الان تطبيق الطياركوم متاح لأجهزة الجوال

 
العودة   الطيار كوم > الموقع الرسمي للأستاذ حمد الطيار > الشعر والشعراء
الشعر والشعراء شعراء وقصائد وبوح

ودي بشوفك يامطّول غيابك=بعدك عليّ الكون ياعزوتي ضاق أسهرت عيني في رجاوي كتابك=يمكن يهدي بين الأضلاع خفاق جفت غصون القلب
رد
 
LinkBack أدوات الموضوع طرق مشاهدة الموضوع
معلومات العضو
راعي العوجه
طياري محترف








راعي العوجه غير متواجد حالياً

إرسال رسالة عبر مراسل ICQ إلى راعي العوجه إرسال رسالة عبر مراسل AIM إلى راعي العوجه إرسال رسالة عبر مراسل MSN إلى راعي العوجه إرسال رسالة عبر مراسل Yahoo إلى راعي العوجه

#1
قديم 2004, 09:29 PM

Post كلمات اغاني الفنان عبدالله الصريخ


ودي بشوفك يامطّول غيابك=بعدك عليّ الكون ياعزوتي ضاق

أسهرت عيني في رجاوي كتابك=يمكن يهدي بين الأضلاع خفاق

جفت غصون القلب وأبطى سحابك=للموت روحي ياهوى البال تنساق

ناشدتك الله لايخيب الرجاء بك=عساك لي يامالك الروح مشتاق

قلبي معك لو تجرحه في عتابك=لاشك من دونك خطاويه تنعاق

يازين قلبي من هواك إلتجا بك=لاتجرحه زودٍ على جرح الأشواق


كلمات الشاعر المرحوم ان شاء الله : عبدالله بن عبدالعزيز العليوي

===



قلي على الله وأبتعد عنك وأرتاح=قلي على الله بس من غير تجريح

من شب نار الشوق يا شوق ما صاح=واللي وطاها يشرح الجيب ويصيح

لولا الغلا ما هانت النفس يا صاح=محبتي لك ماوراها مصاليح

وشلون تنسى يالغضي كل ماراح=مركب غرامك سار مع وجهة الريح

القلب في يمناك ياعزوتي طاح=حنا على شط الرجاء بك مجاريح

جرحتني وأحسبك للقلب جراح=أشوف بعيونك على الصد تلميح


كلمات الشاعر المرحوم ان شاء الله : عبدالله بن عبدالعزيز العليوي

===


أحبك ليه ما أدري ؟؟
أحبك وانتهى أمري
أحبك .. لو تروح بعيد
أحبك .. لو تجي جنبي
أحبك .. يا بعد من غاب
ولو تبعد وتنساني
وتنسى أيام عشناها
أنا ما أقوى على النسيان
وتسأل ليه
ما أدري ؟
تعلمني الوفاء وشلون
وتنسى درس علمتّه
تقول احفظ عهود الحب
وأنت الحب ضيعته
وهذا الجرح في قلبي
نهاية حبك .. الكذاب


كلمات الشاعر المرحوم ان شاء الله : عبدالله بن عبدالعزيز العليوي

===


إرقد ملأ عينك وخل السهر لي=خل السهر لمعذب القلب وإرتاح
لاباس لو زاد الهوا منك حملي=خلن على همي وخلك بالأفراح
لايشغلك جرحي ولاتلتفت لي=خلك على هجرٍ عليه العمر راح
بديت مشوار الهوا بالتغلي=وأتلاه حتى بالحكي صرت شحّاح
أستاهل التعذيب واللي حصل لي=حبيت من ظن الهوا لعب وإمزاح
يرضيك أنا أدري كلما يدني أجلي=لا شك راضيك ولو كنت ذبّاح
مهديك أنا عمري وعنه متخلي=مايوم حسبت الخساير والأرباح
تجفى وتنسى خاطرٍ مايملي=حبك بكل اللي جرى منك رجّاح
خلك على مبداك لا تنضغن لي=وأنا على صبري وللضيق مفتاح
مسموح مني كل يومٍ يزلي=مهما تعذبني جروحي والأتراح


كلمات الشاعر : محمد العبيدالله

===


ترفق على قلبٍ تلوع وذاق الويل=جفاه الزمان وصابه اليوم ماصابه
حدتها الليالي دوم من مسها بالكيل=نصيبه عزاه وزوده الهم يشقى به
عقب ما إرتبط حبل الهوى وإنعقد بالحيل=هقيت العواصف ماتهزه وتقسى به
مع الصاحب اللي طاوع القال وأهل القيل=قطع حبال الموده والقلب قطع به
غريرٍ غشيمٍ نزوته طلعت الموديل=بحبه هواه يهواه طما فاتحٍ بابه


كلمات الشاعر : عبدالعزيز الصغيّر

===


تعززوا للي مريضٍ ولا قام=تعززوا للي مسافر خليله
ياويل من قلبٍ سطت به الأوهام=وياويل قلبٍ ماتهنأ بخليله
مالي وسيله كود شوفه بالأحلام=زادت جروحي والليالي طويله
خلي خذا قلبي إلا صد وإن قام=وإلا تبسم بالثنايا الجميله
وأنا مريضٍ ولا رحمني من العام=دايم على بالي نهارٍ وليله
إن مت لأجله قربوا طيب رخام=وإكتب على قبري قتيل الجديله


كلمات الشاعر الفنان : عبدالله بن سليمان الصريخ

===


جتني تودعني القمرا نهار الوداع=تطلبني الصورة اللي صعب ترجيعها
حاولت أدافع ولكن مايفيد الدفاع=تقول تكفى وأنا عجزت لا أطيعها
لو كان قصد السفر يمكن يهون الصراع=تروح وترجع وتشريني ولا أبيعها

لاشك فرقى ولايرجى وراه إجتماع=يعني النهايه بدمع الهوى توديعها
أنا بليا الحبيبة عرضه للضياع=أحتاج وقفة هوى بالي وتشجيعها
مثل الصغير اللي بسن الرضاع=وشلون أواجه هوى بالي وتوديعها


كلمات الشاعر : طلال السعيد

===


حبك جريح ويمكن يموت حبك=أسرع تراه اليوم بآخر حياته
أبطى وهو ينزف يبي منك قربك=يصيح لك بالصوت يرجي نجاته
قام يتوسل وإعترض لك بدربك=تنكر حقوقه وتنكر الحب ذاته
وده يعيش طول الأوقات جنبك=هملت صوته وإختنق في شفاته
حكمٍ قريب ماخفت بالحب ربك=وشلون أنا طحت في دقايق مماته


كلمات الشاعر : عبدالعزيز بن عبدالله السناني

===


دنيا تدور أيام ذكراه بهموم=ياما بلت قلبٍ عن الهم سالي
خبله مريح البال وأمضاه بالنوم=وأهل الهوى يشكون ضيم الليالي
أصيح أنا ياناس مظلوم مظلوم=وشلون نور العين يرضى بدالي
كاس الجفا يازين تراه مسموم=وذبح البشر عنده أصبح حلالي
وإلى نهيت النفس القلب ملزوم=والنفس طوع القلب شرق وشمالي
مير الحظيظ اللي من الحب معصوم=يبات كل الليل نومه عدالي


كلمات الشاعر : أحمد بن محمد الفهيد

===


زرعت لي درب المحبه بالأشواك=وأشوف دمي مثل وردٍ علاها
أسير في دربك لعلي أبلقاك=والدمع من عيني لشوفك سقاها
ليتك زرعت إليا السعاده من إرضاك=بليت دربي صار سهلٍ بلاها
أبعدت عني عقب ماذقت دنياك=دنياك حلوه وأنت زايد حلاها
غدرٍ وهجرٍ هذه من مزاياك=لكن سيوفٍ في عيونك أراها
تنادي قلبي نحو موتي مايخفاك=عذاب روحي فوق هذا عناها
بينت لي حكم الدهر من سواياك=أنك تقود الروح للي دهاها
إرحم ضميرٍ بين الأضلاع يهواك=وإرحم عيونٍ طار منها سراها
درب المحبه صار صعبٍ بلياك=ياليت قلبي ماعرفها وبداها


كلمات الشاعر : صالح البييبي

===


قلت أحبك وأحسب إني ماحكيت=الهوى يسلب مثل طيف المنام
شفت عينه تبتسم لي ماقويت=أخفي إحساسي وفي قلبي غرام
إقبل أعذاري تراني مادريت=إن قلبي منك مبلي بالهيام
الندم ماعاد ينفع لو شكيت=المصيبه حلت وحل الكلام
ماألومك وأنت عن حبي سليت=ماصرفت إلا بعد ضرب السهام
في بحر هايم للرجوى مشيت=في مريح الشام وأمواج الملام


كلمات الشاعر : سعد بن عبدالله الخريجي

===


لا يرتخي حبل الموده معايه=خل الحبل يامشغل البال مشدود
لا تسمع اللي ينقلون الوشايه=عواذلٍ تحكي لنا قلوبهم سود
إرفع على بيت المواصيل رايه=تلعب به النسمات ياناعم العود
صور لهم بدموع عينك إسايه=وتعليل نفسٍ سمها الحب بوعود
يزود حبك وصدك عنايه=طال إنتظاري طال مانلت مقصود
اللي حصلي من عذابي كفايه=دايم ونقص الحال يازين في زود
أثبتلك يانور عيني غلايه=عندي على حبك مراسيم وشهود


كلمات الشاعر : راشد بن جعيثن

===


لأبعدت عن دريتي يطري على بالي=شخصٍ ذبحني ولا ادري ويش اسوي به
يامالك القلب يالغالي ترا حالي=عقبك طواه السهر .. والعيش مالي به
قالوا لي الناس وش بك قلت أنا خالي=وأنا عليلٍ طوال الوقت أهذريبه
ما أقدر على سلوته غيره مايهنا لي=لو قلت أبنساه عيا القلب يسري به
أرجوك ياللي سلبت العقل يالغالي=ترحم عيونٍ عليك الليل تبكي به
يارب ياموجد الإنسان يالوالي=طالبك تسخره لي حيث إني .. مبلي به


كلمات الشاعر : صالح الكريدا

===


ياساكنٍ بالقلـب ياغايـة الـروح=يامنوتي بالنـاس سيـد المماليـح

شيدت لك بالقلب بنيان وصـروح=ماغيرك لقلبي لقـى لـه مفاتيـح

كلٍ فؤاده في ضحى العيد مشروح=وأنا من العبرات دمعـي تسافيـح

عشرة زمانٍ وإنتهت سبة مـزوح=زلة لسـان وزودهـا المشافيـح

لولاي أعز النفس والله لا أبـوح=وأدعي ثياب العيد لأجلك تشاريح

لو ينشكي حبك على خالي الروح=يقضي ليالي العمر هم وتواشيـح

لوينشكي لطويق وجبال رامـوح=تمسي بأمر الله قـاعٍ صحاصيـح

لا باس ياقلبي على الزين مجروح=هذي سواة الحب دمع وتجاريـح

لو ينشكي للي على الدين مفتـوح=يذهل فروض الدين هي والتراويح


كلمات الشاعر : أحمد بن محمد الفهيد


غابت الشمس ياويل العيون=آه ياطـول ليلـي والسهـر
كل ماغبـت عنـي يافتـون=كني مفـارقٍ كـل البشـر
أدفن الضيق بالقلب الحنون=والتناهيد في عمـر القهـر
أقضي الليل هاجوس وظنون=ضايق البال مجروح النظـر
كل ماقلت هونهـا وتهـون=عانق الدمع رمشي وانتثـر
مايعوضك غيرك لو يكـون=من يكون وغيابك لي كـدر


كلمات الشاعر : سليمان بن عبدالله السلامه

===


شفتك مع اللي صار عقبى حبيبك=واحتارت العبرة بعيني وصديـت
مدري هي الصدفة لدربي تجيبك=مدري أنا اللي في دروبك تحريت
ملكتني وأقفيـت ربـى حسيبـك=ما تعرف الرحمة بقلـبٍ توليـت
يا قلب جرحك سبّته من طبيبـك=يا قلب ليتك بالوفاء مـاتماديـت
من حبنا كـل السعـادة نصيبـك=يا فاقد الإحساس عنـي تخليـت
وش فايده لا قلت عنـي حبيبـك=وأنت بحياتك يوم ما ظن حبيـت


كلمات الشاعر المرحوم ان شاء الله : عبدالله بن عبدالعزيز العليوي

===


بيدي رميت القلب في وسط نارك=واقفيت ياظالم وانا فيك مفتون

انهد حيلي في عـذاب انتظـارك=واخفيت جرحي مابي الناس يدرون

انهـيت قـصة حبنا بـأخـتيارك=وين الصبرياقاسي القلب وشلون

أرمي ****ي واعترف بـإنـتصارك=أبكيت من يضحك على اللي يحبون

متى تخفف لـوعتي بـإعـتذارك=واشوفكم مرة على الحب تبكون

يازين قلبي من هواك اسـتجارك=حبك عسرني ماطوى القلب بالهون


كلمات الشاعر المرحوم ان شاء الله : عبدالله بن عبدالعزيز العليوي

===


محتاج لك ياصاحبي لا تخلين=لا تبتعد وأنت الرجاء وراس مالي

اللي لقيته من عناء البعد يكفين=دنيا القهر لو تبتعد وش بقى لي ؟

مالي جدا إلا دموع من العين=العين تبكي من عذاب جرا لي

راحت حياتي أشكي الهم والبين=ماأذكر زماني مرة لي صفا لي

إرحم جريحٍ يشكي الجرح جرحين=جرح الهوا وايضا جروح الليالي

لا تذبح الفرحة ترانا مساكين=أعطيك أنا الفرحة وتمد الشقا لي ؟


كلمات الشاعر : حمد العساف

===


ياليت للعشاق دربٍ جديدي=كان أتبعه وأترك كلام الحواسيد

واصل حبيبي لو دياره بعيدي=,اخبره درب الهوا فيه تجديد

مير البلا قلبه عليّ حديدي=يظن حبي له ملامٍ وتنكيد

ليته يقدر لوعتي والنحيبي=لايسمع اللي زاده الهجر وتعقيد

كم ليلةٍ سهران قاعد وحيدي=أجاوب الونات دايم بترديد

لا جيت أبدله قام حبه يزيدي=وأمضي الليلات عدٍ وتعديد


كلمات الأمير الشاعر : بندر بن محمد


يا بقايا الامس دام إني نسيت=ما أبي يبقى اثر من ليل فات
ودي اكمل دربي اللي قد بديت=بالأمل اشوف فيه الفرح آت
صورته بالعين نادني وجيت=رافقتني في طريق الامنيات
كل صبح احيا في نوره لقيت=يمسح النسيان سود الذكريات
كم ليلٍ بالأمل خلاه ميت=وكم من الخطوات تحير مقبلات
يا بلابل رددي في كل بيت=رددي ليل الألم والخوف مات


كلمات الشاعر : علي المجراد

===



كلم يقول الوقت ماطاع يسيّر=ما يدري إني في غيابه تكدر

هذا هو الوقت والله ماتغير=أنت الذي يا زين عقبي تغير

يكفي خلاص أرجوك لا لا تعذر=أنا من الماضي بعدك تغير

روّح وأنا باروح .. هذا مقدر=وأعز نفسي لو علي تكبّر

إسلاه ياقلبي لا لا تحسر=لو طعتني يا قلب له .. لا تكرر


كلمات الشاعر : أحمد بن محمد الفهيد

===


لا قلت طاب الجرح والبال مرتاح=جابتك حلوم الليل وأصبحت مجروح

جرح الندم بالقلب ما اظن ينزاح=هز الضلوع وهز قلبي مع الروح

أسهر صويب القلب والخلايق مراح=ولا شفت من كثر البكا زود مصلوح

يزول هم القلب والسد ينباح=ورخص لدمع العين وقول مسموح

يوم أتذكر ما مضى ونقض وراح=يوم إن قلبي يجهل الهم والنوح

حالي شرحته لك ولانب مزّاح=مانب يم المزح والحال مطروح


كلمات الشاعر : عطا الله بن ضاوي

===


ليش تخفي نور وجهك يالحبيب=عن عيونك من ورى هذا الحجاب

إرفعه خل الأمل يحيى قريب=من وفا ما يسوي ذاك العذاب

صار زاد القلب جرحك يالعطيب=من عيونٍ صار ماهلت شراب

ودي أطفي دمع خدك باللهيب=مير دمعي زادني جرحي إلتهاب

إرفعه خل ما عاد لي نصيب=في دروب الحب أمشي في سراب


كلمات الشاعر : صالح البييبي

===


بعيد هناك يالغالي
بعيد
وين أنا وياك ؟

أنا وش عاد
وش بيدي

ماغير أشكي
على قلبي
على حبي
على ذ**** !

كلام الناس يالغالي
يعذبني
ويجرحني
إلا قالوا
نساك وراح !
شغل بالك
وهو مشغول
عنك بواحدٍ ثاني !!


كلمات الشاعر : عبدالله بن عبدالعزيز العليوي

===


جيتك أسابق سرعة الريح مشتاق=أحسبك تذكر كل ما كان ماضي

قابلتني في صد مدمي للأعماق=يا للأسف من فعلك القلب جاضي

يشهد على ما أقول حرفي والأوراق=في ساعة الفرقا ترى الشوق هاضي

وعرضت في حضني تبين لك أنساق=طالت علي بين الزعل والتراضي

لولاي أحبك حب صادق بالأشواق=كان انتصر مشوار للروح راضي

يصد أعياني على طول هفّاق=بعدك ترى حرمت لبس البياضي

حان الوداع اللي للأحباب فرّاق=من فرقتك ضاعت علي الأراضي

يا أهل الرياض القلب بالحيل خفّاق=أبكي أبي شرح القضية لقاضي


كلمات الشاعر : فهد بن عبدالكريم الأحمد

===


حبي وحبك حطمته الصودايف=هبت رياح الصد تطفي رماده

إنهز مركبنا بفعل العواصيف=وأفلت من الربّان حبل القياده

من كلمة وصلت بي تحريف=سووا به العذال نقص .. وزياده

وأصبح هوانا يا حسايف سواليف=والكل يروي قصته بإنفراده

خيّم على قلبي هموم وتحاسيف=صار السهر لي بآخر الليل عاده

وتحققت آمال ناسٍ ملاقيف=اللي جرحهم عيشتنا في سعاده

عندي وعندك زيف الهرج تزييف=ما أدري وش لعاذلي إستفاده ؟


كلمات الشاعر : شاهر الضاهري


فك الحصار بحق ذيك الصداقه=وبحق روحٍ ياعيوني عليله
سلمت نفسي وإعتلى الشيب راسي=رايات بيضٍ فوق راسي دليله
دام التحدي بالتغلي ****ك=ما عاد بمجابهك من وسيله
أشهد فلا بيني وبينك عداوه=لا شك زود الحب ما فيه حيله
آه من بك صابني وإبتلاني=عوّد ترى عقبك حياتي ذليله
كتبت فوق القلب مسكين .. محروم=يا غاوي درب الهوا شف كفيله


كلمات الشاعر : محمد العبيد الله

===


مره بثر مره كثرت خطاياك=الصبر طال وكل شيٍ له حدود
زين الحبايب ماسوى سواياك=أتعبت قلبي ضايقٍ منك ملهود
بالفايت اللي فات يالزين محلاك=من قبل يطلع على نفسك الزود
للحب والتقدير ماعندك إدراك=وإحساسك اللي كان الحين مفقود
أن إستمر الوضع ندله بلاياك=ياما شبع قلبي من أيامك السود


كلمات الشاعر : عبدالعزيز بن عبدالله السناني

===


ناسين ماكني بحيّك لكم جار=وش غير الأحوال يازين تالي
دايم يخيّل لي آلاف الأفكار=وأنت الذي سبب نقصان حالي
ياللي رميتن في بحورك والأخطار=تصفق بي الأمواج من كل جالي
هقواك رايك ثم طاوعت الأشرار=رمتني الأقدار سود الليالي
قادن لك الهوجاس وصروف الأقدار=خليتني أشكي من ضيق حالي
دمعي يهل وباح مخفي الأسرار=سبة عشيرٍ راح وأبقى الشقا .. لي !


كلمات الشاعر : سليمان بن سعد الخويطر

===


عبير الشوق يدفعني أبيّن لك خفايا الروح=إلا لديت بعيونك تزايد في غرابيلك

أبي لو مرةٍ شوفك ومني بعدها .. مسموح=عساي ألقاك تخفي لي مثل ماني أنا أخفي لك

ترى الهرّاج للعشاق كنه بالوسط .. قادوح=يهد اللي عماره طيحته ما هيب تبه يلك

ولكن كيف أبصبر عنك وقلبي منك أنا مجروح=ولو هانة عليّ السالفه والله .. لا أبديلك


كلمات الشاعر : أحمد بن ناصر النعيم

===


غلطة خفوقي يوم جاء مندفع لك=يركض ورا مجداف حبٍ خيالي
بالأمس كانت منيتي جمع شملك=واليوم صارت دمعتي راس مالي
إحساسي الصادق خدعني بجهلك=حتى إكتشفت إني وحيدٍ لحالي
حسي بغدركم وإستقري بفعلك=وأنا علي أقول .. وا عزتالي
روحي و أنا بالمقبلات أنتبه لك=وأكن لك غيضٍ يهد الجبالي


كلمات الشاعر : عويّد الديحاني

===


عالجوني يحسبون إني مريض=ما دروا عن علتي وسط الرياض
قلت يا أهل الخير بالخط العريض=علتي ودواي من صافي البياض
أشهد إني بالهوا ماني حضيض=ساكن عنيزه .. وخلي بالرياض
على قول اللي لهم طرفٍ غضيض=راح قلبي عندهم مايستعاض
إفترقنا ياهلي والناس قيض=هذا حكم الوقت ماعنه إعتراض


كلمات الشاعر : طلال السعيد

===


فزقلبي وإرتجف وسط المطار=حين نادى الناس مأمور السفر

إنتهظ خلي وودعني وسار=قمت أطالع لأختفى نور البدر

صرت مادري ليل حنا .. أو .. نهار=دكت الونات قلبي والكدر

آخر النظرات من خلي شرار=شبت بقلبي تعاليل النظر

ذكّرتني بالمصّفر ويش صار=يوم تجمعنا ذعاذيع السحر

بهجوع الليل سوينا قرار=بس خانتنا تصاريف الدهر


كلمات الشاعر : أحمد بن محمد الفهيد

===


على ذ**** أعيش العمر ياظالم وانا المظلوم=أنا المظلوم في حبك وأنا المبلي عجزت أنساك
على ضيم الدهر صابر وعيني ما تذوق النوم=وش الأسباب تهجرني وأنا ماقدر على فرقاك
حرام إنك تعذبني وأنا أبقى يابدر محروم=أنا ماقدر على النسيان أعيش العمر في ذ****
هني اللي تحقق مطلبه لا شك ذا معلوم=منايا ما تحقق ياعديم القلب .. وش نسّاك ؟
سهر عيني يعذبني وباح الخافي المكتوم=من اسبابك .. وهجرانك .. وصدك .. ويش مني جاك ؟
أنا ودي تصارحني قضى وقتي سهر .. وهموم=همومٍ ما تفارقني تعنيني وأجي لحماك
أنا موتي يهددني وأنا مالي عن المقسوم=وأنا ما في يدي حيله سوى الشكوى .. ولا يخفاك
مادام الخل ناسيني وعذالي تزيد اللوم=وش أبقى له أنا اعيش وأتبّع مسير خطاك ؟


كلمات الشاعر : سليمان بن سعد الخويطر

===


قله خلاص اللي حصل منه كافي=ما أبيه أبد .. قله يقول النهايه
من صالحي الفرقى صارت العوافي=كل يوم يبتعد به دوايه
جرحي ثلاث سنين بالقلب خافي=ما ذاك والله ما نقض من غلايه
يخطي كثير ويعتقد ما شافي=وأنا أتغاضى بالخطأ من خطايه
قله اداريه لا يصير إختلافي=أخاف أعاتب يمتنع عن هوايه
ذا الحين قلبي من هواه ذاك صافي=حبٍ جديد وتوني بالبدايه
هذا جوابي وإشرح الرد وافي=لا عاد يرسل ماوصلني .. كفايه !


كلمات الشاعر : عبدالعزيز بن عبدالله السناني

===

بالقلب لك شيٍ كثير
حبك لجا وسط الضمير
الوضع يالغالي خطير

ومنين أبلقى العافيه !


حاولت أبشرح وأقول
وأخاف قصتنا تطول
وأخاف من كثر الحلول

وأكيد مثلي .. خايفه !


أبني قصورٍ بالهوى
تعبت أدور لي دوا
واليوم أنا قلبي نوى

ينهي فصول البالغه


مليت من دنيا الشقا
وين أنت ياظبي الشفا
اللي بقلبي ماخفا

واللي بعيونك .. شايفه

كلمات الشاعر : عبدالله بن عبدالعزيز العليوي

===


إلا جت لك الدنيا على غاية المطلوب=ترفق .. ترى الدنيا به إقفاي وقبالي
أناشدك ياللي ما عرفت الوفا مره=إلى ما وفيت الناس .. ماهوب وافيني
أناشدك ياللي منكم الفضل والمعروف=تذكر زمانٍ فات يوم أنت محتاجي
أناشدك يا شايف جمالك ويا مغرور=أناشدك بالله ميمر المر والحالي


كلمات الشاعر : محمد السويل

===


منيب مسيّر بعد خلي على الحاره=جعل الزلازل بعد خلي .. تزلزلها
دارٍ جفت لي حبيبي عفت مسياره=يالله بنجمٍ من السابع يجزلها
خلي غدوا به هله يا بعد مشواره=وأنا من الزين للزينات عازلها
جوله بعاد النحايا وقلعوا داره=والقلب غيره حرام ما يغازلها
أمنّي النفس برد الحول بزياره=يا من يبشر إلا زارت منازلها
ياكودي أرتاح وأنسى الهم وأكداره=ياللي عيوني وأنا ماشي تغازلها
كلٍ على قد فعله تذكر أخباره=الناس بالناس والله مانهزلها


كلمات الشاعر : حمد المغيولي

===


حبه بحر مركب غرامي .. رسا فيه=ويصبح هواه اليوم للقلب .. ربّان
يقز قلبي كل ماسمع طاريه=وأفرح من أعماقي لو الزين بان
أعيش معاه الحب .. بأسما معانيه=وإن غاب عني ياهلي صرت ولهان
هو سيد قلبي ياعرب أهواه ومليه=من دونه الحاله تزايد بنقصان
والله ماضيع حنانه وأنا أفديه=ولا أرخصه بالقلب مهما جرا وكان


كلمات الشاعر : فهد السعدون

===


جيت يمي عقب مانساني الدهر=كل حبٍ حامله لك بالضمير
جيت يمي عقب ما إنهد القصر=زاعمٍ حبك لي .. خطير
قد تهدم قصر حبك .. وإندثر=وإنتهى مشوار حبي والمسير
وين قلبك يوم حبي مستقر ؟=مشعلٍ شمعات روحي لك .. تنير
كلٍ دربٍ إختفى فيه الخطر=خايفٍ تجرح في دربٍ عسير
مايلين القلب هذا من حجر=والحجر عمره تحوّل للحرير ؟!؟!


كلمات الشاعر : صالح البييبي

===


راجع تبي قلبي عقب ماتندمت=راجع تبي قلبي على خبرك العام
العام أنادي ياهوى البال .. وين أنت ؟=واليوم حبك ينتظر حكم الإعدام
خلك بدربك لو مشيت وتعثرت=مسكين يا باني قصورك بالأحلام
على الجفاء من طول صبري تعلمت=والجرح في قلبي تداويه الأيام
مجبور أبيعك لو بكيت وتأثرت=وش حيلتي حظي تردى ولا قام
ما عاد لي بالحب مثلك تغيرت=يا زين حبك ينتظر حكم الأعدام !


كلمات الشاعر : عبدالله بن عبدالعزيز العليوي

===


ألا يامسافر لجده .. متى لرياضنا بتعود=أنا صبري وصل حده وتعدا باقي الحدود
سهرنا ليلة الجمعه .. وخلي بيننا مفقود=وبعده سالت الدمعه ودمعي جرح الخدود
حياتي كلها لأجلك ومالي يانعيم العود=أنا قلبي يبي ودك حتى يومنا الموعود
ألا يالله ياللي بالسماء معبود=ترد الصاحب الغالي .. ترده وفرحنا بيزود


كلمات الشاعر : علي بن محمد القحطاني

===


ناظري جثمان حبك بالثرى=ينزف الدمان من جرحٍ خطير
يرتجف والدمع من عينه يرى=يصارع الآهات باليوم الأخير
والسبب لو كانت عيونك ترى=شوفة اللي حطم القلب الأسير
من بعادك .. من صدودك .. ما يرى=والعمى مايساوي بالشوفه .. بصير !
ياترى وش صاب حبك ياترى ؟=يالغضي وشلون غيّرت المسير


كلمات الشاعر : صالح البـيـيـبـي

===


لو تشوفين الدموع اللي بعيني

يوم قالوا سافرت !!

تعرفين ان الهوا

أخذ

وعطاء !!

لو تشوفين الدموع اللي بعيني !

***

تعذرين اللي بكا

واللي شكا

واللي تعرض .. للشقا

لو تشوفين الدموع اللي بعيني !

***

لا تقولين إنتهينا

ياخساره ..

تو حبي .. ما بدأ !!

لو تشوفين الدموع اللي بعيني !


كلمات الشاعر : عبدالله بن عبدالعزيز العليوي

===


يافهد حب البني حطم شبابي والهوى كله عذاب=مهد روحي بتلعات الرقابي
مهديٍ روحي بتلعات الرقابي هكذا شرع الشباب=لو لجا بك يافهد همٍ لجا بي
لو لجا بك يافهد همٍ لجا بي كان كفيت العتاب=إتركوني بس راضي في عذابي
إتركوني بس راضي في عذابي بالخطأ والصواب=في هوى اللي بالهوى مكّن صوابي
في هوى اللي مكّن صوابي قلبي المسكين .. ذاب=يابخيل الوصل رجّع لي جوابي
يابخيل الوصل رجع لي صوابي مايكفيك الجواب=خط بالقرطاس لو كلمة عتابي
خط بالقرطاس لو كلمة عتاب منك كلام العتاب=يافهد حب البني حطم شبابي


كلمات الشاعر : علي بن محمد القحطاني

===


زوجوها غصب عنها وآحسايف=وأرغموا شمس الأمل تصبح كسوف
يالله إني سائلك وسط الطواف=ضاعت الحيله ولا غيرك يشوف
ليه جنة حبنا صارت جفاف=ليه عن صحراك مطرها .. في وقوف
ليه يحصد زرعنا قبل القطاف=ليه يحكم حبنا من غير خوف
القدر وإن أصدر بحكمه وطاف=حبنا باقي على رغم الظروف
من يقدر دمعها يوم الزفاف=من يقول إن الفرح دمع الهنوف
في نظرهم هي سعيده في كفاف=وبنظرنا كفنوها ماتشوف
ولجوها كل من هنا وشاف=في نظر عيني على الجره وصوف
ضحكهم في مسمعي .. كله سفاف=والبكا والنوح .. هو صوت الدفوف
ليت قلبي ما سمع فيها وشاف=ليت أبلقى عقبها الصبر العطوف
يا دموعي .. ياجروحي .. ياقطوف=دورنا نبكي على زين الوصوف
البحر أصبح بلا شط وضفاف=والمعاني ما تجسدها حروف


كلمات الشاعر : ماجد بن عبدالله العبيد ( مجروح )

===


قالوا علامك بالتفاكير غرقان=في ساعةٍ تحضر وساعه تغيبي
قلت إتركوا قلبٍ تولته الأحزان=هذا من الله ياعرب هو نصيبي
ماتوجسون اللي بقلبي وماجان=ساكت على جرحي ولااحدٍ دري بي
مصبرٍ روحن على حر نيران=برجي أنا الله عالمٍ كل غيبي
اللي يطيح بحب زينٍ وفتاّن=دواه صعبٍ في إيدين الطبيبي
أقولها من قلبي ماهو من لسان=والدمع يذرف سايلٍ بالسريري
عليك ياللي صافيٍ كل الأزمان=واليوم بينت الجفا لك تعذيبي
عدت سنين ماخبرناك زعلان=تقبل وتقفي كل صبح ومغيبي
تجيني ولهانٍ وأنا مثل ولهان=ولاتستمتع حكي العرب لو حكي بي
يقول أنا ما أنساك لو كنت تنسان=أنا على مر الزمن لك حبيبي
وش غيرك ثاني وخلاك تجفان=وداعك لي عقب المحبه حريبي
ان كان من بين العرب جاك شيطان=إشرح لي الغايه وبيّن طليبي
أنا وهو وياك وكل برهان=والحق يظهر لو زمانٍ بعيدي

كلمات الشاعر : محمد بن عبدالعزيز العبيدالله

===


زرعتي بساتين الغلى وسط معلوقي=الين ازهرت حب وتعابير واشواقي
وشلتي خيوط الحسد من داخل الموقي=لما شفت عدواني حبيبين واصداقي
وجاء ذوقك المرهف على منتهى ذوقي=متى يجتمع بالكون حلوٍ وذواقي
وعطيتيني الوقت الذي كنت مسروقي=لما صرتي احساسي واناسي وترياقي
وشلتي هموم معلقاتٍ على طوقي=لما اصبحت حرِّ مثل مطلوق الاسباقي
رتقتي بعطفك خافقٍ كان مفتوقي=بليا ألم سرتي إلى داخل اعماقي
وسرى حبك الدافي كما الدم بعروقي=عسى ما يجي يومٍ تحسين بفراقي
وهبتيني اضعاف على كامل حقوقي=وش اجزيك يا حلم سكنتي بخفّاقي
احبك بروحي وانتي الروح والشوقي=أو اهديك قلبي وانتي المالك الباقي
ملكتي بدوىٍ خايلك غيم وبروقي=على اول حلول الوسم والبدو تشتاقي
لريح المطر يا مزنة همللت فوقي=فديتك بكل اللي ملكته من نياقي
اغني لك الحاني على كل طاروقي=واكحّل عيون الشعر في حبك الراقي

للشاعر : أحمد الجريفاني

===


حل الفراق ومابقي غير ذ****=عشرة هواك اليوم جانا كدرها

فرقاك ياكوده على القلب فرقاك=لاوآعذابي يوم جانا خبرها

وش عيشتي يانور عيني بلياك=الله يعين العين جاها سهرها

صحيح مرسوم المقادير خلاك=تبعد عن اللي عذبتها بقدرها

لكني أرجي لاتنسيك ممشاك=وأيام حبي يوم حزة سفرها

تدله وتنساني وقلبي برجواك=تنسى ليالي حبنا .. ياقمرها

للشاعر : سليمان العبدالله السلامه

===


لاتغض العين بأهداب الجفون=خل رمشك فوق عينك ياملاك

بسمة الدنيا بعينك لي تكون=لاتسلهم فوق جفنك لي هلاك

لاتشف العيال راعه بالعيون=لاتعوقه دامه أعلن لك غلاك

ياشحيح النفس دمعي لك يهون=خاضعٍ لك .. ياحسايف من هواك !

لي رجاوي علها بك ماتخون=إلتفت لي دام غيري مارجاك

بين إيدينك قلب خلك له حنون=علّها تورق غصونه .. في حماك

من جرحت القلب والخفّاق .. دون=عن عذابي كيف قلبك مانهاك ؟

للشاعر : عبدالعزيز العبدالله السناني


ذكرتني حبك وانا اقول ناسيـه=جرحت جرحك يوم قـرب يطيبــي
بشوفتك شديت قلبي لماضيـــه=يوم انت عني ساعه ما تغيبـي
ياللي تلوم القلب بفراق غاليه=ليتك بدنيا الحب تاخذ نصيبي
تمشـي بدربٍ ما تحسـب تواليـه=ماتدري انك بالنهايه صويبـي
تذكر حبيب راح تبكي لياليــه=دار الزمان و كل شمس تغيبي
بيديه قلبي يا عرب كيف اخليه=من حبه الظالم تعذر طبيبي

للشاعر : عبدالله العليوي

===



انا تعلمت الجفاء من تغليـك=ومن المذلة والخضوع انتهينـا
من كل قلبي يشهد الله ناسيك=غير الضياع بحبكم وش لقينــا
ابحتفظ في عزة النفس مابيـك=بالناس نلقى اللى نبية ويبينـا
مما معى زينت للنفس ماضيــك=في درب حبك ليتنا ما مشينــا
هديت عرش الحب يازين بيديـك=من بحر حبك بالنجاة اكتفينـا
ذاب الحنين بعين قلب تراعيك=مثلك على النسيان والله قوينا
انهيت قصة حبنا في تغليـــك=امسح دموعك بالجفاء مابدينـا

للشاعر : عبدالله العليوي

===


ابكي هوانا كلما ناح عمري=واذكرك لاضاقت على نفسي الدار
وأنت بجروحي ياهوى البال تدري=ياشايلٍ قلبي على كف الأقدار
حفرت في ذكراه همٍ بصدري=لو لا الامل والخوف بيحت الاسرار
مهما يطول الليل فتلاه فجري=لابد من صبحٍ عقب ليل الأكدار
سفينتي في بحر الأحزان تجري=يازين في عهد مضى صرت غدار
حبك طوى ياغاية النفس عمري=متى بشمسك ينجلي ليل الاكدار

للشاعر : عبدالله العليوي

===


ياهوى بس يكفينا مصايب=ماورا يازين سميت حالي
لا تعذر لي ولا تبدي سبايب=اعتقد يازين يكفي ما جرالي
روح دورلك على غيري حبايب=انتصر قلبي وشلتك من خيالي
يوم دمع العين لعيونك سكايب=ليه ياغدار ماكنك تبالي
غالي العبرات تذراهالهبايب=وانت في صدك مع الايام سالي

للشاعر : أحمد الفهيد

===


واللي حمامه دايم بس تنوحين=مدري طرب ولا حياتك نكادي

كل ما سمعتك يالحمامه تونين=احس كن الناس تشوي فؤداي

ان كان قصدك يالحمامه تشكين=اشكي الرب مستحل العبادي

ان كان انك عاشقه او تحبين=خوذ العلوم اللي علومه وكادي

مافيه فود بالهوى ان سمعتيه=ترا الهوى نار وقوده الهوادي

ترا الهوى يذبح قلوب المحبين=سهار ما يذوقون نوم المقادي

قبلك وقعت بالهوى قبل عامين=واليوم شوفي حالتي كيف غادي

دمعي على الخدين وانتي تشوفين=وجسمي عنيد صايرن عوادي

ياليتني مثلك عندي جناحين=وانطح عشيري لو دياره بعاادي

ياسعد عينك عايشه بالبساتين=اكيد مالك بالرفاقه معااادي

بعالي المراقي يالحمامه تنامين=وانا منامي يالحمامه بوادي

لو كان بهموم الضماير تعرفين=بالهوب بالزين الطرب والهوادي

كلمات : غاشم الشمري


دلوهٍ مايحس بجرح غيره=ولا ينشد عن قلوبٍ كواها
دلوه ومارحم عيني سهيره=تبيّن له دموعي من عناها
يسلي بالهوى نفسٍ غريره=عن التعذيب نفسه ما قواها
ينام الليل وعيوني سهيره=ولا يشعر بدمعٍ من عناها
يعرف الجرح مايسعى بخيره=من النسيان كم روحٍ طواها
يشوقه لشوفتي بحالٍ خطيره=وروحي منه وصلت منتهاها
وقلبي بصبعه خاتم يديره=وروح صاحبي بدا طواها
إلى جيت أتشده وجهه يديره=يصد في ضحكته موتي وراها
تعال أوقف على عيني سهيره=تشف اللي فراقه من عناها
سهر ودموع يالغالي .. وحيره=تعال نفسي ملت من شقاها
عساه لشوفتي ياله ضميره=ويدرك نفسي .. قرّب منتهاها

كلمات الشاعر : عبدالعزيز بن عبدالله السناني

===


رح يادلع تلقى وليفٍ تصافيه=غيري وأنا الرحمن قلبي يعينه
أربع سنين بصالي النار تكويه=يلتاع من يسمع بكاه وونينه
إسأل نبات الشوق كم كنت أنا أرويه=طول الليالي من دموعٍ حزينه
يشهد عليّ سهيل لاقمت أناجيه=لامن قلبي لك تزايد حنينه
أنا أحمد الله بان ماكنت مخفيه=وعرفت ما بالقلب زينه .. وشينه
واليوم باع القلب حبك لشاريه=وعشرتك رخضت عقب ماهي .. ثمينه

كلمات الشاعر : صالح البـيـيـبـي

===


في لحظةٍ أسكّت .. مانيب مليوم=وقت الوداع وكل عينٍ تهلي
بيّحت من عبرات صدرٍ به هموم=وقلت أنت دمعي خايفٍ تمتحني
قالت تكلم وإرفع الراس ملزوم=سكّت .. وضاع الراي مني
قالت تفضل ماتطلبه دوم=خايف سفركم يبعد القلب عني

كلمات الشاعر : عبدالعزيز الخلف

===


قالوا هلي من ورا الباب لك .. داع=داعٍ يصوّت لك ورا الباب ساعه
مشيت أسابق خطوتي لمه بساع=ياما رفع لي قبل هذا ذراعه
سلّمت ماكنه لقى .. كنه وداع=تشابهت عندي لقاه و وداعه
يومٍ لحظني من مضاليل وساع=والدما الى جسمٍ زهد به طباعه
مركب هواي بدون مجداف وشراع=في بحر حبي مايفيده شراعه
هذا الهوى ماهوب يشرى وينباع=والحر عنده ياوليفي .. قناعه

كلمات الشاعر : فتى حائل - عبدالله الواكد -

===


قالوا نوى يرحل حبيبك وينساك=قلت الله أقوى .. وش تشوفون بيدي ؟
دنياي دارت وإستدارن الأفلاك=كثر التشكي والبكا .. مايفيدي
وش عاد لو هلّت دموعي على ذاك=ما ينفع المكتوب دمعي يزيدي
أشوف أنا همي مير أنا مدرك إدراك=سعادتي بالناس ماهي بيدي
حكم القدر مشّان بدروب الأشواك=وقتي غدرني والليالي تكيدي

كلمات الشاعر : سليمان العبدالله السلامه

===


قرب الرحيل وحّل بالقلب عله=لا باس يامفجوع بفراق غالي
أقفي عن الديره وخلي محله=خلاني أبقى في عنيزه لحالي
أبو جعودٍ فوق الأمتان هلّه=جاني يودع في محلي عنا لي
تليت قلبي يوم فرقاك تله=وأقفيت به وأصبحت عقبه خيالي
عزي لمن فارق من الناس خله=وأنا المفارق ياعرب .. راس مالي

كلمات الشاعر : عبدالعزيز بن عبدالله السناني

===


لاترسل دموعك على الدمع مسبوق=ياما عيوني دمعها لك تدفق
يوم أنت ما تدري وش الدمع والشوق=وأنا عيوني نوم ليله تشفق
أهدتك عيني دمع الأشواق مدفوق=برهان حبه لك لعله ترفق
تبي الوفا مير الوفا راح مفروق=مجهود لكن ماكتبله موفق
خليتك بكيفك وحولت من فوق=ناظر زمانك كيف رخص ونفق
اليوم ترجيني ولا كنك العوق=ماكن عوقي منك حبٍ ملّفق
دار الزمان وبدّل الوقت بالذوق=كف الندامه منك لوح وصفق
ماظني أرجع وأرخص الدمع للبوق=ياما عيوني دمعها لك تدفق

كلمات الشاعر : محمد العبيدالله


لولا الأمل بك والرجا ياعشيري=ماعشت للأيام أقاسي نكدها
لولاي من مدةٍ احكّم ضميري=وأرسل برجوى الله لنفسي مددها
قلت إدفنوني موّت الحب .. غيري=ذنبي على اللي شفت نفسي وحدها
وأموت بحبك بوقتٍ قصيري=هذا هوى نفسي ولا ألقى وعدها
بس الرجا في مقبلاتٍ تصيري=في مقبل الأيام نجني سعدها

كلمات الشاعر : راشد بن جعيثن

===


معذور لو تقسى على القلب معذور=لاصار قلبك مايعرف الموده
لو كان لك قلبٍ به الود مذكور=ما كان تجفاني جزا الحب صده
مير أرجي اللي عالمٍ كل مستور=يرفق بقلبٍ من رماني بشده
من تب معي قلبك مع الغير مجبور=وأنا أتحرى منك بالعين لده
أرجيك ماتسمع رجاي ولا الشور=كنك تبي عمري بهجرك تهده
تراي لاحي .. ولا نيب مقبور=لكن على قبري بروحه .. ورده

كلمات الشاعر : محمد العبيدالله

===


وفر دموعك وإمسح اللي على الخد=لياك تبدي لي بدمعك .. حسوفه
قدام عينك هلّت العين وتصد=تقفي ودمع العين عينك تشوفه
لك رغبةٍ بالغير والوقت يشهد=تالي شهور العام عيني مخطوفه
عانيت كود الجرح لاشك محتد=صبّرت نفسي لين ذقت الكلوفه
جاهدت نفسي عنك .. خليك مبعد=لا ياحبيب العام نفسي .. عيوفه
روّح عساك بخير ياناسي الود=لقيت لي من فيه نفسي عطوفه

كلمات الشاعر : عبدالعزيز العبدالله السناني

===


ياناس أنا قلبي تولّع بمخلوق=ماله شبيهٍ في جميع الخلايق
العام أنا وياه عشاق .. ومعشوق=قلبي من الأيام مثل الدقايق
واليوم عكس العام ماجاني شوق=ولكن سيد البيض بالقلب وايق
قام يتنكّر صاحبي ونظرته فوق=وهجره يول إن الطريق عوايق
ليته يجيني بعلم واضح وموثوق=ويريح القلب الذي دوم ضايق
دنياي من عقب الغضي مالها ذوق=ومن عقبهم ماتزيد ذكره العايق
إليا ذكرته بالمساء بت محروق=وطيفه إلى منه منه لفا قمت ضايق

كلمات الشاعر : غاشم الشمري

===


يابعد من لي ولو كانوا هلي=طالت الرجوى وروحي هايمه
من همومك ضاقت الدنيا عليّ=وين ماقفيت لي ملازمه
عزتي للي في حبك مبتلي=تسهر عيونه .. وعينك نايمه
ياخلي القلب ماقل .. خلي=شايلٍ همك وحبك ضايمه
ياغزالٍ بالمحاسن شاق لي=بالعيون وبالخدود الناعمه
سهم عينه لا لحظ مايمهلي=لاتعد الروح عقبك سالمه
أمس أنا شفته ولا سلّم علي=واقفٍ يبرم بكفه .. خاتمه
مد لي كفك لو أنت مجاملي=السلام ببلاش ماأنت بغارمه

كلمات الشاعر : محمد العبيدالله

===


أنا العليل من حب ظبيٍ سباني=وأنا حزينٍ من بعاده ومفتون
مفتون باللي في سهامه رماني=مفتون باللي عنده القلب مرهون
أغليت دمعي في حوادث زماني=لكن في حبه أرخص الروح .. وشلون ؟
هذا منى نفسي وحب الجناني=عند المحبه كل غالٍ يهون
إن كان وده بالجفا أن يراني=تحت الثرى من شدة الحب .. مدفون
عسى يحقق له الله الأماني=مادام موتي نازلٍ بي .. ومضمون !!
ترى المحبه أفقدتني إتزاني=وأنا بحبي بين عاقل .. ومجنون
كتب عليّ الدهر حينٍ سباني=إني شقيٍ بالمحبه .. ومطعون

كلمات الشاعر : صالح البـيـيـبـي

لقيت الشمس في دربي وفوقه مستريح الليل=على جيدٍ نبت عشب الهوى من موضع أقدامه
يسوق خطاه ماوده .. يعاتبها الثرى بالشيل=حنون المشي تسري به طرايق خطوة أحلامه
أخذ عطره نسيم الحب وعطّر به ردي الحيل=وخلا ريحته للوقت تعطّر غيبة أيامه
أشوفك وسط فنجالٍ أخذ من ريحتك للهيل=تنادي من سرى ليله وضاع بزحمة أوهامه
أنا لك مندفع مشتاق أخذني للسحاب السيل=أحبك لا تلوم القلب لو عاندك بهيامه
عذابك له طعم عندي وبرّز ضحتكي بالويل=أبركض للعيون اللي لقلبي ترسل سهامه

للشاعر : عبدالعزيز العبدالله السناني

===


شمس المحبه قربّت للزوالي=جاك البديل اللي لشوفته تشتاق
نويت هجري يابعد كل غالي=وين الزمان اللي مضى .. وين الأشواق
هانت عليك أيامنا والليالي=وأنهيت ذاك الحب يازين بفراق !

للشاعر : سليمان العبدالله السلامه


 

 

 

 

 

 

 

 

 

 

 


التعديل الأخير تم بواسطة : سعـود بتاريخ 2010 الساعة 05:03 PM
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
يزيد
عضو شرف







يزيد غير متواجد حالياً

#2
قديم 2008, 08:20 PM

افتراضي


الف اولف من عجايب زماني=قافٍ يشوق مصرفين المعاني
مدام لي شف من بعيد وداني=ما جاء على بالي نطق به لساني
**

والباء بديت القيف وابديت ماخفيت=اسباب من ما شفت بالعين واريت
ياليتني مع سوق مستور ما جيت=رديت مقفي لا تعدى مكاني
**

التاء ترا ماجاء على العبد مقسوم=خيره وشره بين حجاه مرسوم
لا شك ذا معطى وهذاك محروم=وانا من التوفيق حظي رماني
**

الثاء ثبت عندي ولا به رواية=ان الهوى والحب سبة عمايه
لا وآعناي من الهوى وآعنايه=بالصاحب اللي قل شوفه براني
**

الجاء جحدت الحب والحب غربال=جرحه عميق وجارح الحب سلال
والناس ما يدرون وش علة الحال=وانا جروحي من سخيف المثاني
**

الحاء حرمني لذة النوم فرقاه=الصاحب اللي حملن حمل ما قواه
ياليت كلن ساكنٍ ماه بلزاه=ولا عنيت لصاحبي ماعناني
**

الخاء خفيف الدم قصده يجازين=عن ما مضى من عشرته يوم هو زين
واليوم يوم العين قرنت على العين=جازان بالسيات عقب الحساني
**

الدال دريت بغايته وش مرامه=عرفت مقصوده بلهجة كلامه
يبين اجر النوح مثل الحمامة=وأجاوب الورقات جر الغواني
**

الذال ذابحني همه وكيده=همه كبير وكل يوم يزيده
اللي طعونه بالضماير جديدة=له مخطر بالكبد حرّه كواني
**

الراء ربيع القلب ذكره وشوفه=حتى ايش لو طالن من اجله كلوفه
ابتصبر كود يجلى الحسوفه=وابرد غليلي من غصين اللياني
**

والزاء زريف الطول غضة نهوده=لا بالقصير ولا دقاق طويلة
لا وآعذابي من طويل الجديلة=جدد كواي بالضلوع المحاني
**

والساء سهوم الحب ماهي خفية=دايم صويب الحب عينه شقيه
لو قلت مابه علته باطنية= كني غضيض الغلث والحيل واني
**

والشين شوفي له عذاب بلا خير=حير قدم رجلي عن السير لاسير
والكبد عسكر به ثلاثة مسامير=ولأحدٍ يقول أخطيت يا مودماني
**

الصاء صويب الحب خطر على الروح=جرحه جرح روحي وأنا قبل مجروح

ياقاتل المغرم ترا منت مسموح=تركض على قتلي عياناً بياني
**

الضاء ضدي ما يسوي سواياك=يرمي على همش الخبر بس مناك
ولا انت جارحني بحبك وبلواك=ليت الولي في عشرتك ما بلاني
**

الطاء طويت الياس من شفت خلي=لاهوب جافيني ولا صافيٍ لي
وأنا عذرت من الدلع والتغلي=يكفين من طرد الهوى ما وطاني
**

الظاء ظروف الوقت ترمي بأهلها=طاوعت عينٍ مغرمه في عملها
أيام روحي داويه في جهلها=واليوم عنّيت الفرس بالعناني
**

العاء عذلت النفس عن عشرة الناس=ما شفت من طرد المقفين نوماس
من لا يسّوس قصر حبه على ساس=لا بد ماياقع رفيع المباني
**

الغين غبت وغاب عني خياله=ماعاد يطري لي غلاه ودلاله
كلٍ يبي يمشي على شف باله=لا صار ماشانه يوافق لشاني
**

والفاء فضحني بالتردد ولا فاد=همي عليه الرجل مسداد مرداد
من عند بابه مير حتى ايش وش عاد=لا صار مالي من نمى البردقاني
**

القاف قلت من التردد بلا فود=عيب ومن ما يلحق الرجل منقود
واللي يعرف النقص ويثمن الزود=يصبر على حد القسى واللياني
**

الكا كفاني ما فجعني وعنان=من عشرة اللي عقب عرفه تناسان
خان الزمان وبدل الود هجران=والعلم لو ان تجهله ما خفاني
**

واللام لومي عقب ماقفيت منا=كاني على فرقاه جريت ونّا
بالعين ابو قلب الى اقفى يحنا=لا من بني عمي ولا من عواني
**

والميم مالي عقب شفت الممله=ارضى على نفسي بالعناء والمذلة
لأنصك بابٍ يفتح الله محله=لااقفى شهر شعبان هل رمضاني
**

والنون نامت واسفهلت عيوني=طويت ياسي واستراحت شطوني
ما قول وآعزاه لا وآغبوني=حقٍ علي اخفي وليف جفاني
**

الهاء هني اللي مريحٍ ومبسوط=ولا عذاب الحب شوط باثر شوط
دام الهوى ياهل المودة هوى نوط=ما ظنتي عشرة تشد الثماني
**

والواو وسيع العرف ينكس الا شاف=صدق وجفاء ومظاهره غير مجناف
ياقلب ياللي من عناء الوقت ينلاف=أصفح إلى شفت الدهر قلبّاني
**

والياء يعين الله على العدل والميل=عبد عذر اعذر من القول والقيل
يارب حسن الخاتمة والتساهيل=وانك على درب الصلاح تهداني
**

تمت وصلوا عد مختلف الازهار=على النبي الهاشمي سيد الابرار
وآله وصحبة عد ماهب وإندار=نسم الهوى شرق وشمال ويماني


كلمات الشاعر المرحوم : حمد المغيولي


===



جرحتني برضاك وأنت متعني=تجرح حبيبٍ غايته بس يرضيك

لاتعتذر مقبول منك التجني=مر الحلو يحلى وكل الحلى فيك

يازين جرحك خافقي به يغني=لحن الوفا يازين جرحك بطاريك

اجرح هواك وسدد السهم عنّي=صوّب خفوقك وأرسمه في معانيك

رضيت حتى في قليل التمني=ياليت يلقى لي وجودٍ بأمانيك

ملكتني والزود عندي يهنّي=عرش الهوى لازم يجيلك يهنيك



كلمات الشاعر : صالح البييبي


===



تعلمت أكتم العبره وأنا توي صغير=ياسعد هالأيام وياشين حظي

طال الصبر والحلم عدى عسى خير=لكن تجاوز كل معنى ولفظي

ماشفت له عنوان ماشفت تفسير=ضيعت عمري بين فتلٍ ونقضي

أشقيتني يازين عذر ومعاذير=يانور عيني يابعد كل غضي

يابهجتي مالي جناحين وأطير=كلي أجيلك أو يجي بس بعضي


كلمات الشاعر : بداح العلي

===


ليتني كُنتُ أغني لك مواويل الهوى

أو سَمعتَ الشدو منّي مع نُسيمات الهوى

***

ليتني طيراً أغني مثل عصفور الصباح

حينما غنى وطار مُرسلاً أشجى النواح

***

ليتني أبقى أسيراً للهوى والذكريات

وجراحي بلسمُ القلبِ وعطر الأمنيات

***

ليتني كُنتُ الخيالَ

في سماءِ الأمسيات

أو سراباً من بقايا

حب ماضي للراوة


ليتَنِي كنتُ أغني !


كلمات الشاعر : صالح الكعيد


===


بآخر كلام
حبيت اوضح وش حصل
حتى السلام
من شد شوقي ماكمل

الشوق فيني ما طفى
والقلب حبك واكتفى
وباحلى غرام
حبيت اوضح وش حصل

باحلى غرام
ذكراي انتي والامل
بعد وخصام
والشوق لعيوني وصل

رجواي انتي يارجا
يا اغلى حبٍ في هوى

بعد وخصام
حبيت أوضح وش حصل

كلمات الشاعر : الجناح

===



خلوني أسهر ياهلي تالي الليل=خلوني أسهر مابقلبي يكفين

ذي حالة اللي صار وقته غرابيل=ليله عليه من الغرابيل .. ليلين

لا تعذلوني مابقلبي لكم حيل=لاتعذلوني يصبح الهّم .. همّين

والله ماأدله عن حبيبي ولا أميل=ولا أرخص أيامٍ مضت لي مع الزين

ماأدله عن اللي حطني بالمظاليل=وأرخص قريب الناس كله يدارين


كلمات الشاعر : سليمان العبدالله السلامه

===



ضاقت الدنيا على قلبٍ جريح=دايمٍ مهموم من زود الغرام

ساهرٍ بالليل بالي مايريح=من صدود الزين حرّمت المنام

لازعجت الصوت مالي من يصيح=وآعذاب القلب من زود الهيام

دايمٍ دمعي على خدي يسيح=كيف يصعب ياعرب نيل المرام

لانظرت الزول أنا خطرٍ أصيح=والعيون اللي رمتني بالسهام

حالفٍ للسر والله ما أبوح=لكن القلب المعذّب مايلام !



كلمات الشاعر : أحمد البريكان

 

 

 

 

 

 

 

 

 

 

 


التعديل الأخير تم بواسطة : سعـود بتاريخ 2010 الساعة 06:32 AM
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
معلومات العضو
يزيد
عضو شرف







يزيد غير متواجد حالياً

#3
قديم 2010, 07:02 AM

افتراضي


يوم فكيت القلم إرتعش كفي وطاح=قصدي أكتب للحبيب عن اللي بالضمير
عن همومٍ لاجيات بقلبٍ ما استراح=أتصبر وأتكتم وأخفي وش يصير
بس أقلب صورته من المساء للصباح=بس أفتش ذكريات الورق وأنا الأسير
أتذكر مامضى وإنقضا معها وراح=يوم ورد الروض ماله وكيل ولا أمير
أتذكر يوم كنا بسجه وإنشراح=بيني وبينه محبه على سلك الحرير
كم كرعنا كاسنا من شهاليلٍ قراح=دافنينٍ سدنا في جبا بحرٍ غزير
دمعتي من فوق خدي ولا فاد الصياح=سالت الدمعه وشابت وانا منها خطير
لو أنا ذا اليوم طيرٍ فقد نص الجناح=صابه القناص وأقفى ولا يقدر يطير
كيف كبدي ضاميه من سبب سيد الملاح=ناشفٍ ريقي وكفي على جال الغدير

كلمات الشاعر : حمد العلي الهقاص

==


يابعد من لي ولو كانوا هلي=طالت الرجوى وروحي هايمه
من همومك ضاقت الدنيا علي=وين ماقفيت لي ملازمه
عزتي للي بحبك مبتلي=تسهر عيونه وعينك نايمه

ياخلي القلب ماقلبي خلي=شايلٍ همك وحبك ضايمه
ياغزالٍ بالمحاسن شاق لي=بالعيون وبالخدود الناعمه
سهم عينه لا لحض مايمهلي=لاتعد الروح عقبك سالمه
أمس أنا شفته ولا سلم عليّ=وأقف يبرم بكفه خاتمه
مد لي كفك لو أنت مجاملي=السلام ببلاش ما أنت بغارمه

كلمات الشاعر : محمد العبيدالله

==


غلطة خفوقي يوم جاء مندفع لك=يركض ورا مجداف حبٍ خيالي
بالأمس كانت منيتي جمع شملك=واليوم صارت دمعتي راس مالي
إحساسي الصادق خدعني بجهلك=حتى إكتشف إني وحيدٍ لحالي
حسي بغدرك وإستقري بفعلك=وأنا عليّ أقول وآعزتالي
روحي وأنا بالمقبلات أنتبه لك=وأكّن لك غيضٍ يهد الجبالي

كلمات الشاعر : عويّد الديحاني

==


يكفي عذاب القلب لاتجرح الروح=يكفي ترى تعذيب عيني سهرها
ماتدري إنك يا أريش العين مسموح=والعين ماتبصر بليا نظرها
أنت الذي ياكامل الزين مملوح=عندي كما ليله يضوي قمرها
الهرج للعشاق مافيه مصلوح=مادام روحي فيك .. ربي جبرها

كلمات الشاعر : عبدالعزيز الخلف

 

 

 

 

 

 

 

 

 

 

 


التعديل الأخير تم بواسطة : سعـود بتاريخ 2010 الساعة 06:33 AM
رد مع اقتباس مشاركة محذوفة
1 2 3 4 5 6 7 8 9 10 11 12 13 14 15 16
رد

مواقع النشر (المفضلة)

الكلمات الدليلية (Tags - تاق )
الأغاني , بها , شدى , عندليب , كلمات


جديد مواضيع قسم الشعر والشعراء
أدوات الموضوع
طرق مشاهدة الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
جاري العمل على 10 اغاني للفنان عبدالله الصريخ سعـود الفن العام 7 2012 10:51 PM
حصريا اغاني مقابلة الفنان عبدالله الصريخ القناة السعودية الثقافية فيديو فتى عنيزة الفن العام 11 2011 02:35 AM
اغاني الفنان عبدالله الصريخ {{ بصوت محمد الدويس }} فتى عنيزة الفن العام 68 2010 03:12 AM
كلمات أغاني ألبوم ( الفرس ) للفنان عبدالله الصريخ - عندليب نجد يزيد الفن العام 33 2010 10:43 PM
لاسقاك الله يا يوم سفر أغنية الفنان الكبير عبدالله الصريخ بصوت الفنان عبدالله الحوشان أبو عبدالله 100 ملتقى اعضاء طيار كوم 13 2009 04:44 PM


الساعة الآن: 03:00 AM


RSS RSS 2.0 XML XML2 SiteMap SiteMap2 ARCHIVE HTML HTML2 EXTERNAL JS URLLIST

  Ysori
1 2 3 4 5 6 7 8 9 10 11 12 13 14 15 16


1 2 3 4 5 6 7 8 9 10 11 12 13 14