التسجيل متاح الان

 
العودة   الطيار كوم > الموقع الرسمي للأستاذ حمد الطيار > الفن العام
الفن العام قسم لطرح كل اعمال الفنانين

رد
 
LinkBack أدوات الموضوع طرق مشاهدة الموضوع
معلومات العضو
ديباجوا
عضو مميز ومشرف سابق
 
الصورة الرمزية ديباجوا
 







ديباجوا غير متواجد حالياً

#1
قديم 2007, 05:25 AM

افتراضي كلمات ( كل أغاني ) الفنان : فهد العبدالله


اخواني الاعزاء ..

عشاق أبو نايف ..

السلام عليكم ..


في هذه الصفحة نحاول جميعنا ان نكتب شيء من الاغاني التي غنى بها الفنان أبو نايف ..

وسأحاول معكم أن اكتب كل الكلمات التي أسمعها في حاول وجودي معكم ..


واتمنى منكم المتابعة .. وكل واحد يكتب اللي يقدر عليه ..


وبهذا نكون قد عملنا ديوان خاص بأغاني ابو نايف في هذا المنتدى ..

اتمنى ان تنال اعجابكم هذه الفكرة ..

ونساهم جميعنا فيها .. وأوعدكم سأكتب لكم ماأسمع دائما .. وبشكل دائم .


( أرجاء عدم وضع رد أو تعليق عدم عرض توقيعك أن أمكن لكي يكون الوضع مرتب بس أسم الشاعر والقصيده )



>قد أخطئ أنا أو غيري في القصيدة لملا حضت أي خطا أرجاء المراسلة على الخاص <
تحياتي




الليل غطى
الليل غطى واهج الشمس برفوق
ليل تنثر يجرح الخد بالمس

لو لا ذعاذيع الهوى ترفعه فوق
ان كان ولع من سنا واهج الشمس

يلعب بها النسناس والقلب ماسور
شوفته نتعش كل من خاطره عمس

قلبن غدىمن سود الايام محروق
وقت عصيب طامس فرحتي طمس

يامن خذا من خافقي عهد موثوق
اروي الخفوق وصافح الخمس بالخمس

يهز ذكرك خافق هوه الشوق
مغموس في بحر الشقا والهوى غمس

كان الرجى بك عز يا قمة الذوق
بصمت لا تقتل سنا شعلة الهمس
خالد السبيعي

أنا مدري
أنا مدري أنا المخطي أوأنت اللي علي أخطيت
انا صارحتك بحب أبيك تحن أبي تــدري

ربيــع العمر يالغالي أنا ماجـا على بالــي
تضايق من حقيقة خافي احساسي ومن سري

أنا لوكنت اعـرف أنك تبي تبعـد وتنسانــي
تركـت السر في قلبي توقد ناره بصـدري

أنا بيدي عميـت عيوني اللي تسعد بشوفــك
وأنا بيدي ذبحت افراح نفسي بك وانا مدري

كتبت العـذر من دمعـي لعـلك تقبـله منـي
وتنهي هجرك اللي طال يالغالي على عمري
سليمان السلامه

لاتقطع اسباب الرجا
لاتقطع اسباب الرجا فيك مرة
خل الرجـا لو ماصدق فيك يبقى

ترى السراب اللي خداع ومغره
ينعش رجا الضامي وهو ويش يلقى

حبك عسى ربي يكـافيني شره
عجـزت عنـه بكـل شئ اتوقى

أجي لدربك كـل يومِ وأمره
مشتـاق أدور شوفتـك واتهقى

ضامي حنان وشوفتك لي مبره
ومن الجـروح القلب ياما تلقى

ماأحدِ حداني للشقى والمضرة
إلا أنت ياللي وجنتي منك زرقا
سليمان السلامه

لاتلتفت
لاتلتفت مثلك على الصد نقوى
والجرح يامــا غير حبك يداويـــه

يـامـا بخلق الله مجاريح رجوى
كم خاطرٍ مجروح والوقــت مشقيــه

بالناس أبلقى عن رجاويك سلوى
مافـات شي ومنك انا الحب مابيــه

جاملتك التجريح من غير شكوى
صبـرت لين القلـب ضاقت محانيــه

يازين ماني لك على منت تهـوى
يـومٍ تبــي حبــي ويوم تخليـــه

بارق سحابك مالنا فيه رجـوى
مسكين قلـبٍ من لياليـك يرجيـــه
سليمان السلامه

جاني مـن الماضي
جاني مـن الماضي وفـايت لياليـه
ينـشد عن جروحٍ دفنهـا زمانـي

وقـفت محتـارٍ عيوني تراعـيـه
أبكي فـرح وأبكي نـدم من حناني

مديت كفـي وارتعش بين أيـاديه
رديـت لسنيـنٍ مضـت في ثواني

بالله وش جابك لقلبـي وطاريــه
وش لك بتـجديد العنا اللي طواني

لاتجرح اللي طاب مافات كافيــه
عطـني جديد الحب وأغلى الأماني

عطني حنانٍ ضاع عمري وانا أرجيه
اللي مضى من هـم حبك كفاني
سليمان السلامه

كلمة في خاطري
كلمة في خاطري دايم تجـــول
كلمــةٍ لوقلتـها لـه مـاشقيـت

ودك أن الحـب مايبلى خجـول
أنقضـى بالصمـت عمري ماحكيت

إن تلاقينـا وإلى صمتى يطــول
وإن رحـل قلت آه ليتي له شكيـت

حايرٍ بالصمت مفقـود الحلــول
حيلتي ترديد كلمة ليـت ليـــت

كلما حاولت اعبر له وأقـــول
ضاع تعبيرالكـلام وماقـويــت

شوق يدفعني وخـوفٍ بي يحـول
ليـن الوقـت مني ماحكيـــت

يازمان الصمت بي شوقٍ يهــول
وانقضى عمري ولا أدري وش نويت
سليمان السلامه

يامراسيل العيون
يامراسيل العيون الحايــرات
أنثري فوق الهـدب مـوج الحنين

رجعي شوقٍ مع الأيـام فات
لاتقولين انتهــت هــاك السنين

تو حبي مابعد بالقلب مــات
في عيونـي لوتشوفينــه يبيــن

حافظٍ عندي بقايا الذكريـات
أذكر اللي فات وأنتي تذكريـــن

في عواطف خافقي باقي حيـاة
والوفــا والـود باعماقـي دفيـن

واتمنى ايامنا اللـي ماضيـات
يالعيـون الحايــره لاتبخليـــن
سليمان السلامه

يقول وش زودي
يقول وش زودي علـي الناس عنـدك
وأقول كلـك ياهـوى خاطـري زود

يقول وش بي للمحبـه يشــــدك
وأقـول مدري أنشـد عيونك السود

كل الحلا بالناس ماهـوب قـــدك
ياللي مع اخـلاقك بك الحسن موجود

كل الزهر ماشاقـني مثـل خــدك
ماشاقنـي بغصونها نامـي العــود

نفسي مشت بركابهـا ليـن حـدك
ماعـاقها زيـنٍ مع الناس موجــود

أغليـك يالغالي ورجـــواي ودك
لاتجـرح اللي لك من القلـب مشدود
سليمان السلامه

مالـي أسف
مالـي أسف مالي بعمري محاسيـف
إلا عليهــا يازمانـي عليهـــــا

وجدي عليها يافراق المواليـــف
تحت الثـرى قلبـي خذته بيديهـــا

كانت حياتي كانت الحـب ياكيف
أدله بعمري مثـل وقـتٍ نـساهــا

بالقلب له حبٍ وبالعين له طيـف
وبخاطري كـل الهموم احتويهـــا
سليمان السلامه

أيست من رجـواك
أيست من رجـواك يانـاسي الحب
لو بك رجا ماضاع عمري وأنا أرجيك

أربع سنين أرجيك وأشكي لك القلب
أشكي جـروحه منك ربي يجازيـك

تشوفـني يـازين في عـابر الدرب
وتصـد عني كـن غـيري يناديك

أعطيك قلبي وانت تعـلن لي الحرب
نفسك كبيرة ماتبي من يداريــك

تجرحني بصدك وهجـرك بلا ذنب
إلا أن قلبي ياهـوى النفس يغليـك
سليمان السلامه

سر الحياة
علمتني دمعتي سر الحياة
واكتشفت الوقت طبعه لي عنيد

كل مكتوب على المخلوق جاه
حكمة الله عاد همي من جديد

في غياب اللي غيابه ما نواه
لكن الاقدار عكس اللي نريد

حبنا اللي كان غالي مستواه
موته قلبه كأنه من حديد

مابقى الا أعيش في ذكرى هواه
أو عساه يكون في دربه سعيد


وش بقى بالكون يا طعم الحياة
يا قريب القلب يا أبعد من بعيد
علي اللزام

يا خلي الهاجر
يا خلي يا غالي الحق على حالي
ما عاد لي والي عقلي معك طاير

ودي أشوفك يوم حتى أهتني بالنوم
ملزوم بك ملزوم يا خلي الهاجر

وش السبب يا زين تلعب على الحبلين
شفت العناد والبيّن حظي معك عاثر

طيفك يعاودني يبعد وأنا أدني
حزن على حزني صار البلا صاير

ارحم طريح أرضاك وره كما وراك
وارجع وممشاك في حبه الطاهر

إن كان ناوي الصد ما عاد لك بالود
بيني وبينك حد ما نيبلك حاصر
أحمد الدغيري

سهير الليل
الا ياويل من مثلي تعنا
يشوقه صافي الوجنه حبيبيه

سهير الليل ليله ما تهنا
يضمن هموم ذا الدنيا نصيبه

دموع العين لاجله ما تونا
تهل وصافي الدمعه صبيبه

الا يا قلب يكفي لا تمنا
حبيب مرخص بك وش تبيبه

حبيب وسط حيه لو لمحنا
يصد وقلبي المولع صويبه

عقب ذاك الوصل وش جاه منا
صدوده ما هقيناها غريبه
ناصر الحجي

شوق المحبه
هزني شوق المحبه يمكم
يا حبيب الروح يا غاية مناي

طال صبري طال شوقي لمكم
مستطيع البعد عنكم يا هواي

مستحيل انسى الحنان وعطفكم
لو تسبب يا هوى بالي بشقاي

كان هذا قدر حبي عندكم
شوف حالي كيف قرب منتهاي

قلنا منهو سبايب هجركم
كان شي صار فيني في خفاي

كم أنا ضحيت والله لاجلكم
تنكر المعروف هذا هو جزاي
محمد المشوح

الشمس في خدك
الشمس في خدك تضحك على محلاك
والعطر في يدك سبحان من سواك

خل الزعل يا اسمر تظلم حمالك ليه
بالناس ما نقدر نلقى مثيلك ليه

نور القمر لونك لما سطع بالليل
والشمس بخدودك لما نكون بالليل
عبد العزيز الحناكي

ميت القلب
ياحال حال الحول وانتي نحيله
وانهد حيلك من حبيبك ولا حن

ياحال مالك في حبايبك حيله
ما دام مهضوم الحشا بالوصل من

بيض الليالي جمعتنا بليله
سود الليلي عقبهن بالجفا جن

من عقب خلي عفوتي مستحيله
مالي جدى كود اصفق الكف واون

من عقبهم هم بقلبي اشيله
لو شال ربعه ميت القلب ينجن

عزي لقلب فيه مثل المنيله
عن وصل خله له ضروف يحدن

عزي لعين ما تدور بديله
لو ان كل البيض للعين عرضن
ناصر الحجي

عشرة نواظر
بيني وبينه عشرة بالنواظر
الكل وجد القلب يشكيه بالعين

توافقت بالحب فينا الخواطر
يبدي شعوره بالنظر وافهمه زين

يقوللي ما بيننا الحب كابر
ساعة لمحتك في عيونك تراعين

واقول خلك ياهوى البال صابر
على النظر مافيه داعي تحاكين

بين العواذل بيننا النطق عاثر
خل مسمع العذال ناظرك يكفين

هرج الغلا ما بين خاطر وخاطر
يقضي لزومه ناضر العين يازين
احمد الجوهر


عفت الكرى
يا سامع بالصوت قلبي يناديك
بين الرجا والياس مالي سواتي

ياكود صبري عنك رجوى مناجيك
دمع على الخدين يخفي شكاتي

مير الشقى والويل لا حل طاريك
عفت الكرى وامسيت دون المباتي

واكبر عذابي من ذكرى لياليك
ذكرى زمان فات ماله حياتي

ماظن لك يازين قلب يجاريك
لاشاف منك العيب شاف المماتي

توك صغير السن باصبر واجازيك
واخفي خطاك اليوم لو به وفاتي
عبدالرحمن المطرف

العزاء والتهاني
أنا تقبلت العزاء بك من العام
كن العزاء في موت حبك تهاني

ياما سهرت الليل لا غبت مانام
ترقد وانا ازرع في رجاك الاماني

وأثر السعاده في رجا حبك اوهام
لا طاب جرح صابني منك ثاني

جارت على قلب شقى فيك الايام
أشكيك للي في غلاك ابتلاني

سهرت عليك عيون ماظني تنلام
ذاك امس ولا اليوم ماجا كفاني

افرح بطيشك والغرابيل قدام
ياطاك من وقتك مثل ماوطاني
عبدالله العليوي

مادفعني
مادفعـني للغيـاب الا لقــاك
وماندمت من الفراق الاعليك

صورتك بعيوني انسـان بمـلاك
وصورتي كذبة وفا ماتهـتويك

صعب تجمعنا المسافـه في غـلاك
والمشاعر تختلف فيني وفيـك

كان غيري ماصدق يوم بهواك
الاصابع ماتسـاوى في يديـك

صار شوفك جرح واتعبني رجـاك
راحتي بالبعد لو قلبـي يبـيك
سليمان السلامه

لو ماتشوف الحب
لوماتشوف الحب عيني بعينـك
صدقت هجرانك وكذبت عيني

ولو ماتحس أيدي برعشة يدينك
لاجيت اسلم قلت مانتب تبيني

أشوف بعيونك غلاي وحنيني
وأن غبت غبت ولا طرالك تجيني

بالله قلـي ويش بيني وبينـك
يغريك صد ويبعدك ماتجينــي

أحلفلك أني ما أعرف بديلك
ومامثل قسوت أبد في سنيني
سليمان السلامه


أبنتظـــر
ابنتظر مطلع نهـار ...
مهمـا يطـول الانتظـار ...
دامي على حبك أغار ... مالي على الصبراختيار ...
.
ابتبع دروبك وأمر ...
لو عمـري أيامـه تمـر ...
لو حتى ما يبقى عمـر ... ابنتظـر مطلـع نهـار ...
.
اللي من اعماقه يحب ...
لوهو شقى لوهو تعـب ...
يطاوع اشواقه غصب ... ماله على احساسه قرار ...


لوحاول بينسى هواه ...
واقفى وترك عشقه وراه ...
.
لابد ماتخونه خطاه ... ويرجع أسيـر الانتظـار ...
ابنتظر مطلع نهار .. أبنتظر ... أبنتظر...
سليمان السلامه


حيرتني
حيرتني ياموقدٍ فيني النار
مابين نظراتك وبين المعاذير

لاقلت أبي شوفك تعذرت باعذار
وإن قلت كيفك قلت يافاهمٍ غيـر

يتعبني التفكير يازيـن واحتـار
ولكثرة الأعذار ماشوف تبريـر

مدري بحبك وش تبي مني اختار
البعد والا القرب أبي منك تبصير

تزاحمت بي من تصرفك الافكار
في نظرتك هجر وموده وتقديـر

يازين ريحني بجيـه ومسيـار
والا قل ابعد وانتفارق على خير

لاتلتفت
لاتلتفت مثلك على الصد نقـوى
والجرح ياما غير حبك يداويـه

ياما بخلق الله مجاريح رجـوى
كم خاطرٍ مجروح والوقت مشقيه

بالناس أبلقى عن رجاويك سلوى
مافات شي ومنك انا الحب مابيه

جاملتك التجريح من غير شكوى
صبرت لين القلب ضاقت محانيه

يازين ماني لك على منت تهوى
يومٍ تبـي حبـي ويـوم تخليـه

بارق سحابك مالنا فيه رجـوى
مسكين قلبٍ من لياليك يرجيـه


مرثية خلف
خلف خليفة والده


مرحوم يا رجل على الطيب مجبول
الله يرحم في وفاته عياله

من طلعته مثل الجمل ينقل حمول
خلف خليفة والده في فعاله

انا اشهد افقدته علينا على الطول
مازل وقت الى يجينا خياله


يبكي خلف داني وقاصي ومجهول
وتبكي عليه المرجله والجماله

يرحمك يارجل مع اناس مقبول
من طلعته ما مر درب الفساله


راع الفزايع والكرم مابها قول
ريف الضعيف يشاركه في حلاله

يضحك في وجه الضيف لو كان مشغول
ويقلطه ويكفيه من دلاله

صدره وسيع وبلغرابيل مدهول
من صكته غبر الليالي عناله

الله يعفو عنه ماهل همول
ويعيض الاسره من عياله بداله

وا ختامها صلوا على خير مرسول
الهاشمي اللي وفى بالرساله

صالح الكريدا


سراب اليل

سراب الليل قليل الحيل والحيله

مشى سارح على درب الخلا

يداري الأنفاس

ماغير الليل والهوجاس

حب طاغي يذبل وياما تذبل

حروف العشق بالهجران

حبيب وراح وغيا في هوى ثاني

أنا شفته وهو يمشى مع هالدرب

مثل مايوم ماشاني

وعدى ولاجاني

دريت إني وحيد الصوت

حبن طاغي يذبل

وياما تذبل قلوب العشق بالهجران

محمدالعثيم


لي حق اعاتب

لي حق اعاتب لابدى منك تقصير

لابدى تقصير مني فعاتب

عاتب عاتب

لي حق اعاتب

مثلك حبيبن غالين صحبته غير

ولا عليك اخطيت في رطاك واجب

لي حق اعاتب

بلقلب له عن جملة اناس تقدير

غلاك مثل اغلى علي من القرايب

قولو لها وارجوك من غير تقدير

قلي بصراحه ان كان خا طرك طايب

لي حق اعاتب

الجوهر

البراهين

يلي على حبي تبين من البراهين

قلبة عمى ما شاف دموع عينه

اشتاقلك وانتي لا شك تدرين

هاذي مواري جرحك العام فيني

رغم الجفا بلحيل بلحيل غاليه

يشدني رغم الجفا من حنيني

يا غاليه لو لاك ما هلة العين

حسبي على الي صار بينك وبيني

وبكل وفا وعطف و لطف ولين

لاضاقت ادنيا عليك اذكريني

اصبر بي عاده من اسنين وسنين

من اصبر عاد انا وش بيديني


ماهو عادي

ماهو عادي أتمادي
بلجفى تجرح فؤادي

يا ودادي ماهوعادي
وأنت للأحساس زادي

بس فكر فيني مره وانت غادي

تدري انه لو منع طيفه رقادي
لوتعب شوقي ينادي

تدري ان كل اناس عادي

ماهوعادي


 

 

 

 

 

 

 

 

 

 

 


التعديل الأخير تم بواسطة : ديباجوا بتاريخ 2008 الساعة 12:10 PM
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
عنيزاااوي
طياري محترف







عنيزاااوي غير متواجد حالياً

#2
قديم 2007, 05:47 AM

افتراضي


أول سبب أنت .....

وآخر سبب أنت ....

عشمت قلبي بلهنا
حتى تمكنت

فرشت لى صحراء الظماء
نهر وغدير

واليوم قلبي في يديك
مجروح بصمت

مشتاقلك بلحيل
عقبك نهاري ليل
اللى على جمرك وطاء
يصيح وين أنت

أسرفت بتقدير
وأخطيت بالتقدير
أبيك لهمومي غطا
وأثري توهمت

كلمات : الشاعر عبدالله العليوي

************************************************** *******************************

ميلاد حرفي يامعاني قصيدي يامن يناجي حسك الحرف بيدي

قصيدتي بك ذيك نفس القصيده اللي متبته فيك مامن جديدي

حرمان قلبي لا متى منك قلي متى بحبك ياهواي استفيدي

اكتبلك الرجوى واكمل برجوى والحال عي عي والعنا بي يزيدي

اصبح على اللي ياهوي بالي امسيه من هم واحزان وشقى يابعيدي

ياشمس بليل الجفى ضاع نوره وشوقي لشوفك لو جرحته عنيدي



كلمات : الشاعر سليمان السلامه

************************************************** *******************************

يبقى الغلا لو فرقتنا المشاريه والشرهة اللي بالخواطر تروحي

كل يعاتب بعض الاحيان غاليه والحب يبقى فوق كل الجروحي

الحب لو شانت علينا لياليه نصبر وفي سر الغلا ما نبوحي

طبع الوفا بيناتنا ما نخليه تسري بروحه مثل ماهو بروحي

حبي على باله ولو منت جافيه وهو على بالي وحبه طموحي

قلبي ولو صديت وابعدت بيديه وبنظرتي شوق اللقا له وضوحي

كلمات : الشاعر سليمان السلامه

************************************************** *******************************
كتبت لك

كتبت لك رجواي من دمعة العين ياملون في حيرتي بك زماني

حس خفي بنظرتك لي ينادين قل لي هو التعذيب والا الحناني

لا جيت اشوف بعينك الحب يازين ضيع هدب رمشك علي المعاني

الخوف تبعدني والاشواق تدنين لين الشقا من حيرتي فيك باني

احب فيك أوهامي اللي تمنين عذب الهوى فيك وتقرب مكاني

مايندري بالحب للحب تغلين والا على بالك من الناس ثاني

كلمات : الشاعر سليمان السلامه

************************************************** *******************************
نسيانك ارحم

نسيانك ارحم من رجاوي سرابك يامن قضى عمري وانا في رجاويك

حسيبك الله كم شكت من عذابك نفسي وجرح القلب ماهو بخافيك

تلقى الوفا مني وانا القى الشقا بك أعطيك قلبي وانت تبعد خطاويك

يمطر لغيري من حنانك سحابك ويموت قلبي ضامي بين اياديك

رجيت عطفك مير طال الرجا بك لين انقطع باليأس كل الرجا فيك

ياللي بحبك مارحمني غيابك نسيانك ارحم من رجاوي لياليك

كلمات : الشاعر سليمان السلامه

************************************************** *******************************
مشاوير العمر

يامشاوير العمر ياعجايب ذا الدهر يادمع فوق الخدود هليتها بفرقا الرفيق

ساهر بليل الهوى عايفه عيني الكرى كله سبب ريم الورود شب في قلبي حريق

واعذابي يالحبيب جرح قلبي مايطيب ارجع وخلينا نعود نسعد بماضينا العتيق

آه ياغدر الزمن دايم ايامك شجن حطيت لي بدربه سدود حرمت نفس ماتطيق


كلمات : فرهود الفرهود

************************************************** *******************************
ليتك بعيد

ليتك بعيد وليتني عنكم بعيد واصير فيم وصادق الحب موعود

وتشوف عيون تحبك من اجديد تلقى الغلا والقى بك الحب موجود

يالحاظر الغايب بهمي وش تريد جرح بلا قصد وجرح بمقصود

ازيد لك بالود وبصدك يزيد ويضيع حبي من مضاليلك السود

ياللي بنظراتك للاشواق تبديد وش فايدة لا صرت للغير مشدود

ماهوب لي شوفك مسره ولا اريد شوفة حلاتك والغلا منك مفقود

كلمات : الشاعر سليمان السلامه

************************************************** *******************************

طريح الهوى

يا زين لولا الغلا ما حيت يمك يا زين العقل مني خلا والجرح اصبح متين

قلبي طريح الهوى وادواه عندك يلين ليتك تجيني ترى ما طيق بعدك يومين

دمعي سكيب ولا ترحم عيون الحزين ياليت نرجع سوى نذكر ايام الحنين

ياليت نرجع سوى نذكر ايام الحنين ياليت نرجع سوى نمحي ظلام السنين

كلمات : الشاعر محمد المسلم

************************************************** *******************************
ابكي وقوليلي

ابكي وقوليلي بخافي النوايا مالي على صمتك ولو طال تفسير

كان الزمن قد جار حنا برايا حبي وحبك ماجرى فيه تغيير

ياكثر من حبو وصارو ضحايا بدنيا فرحها تقتفي بالتعازير

انا معك دايم وانتا معايا لا تضعف الخطوه ولا يضعف السير

قولي ترى صمتك يزود بشقايا قبل افقد الامال بالصمت واحير

كفي عن عيوني ذهولي الشفايا حتى ولو للعين يابنت تعبير

شفي بنطقك بين غرة ثنايا تكرر الكلمه على السمع تكرير

واسمع واطالع ياحميد السجايا وأفهم بحسي وش تقول التعابير

كلمات : الشاعر عوض العصيمي

************************************************** *******************************

هو سواد الليل مني فيك غار يوم عجل بيننا وقته يسير

او مثل شوقي لك اشتاق النهار انجرح من غيبتك وقت قصير

ليه حتى الوقت يالم**** صار بك يحاسدني ومني بك يغير

ما درى وش كثر قاسيت انتظار ما درى عن ظامي الجرح الخطير

درب وصلك يحسب انه لي عمار ما درى انه يانظر عيني عسير

ما درى ان الحظ في شوفتك جار وان قلبي في رجا الصدفه اسير

كلمات : الشاعر سليمان السلامه

************************************************** *******************************

كل المواعيد

مالي ومال الوقت ما دمت وياك انت الزمن لي وانت كل المواعيد

خذ من زماني كل وقتي ويفداك مافي حياتي لك من الوقت تحديد

اجمل ليالي العمر عشته بدنياك من قبلك الدنيا بعيني تناكيد

انت الذي مع بسمة مع ثنايك انسى همومي والسعاده لي تزيد

معذور انا لو صرت ما طيق فرقاك يازهرة ايامي ويافرحة العيد

اقدر على نسيان قلبي ولا انساك غيرك انا بصادق الود ما اريد

الله على دنياي ياحلو لاماك خذ كل وقتي من ملاقاك ماحيد

كلمات : الشاعر سليمان السلامه

************************************************** *******************************

سافرت

سافرت به دمعتي يوم الرحيل وانكتب في ناظري عمر الشقى

فيك عمري انت يالهيف الظليل لا توادعني على غير اللقى

حارت ايامي مع القلب العليل وجد شوفك بالمعاليق ارتقى

مايحيد الروح عن غيرك بديل انت غصن الحب في رمل النقى

ما تجاوز حد رمشه او اميل حيث سهم العين بالقلب التقى


الشاعر : ؟؟؟؟

 

 

 

 

 

 

 

 

 

 

 


التعديل الأخير تم بواسطة : ديباجوا بتاريخ 2007 الساعة 05:49 AM
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
الحربي
طياري جديد







الحربي غير متواجد حالياً

#3
قديم 2008, 01:48 AM

افتراضي


مشكور اخووي

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
kam
طياري جديد







kam غير متواجد حالياً

#4
قديم 2008, 09:27 PM

افتراضي


يعطيك العافيه اخوي ماقصرت
وبو نايف مقصر شوي

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
طيار جديد
طياري جديد







طيار جديد غير متواجد حالياً

#5
قديم 2009, 12:07 AM

افتراضي


مشكوووووووووووور

 

 

 

 

 

 

 

 

 

 

 

رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
رد

مواقع النشر (المفضلة)

الكلمات الدليلية (Tags - تاق )
أغاني , العبدالله , الفنان , فهد , كلمات


جديد مواضيع قسم الفن العام
أدوات الموضوع
طرق مشاهدة الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
كلمات أغاني ألبوم ( الفرس ) للفنان عبدالله الصريخ - عندليب نجد يزيد الفن العام 33 2010 10:43 PM
جلسه من 5 أغاني لفهد العبدالله ( صافيه ) &سـوالـف& الفن العام 32 2008 12:40 AM
الفنان فهد العبدالله ( 5 ) أغاني فديو ديباجوا الفن العام 12 2008 04:56 PM
إهداء كلمات من أغاني صوت الأرض طلال مداح وخاصة لريان ابو سلطان 6 ملتقى اعضاء طيار كوم 13 2004 11:18 AM


الساعة الآن: 05:46 PM


Powered by vBulletin® Version 4.2.0
Copyright ©2000 - 2011, Jelsoft Enterprises Ltd
Tranz , Design and Development By YsOrI
SEO by vBSEO

RSS RSS 2.0 XML XML2 SiteMap SiteMap2 ARCHIVE HTML HTML2 EXTERNAL JS URLLIST

  Ysori
1 2 3 4 5 6 7 8 9 10 11 12 13 14 15 16


1 2 3 4 5 6 7 8 9 10 11 12 13 14