت مع نايح الورق .. لابن سعود اللي على الرأس فوقه
ودهيت شمّر والقبايل بلا فرق .. وصوّت بصياحي برقه وروقه
والعين لو هلّت هماليلها زرق .. يبري الفرج رب البرايا يسوقه

**********************************
ياحسرتي قلت اه

يا حسرتي قلت آه ويلاه ويلاه .. يا اهل الهوى ياشين هجر الصديقي
يا شين هجر اللي من الناس تهواه .. لا صرت ماتفهم لهجره طريقي
هجر الحبيب اللي على غير معناه . عليه قلبي لي ذركته يضيقي
عز الله اني من توالفت وباه .. حملّت قلبي فوق ما لا يطيقي
غزي لحالٍ من هوجس الحب عزاه .. عز الله اني من انا نشف ريقي
الصاحب اللي صابني كيف ابنساه .. وقلبي تخرّق من غلاه تخريقي
يا جاهلين الحب هذي سواياه .. شغله يحرّق بالفؤاد تحريقي
ياما وياما هلت العين من ماه .. خليت منديلي بدمعي غريقي

**********************************
يا خساره

يا خساره ضاع حبي والغرام .. مع حبيبٍ صار له طبعٍ جديد
وا شقى عين المعنّى ما تنام .. وا عذابي يا فهد همّي يزيد
ساهرٍ في الليل زاد بي الهيام .. ساهرٍ هاجوس عيني في بعيد
جيت يم الزين وابديت السلام .. وانشغل عنّي وخلاّني وحيد
قلت له يا زين والله ذا حرام .. لا تزيد الجرح في قلبي تزيد
انشغل عنّي ولا ابدى لي اهتمام .. قلت له الجفاء لي يا عنيد
ماتشوف اني بحبك مستهام .. ارحم المجبور قلبك من حديد
ارحم اللي تاه في حبك وهام .. وارحم اللي شوفته لك يوم عيد
قلت له يا نور يا بدر التمام .. عيشتي بعدك ترى عيشة شريد
افترقنا عن بعض لي عنه عام .. والمحبه والهوى نارٍ شديد

**********************************
يازعيم الموده

يا زعيم المودّه يا حسن الوصايف .. يا قمر عشر واربع لي تجلّى وبان
جل من صوّر عيونٍ عليك وشفايف .. مع دلالك وزينك فيك عطف وحنان
مير حظي قصر دونك وشفت الكلايف .. انت ودّك وانا ودّي وعيّا الزمان
والله اني على لامك دمعي ذرايف .. انت سبّة جروحي والدواء لي ضمان
انت داي وداوي وانت سيد الولايف .. مستبدٍ بقلبي ما لغيرك مكان
انت يا لابس الشلحه ونابي الردايف .. خف من الله بحالي يا رهيف الثمان
وا حلالات قبل الموت تبري الحسايف .. مرهٍ في حياتي قبل فوق الاوان

**********************************
يازين احبك

يا زين احبك والمحبه بلاوي .. حبٍ مع الايام ينمي ويكبر
بالهجر لا تجرح شعور الشقاوي .. بالك تصد اليوم والا تكبّر
قلّي وش انت بي على الطول ناوي .. الخير منه الخير والشر بالشر
الموت عندي والحياة متساوي .. واحسن لي الموت المحتّم والاقهر

**********************************
يازين انا مليت

يا زين انا مليت سهر الليالي .. البعد والحرمان يا منيتي طال
جسمي نحل يا زين مما جرالي .. ليتك تجي وتشوف بعيونك الحال
لك صورهٍ مطبوعةٍ في خيالي .. لو غبت عن عيني فلا غيت عن بال
لا تحسب اني عنك داله وسالي .. والله قلبي عن هواكم فلا مال
يا غايتي بالناس يا اعز غالي .. يا داي وانت داوي في كل الاحوال

**********************************
يازين مالك حق

يا زين مالك حق تزعل عليّه .. مشكلتني في مشكله مالها حل
تزعل وانا ما جاك منّي خطيّه .. وش جاك منّي يا هوى البال تزعل
يا زين حف من والي العرش فيّه .. وصلك دواء لي وانت تبخل
ابغى الوفاء منّك وحقك عليّه .. ارضاك مهما يا حبيبي تدلل
حبك مكن بالقلب غصبٍ عليّه .. اكثر من اللي في خيالك تخيّل
انت الذي من بدّة الناس ليّه .. اغلى خبيب ولا على غيرك اسال
مفروض من يغليك ترغب مجيّه .. لو ما عنا لك تمد حبل المواصل

**********************************
يا سعود

يا سعود انا لي صاحـبٍ مغرمٍ فيه ** بس الحياء عن نور عيني حداني
ارجي من المولى يقود الرجاء فيه ** لشفـت زوله عـجـز ينطق لساني
هـذي سـوات الحـب يا جاهـلٍ فـيه ** قـيسٍ وليلى قـبلنا مـن زماني
طـبيـت بحـرٍ ماعـرفـنا مـوانـيه ** بـحـرٍ عـميـق مالقـينا مواني
ليتـه يـوضح كل ما كان مـخـفـيه ** بين الرجاء والياس خظي رماني
ان كان يغـليني مـثل ماني اغليه ** والله لعطيه لي امر او نهاني

**********************************
يا شقى من تولع

يـا شـقى من تـولع يوم نـفسك بخيله ** ماتـبيع الجـمال وزاد عـندي غـلاك
مـزارع الورد عندك وعند غيرك قليله ** من تـمنى يـشـوفك ما حصل له بهاك
احـتفـظ بالورود اللي زهـوره جـميله ** لاتبيـّن غـصـونه يـوم ربـي عـطـاك
واعـذاب المـشـقى كل يـــومٍ ولـيله ** كل ما شـاف زولك قـال عـمري فداك
مـن نظـرته بعينك مـنك ياعـزتي لـه ** ان قعـد ما تهنا وان مشى ما نساك
فــيك شـارات ذبــحٍ للقلوب العليله ** مثل حمـر الخـدود وزين جـسمٍ معاك
جـعل ربٍ كـتـب حـبك عـلينا يـزيلـه ** او يـردك عـلينا لين نـتدرك رضاك
من شكـى لك شكيته وحار من يشتكى له ** انـت تـقدر وهـو وده يناظـر رضاك
اسـمـر اللون ماتـرحـم ولافـيك حيله ** ماتطيب الجروح الا ان حصل لى دواك

**********************************
ياشين فرقا من توده

يا شين فرقا من توده وتغليه .. لي صرت تجهل وش سبايب فراقه
ما الوم من يبكي على فقد غاليه .. ان ما جاني من الحب ذاقه
احترت انا والقلب يكفيه ما فيه .. خلّي نواني يقطع العلاقه
واقول يا الم**** وش مقصدك فيه .. وش سبب الهجران بعد الصداقه
حرام من يغليك بالهجر تجزيه .. جفيت قلبٍ يزيد لك استياقه
شبكتي بالحب واشغلتني فيه .. وابعدت حتى صار شوفك شفاقه

**********************************
ياصاحبي لاتجي للزياره بخيل

يا صاحبي لا تجي للزياره بخيل .. ترى التعب والشقى كله على شانها
ما هو بقصدي طمع لا شك نجلس قليل .. والنفس مجبورٍ تخص لديّانها
الليل عندي سهر واليوم عندي طويل .. حالي براها الجفى مع زود حرمانها
ما تفعل الخير وتذكر ما مضى من جميل .. ايامنا اللى مضت يا صاحبي ردها
انهار تجري وفيها كل غصنٍ ضليل .. الله خلقها وعندي جمّل اغصانها
والله لو لا الحياء والصبر كله جميل .. لآخذه باول لقاء في وسط ميدانها

**********************************
ياطريق حصل لي

يا طريقٍ حصل لي فيه كل الهلاك .. انشبكنا وحنا من بعيد لبعيد
رد لي السلام وقال هيّا معاك .. ويوم ربي جمعنا يوم عيد سعيد
شفت شي ذبحني بين هذا وذاك .. سوّى بالقلب لو هو من صليل الحديد
لا تلوم المولّع ولو غلّض عليك ونهاك .. انت عند خبر لا شك قلبك عنيد
من حكي لك حكي بك عند هذا وذاك .. انشد اللي مجرّب كان ***ى الاكيد

**********************************
ياطلعت البدر

ياطلـعت البدرَ في ديجـورِ الأغلاس ** ويا هـلالاً بدأ مع هجعهِ الناسي
يا مـن بُليـت بِه يأحـسن النـاس ** يا من محـبتـهُ تـاجُُ على راسي
والـلهِ ما طـلعـت شمـسُُ ولاغـربت ** إلا وذكـراك تسـري مـع انفاسي
ولا جـلـسـتُ مـع قـومُُ أحـدثـهـم ** إلا وانـت حـديـثي بـين جـُلاّسي
ولا شـربت مـن الـماء مـن عـطـشٍ ** إالا رأيـتُ خـيالاً منك بالكأسي
إن كان هم عـلموك أن لا تـكلمـني ** فأكتب لنا خطابٍ في طئ قُرطاسي
وأكتب على جانبِ القرطاسَ من قلمٍ ** لا يرحمُ اللهَ من لايرحمُ الناسي

**********************************
ياعجب كيف تنسى

يا عجب يا كيف تنسى ذيك الايام .. لجلك عيوني حاربه لذّه النوم
اشوف زولك في منامي بالاحلام .. ليت تشوف الحال والله ما تنوم
صورتك وسط العين راسمك رسّام .. عند العواذل صرت في وضع مفهوم
من سبّتك حالي غذت جلد وعظام .. وشيٍ كتب باللوح من ربي مقسوم

**********************************
ياعشيري دخيلك

يا عشيري دخيلك لا تبيع الغلا .. عهد حبي وحبك من يدك لا يضيع
لا تطيع العواذل يا ظبّي الفلا .. عندك القلب امانه واحفظه يا وديع
حسنكم يا ضنيني فات فوق الملا .. من وشا لا تطيعه خل حلمك وسيع
بعدكم ذاب قلبي وانتهى ما سلا .. اسهر الليل كله مثل طففلٍ رضيع
روح روحي وروحي في يدك يا حلا .. اعرفك يا حبيبي الزعل لا يشيع
كف عنك التغلّي وعد لنا يا هلا .. من وصالك شفى لي ومن سببكم وجيع

**********************************
ياعين طول الليل

يا عين طول اليوم والليل تبكين .. وش السبب يا عين لا تجحدينه
الناس ترقد وانتي الليل تنعين .. يروح ليله مير ما ترقدينه
ان كان من فرقا حبيبك تنوحين .. والله ما الومك يا العيون الحزينه
والله ما الومك لو بكيتي زمانين .. وان كان عندك شي لا تبخلينه
انا عذرتك عقب فرقا المحبين .. بس ارفقي بالقلب لا تمحلينه
الآن عرفتي وا عسى تسفهلّين .. الصبر مفتاح الفرج كان تفهمينه
واللي تبينه وين واليوم انا وين .. عسى الفلك يندار بيني وبينه
خلك سلى من فرقاك يا عين .. مسكين خلك ما بكت منك عينه
قالت حشى لله لا تظلم الزين .. اللي يودّك مسمح انك تهينه

**********************************
ياعين لابكين هذا مقدر

يا عين لا تبكين هذا مقدّر .. حكم القدر يا عين ما فيه حيله
مهما الدمع هل وتنثّر .. كثر الدمع ما رد خل لخليله
كم واحدٍ قبلي من الفرقا بليله تعبّر .. قلبه من الفرقا جروحه عليله
انا اشهد ان راعي الهوى حظه اقشر .. مشقيه ربي في نهاره وليله
مكتوب له طول الحياة يتحيّر .. ما بين هم وغم يا عزتي له
عزي لمن مثلي بحاله تحيّر .. احتار ماله صاحبٍ يشتكي له
قلبي عليل ونوم عيني تكدّر .. كثر الهموم وعاد حالي نحيله
الحال تنقص والعذاب يتطوّر .. والقلب ماله طب بايّه وسيله

**********************************
ياعين لاتبكين

يا عين لا تبكين كان الذي كان .. ليت الكبي يا عين يرجع بغايب
والله لبكي لو مشى الدمع وديان .. كوده يرد الزين سيد الحبايب
اللي نساني واشعل القلب نيسران .. والقلب من فرقاه يا ناس ذايب
سهران افكر وش بلا الزين زعلان .. والله فلا لي ذنب لكن مصايب
يا ليت لاهل الحب حاكم وسلطان .. واشكي لهم لهم بالحق والحق صايب
حالي نقص واقضّي الليل سهران .. والراس من كثر الغرابيك شايب
فكرت انا بالحب واصبحت خسران .. صحيح قالواها حياتك تجارب
من اولٍ للحب والعشق ولهان .. واليوم انا عن سيره الحب تايب

**********************************
ياعيون الشقاوي

يا عيون الشقاوي هلي الدمع كله .. هلي الدمع كله يا عيون الشقاوي
يوم عرّض حبيبي ضامر القلب شلّه .. شل قلبي من المعلوق ماهو بياوي
يا نديبي الي منك لقيته تقلّه .. راعي الحب ما يلقى لجرح مداوي
عندك دواه يا راعي الرموش المضلّه .. لا تعذب محبك المحبه بلاوي
يا صغير النهود اللي ردوفه تتلّه .. ليه منتا على الم**** يا زين هاوي
شوف دمعه على خده عيونه تهلّه .. ليش ترضى على المسكين ناوي

**********************************
ياقمر
يا قمر خلك معانا .. لا تفرّط في هونا
لا ييع عندك غلانا .. يا قمر شارع عسير

لجلكم تسهر عيوني .. والبكى جدد شجوني
يا فتى لا تحرموني .. لجلكم امري خطير

انشبكنا في هواكم .. ليه تحرمنا رضاكم
ذاب قلبي من جفاكم .. وعندكم قلبي اسير

ما حصل مني خطيّه .. حتى اتزيد الاسيّه
رد لي قلبي عليّه .. انت يا حالي النظير

ليه تبخل في كلامك .. يا قمر غطي ظلامك
كيف حبك كيف غرامك .. كيف انا بقوى اسير

يا ضنيني شوف حالي .. لجلكم ساهر ليالي
ما يجب منك يا غالي .. يا حبيبي ما يصير

يا حلو يا خف دمك .. ليتني جنبك واضمك
او قريبٍ لابن عمك .. انت في عمري خشير

**********************************
ياقمر نص الشهر

يا قمر نص الشهر ليله نصيف .. باسطٍ نورك على كل الديار
لا حشى والله ما جالك وصيف .. في جميع البيض يا رمز الوقار
القكر لي جا الفجر نوره يهيف .. وانت نورك ساطعٍ وضح النهار
يا ربيعي والبشر غيرك خريف .. يا هناي وبهجتي عطني قرار
الصبر لا تعتقد حمله خفيف .. الصبر يازين لوعه وانتحار
لك على وضح النقا حبٍ شريف .. يا ملاك غاب من دون اعتذار
طمّن اللي خافقه يرجف رجيف ..عن غيابٍ صار قلّي كيف صار

**********************************
يالطيف الحشا

يا لطيف الحشا لولاك .. ما جرى الدمع من عيني
اذرف الدمع من فرقاك .. والهواجيس تشقيني
جل من صورك محلاك .. نادرٍ بالمزاييني
القمر فيه من شرواك .. لي نظرته يسليني
يوم عيدي نهار القاك .. من شفاياك تسقيني
اجتمع ساعهٍ وياك .. من حنانك تداويني
ليتني ما هويت سواك .. انت وحدك مكفيني

**********************************
ياهوى البال

يا هوى البال لا تنسى حبيبٍ هواك .. الطف بحال منهو ما يذوق المنام
كل ما جيت انا بدله تذكرت انا ذاك .. وانشغل قلبي المسكين بك واستهام
لو نسيت المولّع يا القضي ما نساك .. كثر هجرك برى حالي وزاد الهيام
يا حبيبي عسى روحي وما املك فداك .. انظر بحالتي ما ارقد ولا ابغا المنام
يا هوى البال منك انا اوشكت بالهلاك .. من سبايبك حالي موشكٍ بالعدام
يا اريش العين قلّي ويش سبب جفاك .. لا يخيب الرجاء بك يا حسين القوام
والله اني شقيٍ منك واتبع رضاك .. وانت يا نور عيني ما ترد السلام
ليه تبخل علي حتى بلذّه حكاك .. وانتهى الهجر يا ترف القدم يا حرام

 

 

 

 

 

 

 

 

 

 

 

مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
اسرق البسمة
مشرف سابق
 
الصورة الرمزية اسرق البسمة
 







اسرق البسمة غير متواجد حالياً

#9
قديم 2010, 09:46 PM

افتراضي


اشكرك يا سعود

ما قصرت ، وهديه للقسمَ اعتز فيها
ارشيف يالغالي
مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
سعـود
عشق الصبا ..
 
الصورة الرمزية سعـود
 








سعـود غير متواجد حالياً

#10
قديم 2010, 09:49 PM

افتراضي


هلا بك يا بو عبيد يستاهلون الجيران والله

والف شكر على التثبيت

 

 

 

 

 

 

 

 

 

 

 

مشاركة محذوفة
1 2 3 4 5 6 7 8 9 10 11 12 13 14 15 16
موضوع مغلق

مواقع النشر (المفضلة)


جديد مواضيع قسم الفن العام
أدوات الموضوع
طرق مشاهدة الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
(( ما خطرتش على بالك يوم تسأل عني )) من روائع ام كلثوم بصوت وحيد الجزيرة .. تفضل اسرق البسمة الفن العام 38 2013 04:45 PM
(حصري لطيار كوم)اهديكم ولعشاق وحيد الجزيرة الراحل الفنان فهد بن سعيد في البوم يازعبم ابووسيم استريو ابو وسيم 23 2011 08:17 PM
ألى كل عشاق وحيد الجزيرة رحمه الله General الفن العام 1 2010 02:02 AM
بصوت وحيد الجزيرة فهد بن سعيد محمد الروقي الفن العام 15 2010 10:45 AM
وحيد الجزيرة بينكم ممكن ترحيب حاااار فهد السعيد ملتقى اعضاء طيار كوم 7 2008 03:34 PM


الساعة الآن: 07:26 PM


  Ysori
1 2 3 4 5 6 7 8 9 10 11 12 13 14 15 16


1 2 3 4 5 6 7 8 9 10 11 12 13 14